പൈതൃകം ഗുരുവായൂരിൻ്റെ  യോഗ വാരഘോഷങ്ങൾക്ക് തുടക്കമായി. 

ഗുരുവായൂർ: “എംപവർ ഓഫ് വുമൺ” എന്ന സന്ദേശത്തോടെ കേന്ദ്ര സർക്കാർ ആചരിക്കുന്ന ഈ വർഷത്തെ യോഗ ദിനാഘോഷത്തിൻ്റെ ഭാഗമായി, പൈതൃകം ഗുരുവായൂരിൻ്റെ  ആഭിമുഖ്യത്തിൽ യോഗ വാരത്തിന് തുടക്കമായി. 

ഇതിൻ്റെ ഭാഗമായി പൈതൃകം വനിത വേദിയുടെ ആഭിമുഖ്യത്തിൽ മെഡിറ്റേഷൻ ക്ലാസ്സ് സംഘടിപ്പിച്ചു. പ്രസിഡണ്ട് ഇന്ദിര സോമസുന്ദരൻ അദ്ധ്യക്ഷത വഹിച്ചു പ്രശസ്ത യോഗാചാര്യൻ ബാബു കാണിപ്പയ്യൂർ ഉദ്ഘാടനം ചെയ്തു പൈതൃകം യോഗ പഠനകേന്ദ്രം അദ്ധ്യാപകൻ പ്രമോദ് കൃഷ്ണ ക്ലാസ്സെടുത്തു. സെക്രട്ടറി ജയശ്രീ രവിചങ്കത്ത്, സൗമിനി ശ്രീകുമാർ, ഉദയശ്രി ശ്രീധരൻ, രമണി പണിക്കർ എന്നിവർ പ്രസംഗിച്ചു

ജൂൺ 20ന്  നൂറോളം അമ്മമാരുടെ സൂര്യ നമസ്ക്കാരം ചാലഞ്ച് സെയിം യോഗ സെൻ്ററിൽ നടത്തും. 21 ന് ശ്രീനാരായണ വിദ്യാനികേതൻ സ്കൂളിൽ 400 കുട്ടികളുടെ യോഗാസന ഡെമോൻട്രേഷൻ നടത്തും 24 ന് യോഗ വാരത്തിന് സമാപനമാകും