- Advertisement -[the_ad id="14637"]
ആലപ്പുഴ: ചെങ്ങന്നൂരിൽ സ്കൂൾ ബസിന് തീപിടിച്ചു. വിദ്യാർത്ഥികളുമായി പോയ മാന്നാര്‍ ഭൂവനേശ്വരി ഇംഗ്ലീഷ് മീഡിയം സ്‌കൂളിന്റെ ബസിനാണ് തീ പിടിച്ചത്. ഡ്രൈവറുടെ സമയോചിതമായ ഇടപെടൽ മൂലം വൻ ദുരന്തം ഒഴിവായി. കുട്ടികളെ ബസിന് പുറത്താക്കിയതിനാൽ ആളപായം ഉണ്ടായില്ല.
ആല ഗവ. ഹയര്‍സെക്കന്‍ഡറി സ്‌കൂളിന് സമീപം വച്ചായിരുന്നു അപകടം. ബസിന്റെ മുൻവശത്തുനിന്ന് പുക ഉയര്‍ന്നതോടെ ഡ്രൈവര്‍ വാഹനം നിര്‍ത്തി കുട്ടികളെ പുറത്തെത്തിച്ചു. ബസ് പൂർണമായും കത്തി നശിച്ചു. ബസിൽ 17 കുട്ടികളാണ് ഉണ്ടായിരുന്നത്.
