- Advertisement -[the_ad id="14637"]
ഹൈദരാബാദ് : ആന്ധ്രാപ്രദേശിൽ കൃതിവെണ്ണു മണ്ഡലത്തിലെ സീതനപ്പള്ളിയിലുണ്ടായ വാഹനാപകടത്തിൽ 6 പേർ മരിച്ചു. 5 പേർക്ക് പരിക്കേറ്റു. വെള്ളിയാഴ്ച പുലർച്ചയോടെയായിരുന്നു അപകടം. കൃതിവണ്ണിലേക്ക് പോകുകയായിരുന്ന മത്സ്യത്തൊഴിലാളികൾ സഞ്ചരിച്ച വാൻ എതിർദിശയിൽ നിന്ന് വന്ന കണ്ടെയ്നർ ലോറിയിൽ ഇടിക്കുകയായിരുന്നു.
മരത്തടികൾ വഹിച്ച് പോവുകയായിരുന്ന ട്രാക്ടറിനെ മറികടക്കുന്നതിനിടെയാണ് കണ്ടെയ്നർ ലോറിയിൽ വാൻ ഇടിച്ചതെന്ന് മച്ചിലിപട്ടണം ഡിഎസ്പി സുബ്ഹാനി പറഞ്ഞു. 5 പേർ സംഭവസ്‌ഥലത്തുവച്ചു തന്നെ മരിച്ചു. മറ്റൊരാൾ ആശുപത്രിയിലേക്ക് കൊണ്ട് പോകും വഴിയാണ് മരിച്ചത്. അപകടത്തെ തുടർന്ന് 3 കിലോമീറ്ററോളം ഗതാഗതക്കുരുക്കുണ്ടായി.
