കേന്ദ്രമന്ത്രി സുരേഷ് ​ഗോപി ഇന്ന് കൊച്ചിയിൽ; കുവൈറ്റിൽ‌ മരിച്ച മലയാളികളുടെ മൃതദേഹങ്ങൾ ഏറ്റുവാങ്ങും, മരിച്ചവർക്ക് ആദരമർപ്പിക്കും

കൊച്ചി: കേന്ദ്രമന്ത്രി സുരേഷ് ​ഗോപി ഇന്ന് കൊച്ചിയിൽ. കുവൈറ്റിൽ‌ മരിച്ച മലയാളികൾക്ക് അദ്ദേഹം ആദരമർപ്പിക്കും. കുവൈറ്റ് തീപിടിത്തത്തിൽ വിദേശകാര്യ മന്ത്രാലയവുമായി ബന്ധപ്പെട്ട് സാധ്യമായ എല്ലാ സഹായവും നൽകാൻ സജ്ജമാണെന്ന് അദ്ദേഹം ഇന്നലെ ഉറപ്പുനൽകിയിരുന്നു.

മരിച്ചവരുടെ മൃതദേഹങ്ങളുമായി വ്യോമസേനയുടെ വിമാനം പുറപ്പെട്ടിട്ടുണ്ട്. പുലർച്ചെ 3.30-ന് പുറപ്പെട്ട വിമാനം രാവിലെ 8.30-ന് കൊച്ചി അന്താരാഷ്‌ട്ര വിമാനത്താവളത്തിലെത്തും. മുഖ്യമന്ത്രി പിണറായി വിജയനും മന്ത്രിമാരും ചേർന്ന് മൃതദേഹ​ങ്ങൾ ഏറ്റുവാങ്ങും.

മരിച്ച 45 ഇന്ത്യക്കാരുടെ മൃത​ദേഹങ്ങളാണ് കൊണ്ടുവരുന്നത്. 23 മലയാളികളുടെ മൃതദേഹങ്ങൾ കൊച്ചിയിലേറ്റു വാങ്ങും. തുടർന്ന് പ്രത്യേക ആംബുലൻസിൽ മൃതദേഹങ്ങൾ വീടുകളിലെത്തിക്കും. മറ്റ് സംസ്ഥാനങ്ങളിലുള്ളവരുടെ മൃതദേഹങ്ങൾ പിന്നീട് ഡൽഹിയിലേക്ക് കൊണ്ടുപോകും.