ഷാഹിദ് കപൂറിന്റെ അടുത്ത ചിത്രമായ ഛത്രപതി ശിവാജി മഹാരാജിൽ റാണ ദഗ്ഗുബാട്ടിയും . അമിത് റായ് സംവിധാനം ചെയ്യുന്ന ചിത്രം ഇതിഹാസ യോദ്ധാവിന്റെ ജീവിതത്തിൽ നിന്നുള്ള ധീരോജ്ജ്വലമായ അദ്ധ്യായം എടുത്തുകാണിക്കുന്നതാണ്.
ഷാഹിദ് കപൂർ ഛത്രപതി ശിവാജി മഹാരാജിന്റെ വേഷം ചെയ്യുമെന്ന് അമിത് റായി ഈ വർഷം ആദ്യം വെളിപ്പെടുത്തിയിരുന്നു. കുപ്രസിദ്ധ മുഗൾ ചക്രവർത്തിയായ ഔറംഗസേബിനെ അവതരിപ്പിക്കാനാണ് നിർമ്മാതാക്കൾ റാണ ദഗ്ഗുബാട്ടിയെ സമീപിച്ചിരിക്കുന്നത് .
ദഗ്ഗുബാട്ടിയുമായുള്ള പ്രാഥമിക ചർച്ചകൾ തുടങ്ങിക്കഴിഞ്ഞുവെന്നാണ് റിപ്പോർട്ടുകൾ. “ഔറംഗസേബായി വരുന്നതിൽ അമിത് റായിയുടെ പട്ടികയിൽ റാണയാണ് ഒന്നാമത്. ഷാഹിദും ആവേശത്തിലാണ്.“ സിനിമയുമായി അടുത്ത വൃത്തങ്ങൾ പറഞ്ഞു.
ഒരു പരമ്പരാഗത ബയോപിക്കിൽ നിന്ന് വ്യത്യസ്തമായി, ഛത്രപതി ശിവാജി മഹാരാജിന്റെ ജീവിതത്തിലെ ഏറ്റവും ധീരമായ ഏടുകളുടെ ഒരു ത്രില്ലിംഗ് വിവരണമാകും ചിത്രം. “ഇത് ഛത്രപതി ശിവാജി മഹാരാജിനെ അടിസ്ഥാനമാക്കിയുള്ള സിനിമയാണ്, പക്ഷേ ഒരു ബയോപിക് അല്ല. ഇതൊരു ത്രില്ലർ ആയാണ് അണിയറപ്രവർത്തകർ ആലോചിക്കുന്നത്. “അമിത് റായി പറയുന്നു.
ചിത്രത്തിന്റെ തിരക്കഥ പൂർത്തിയായി, പ്രീ പ്രൊഡക്ഷൻ ജോലികൾ ആരംഭിച്ചു കഴിഞ്ഞു. 2024 അവസാനത്തോടെ ചിത്രീകരണം ആരംഭിക്കാനാണ് ടീം ലക്ഷ്യമിടുന്നത്. ഷാഹിദ് കപൂർ ശിവാജി മഹാരാജിന്റെ വേഷത്തിനായി തീവ്രമായ തയ്യാറെടുപ്പുകൾ നടത്തുകയാണ്
