ഗുരുവായൂർ :ഗുരുവായൂർ ദേവസ്വം ജീവധനം വിഭാഗത്തിൽ ജോലി ചെയ്ത് വിരമിച്ചവരുടെ കൂട്ടായ്മ പുന്നത്തൂർ കോട്ടയിൽ ആനയൂട്ട് നടത്തി. റിട്ട. ജീവധനം ഡെപ്യൂട്ടി അഡ്മിനിസ്ട്രേറ്റർ എം അരവിന്ദാക്ഷൻ ജൂനിയർ വിഷ്ണുവിന്, തണ്ണിമത്തനും ചോറ് ഉരുളയും നൽകി ആനയൂട്ട് ഉദ്ഘാടനം ചെയ്തു.
- Advertisement -
എം പി ശങ്കരനാരായണൻ്റെ അദ്ധ്യക്ഷതയിൽ ചേർന്ന യോഗത്തിൽ പുന്നത്തൂർ കോട്ടയിലെ മുതിർന്ന ആനക്കാരനായ ഇ രാഘവനെ പി എ അശോക് കുമാർ പൊന്നാട ചാർത്തി ആദരിച്ചു. വനിതാ മാനേജർ ഇ ബീനയെ ആർ നാരായണൻ പൊന്നാട ചാർത്തി ആദരിച്ചു. ശിവദാസ് മൂത്തേടത്ത്, ആർ രാജഗോപാൽ, പി വി സോമസുന്ദരൻ, കെ ആർ സുനിൽകുമാർ, എസ്. ശശിധരൻ, ആർ പരമേശ്വരൻ തുടങ്ങിയവർ സംസാരിച്ചു. ചടങ്ങിൽ ഉണ്ണികൃഷ്ണൻ പാലക്കോട് നന്ദി രേഖപെടുത്തി.
