അയൽവീട്ടിൽ നിന്നും ചക്ക പറിക്കുന്നതിനിടെ ഷോക്കേറ്റു; 65 കാരന് ദാരുണാന്ത്യം

കോഴിക്കോട്: കൊയിലാണ്ടിയിൽ ചക്ക പറിക്കുന്നതിനിടെ ഷോക്കേറ്റയാൾ മരിച്ചു. കൊല്ലം മരുതൻകണ്ടി സ്വദേശി രാമൻ (65) ആണ് മരിച്ചത്. കൊല്ലം പാറപ്പള്ളി റോഡിലാണ് സംഭവം. അയൽവീട്ടിൽ നിന്നും ചക്ക പറിക്കുന്നതനിടെയായിരുന്നു സംഭവം.

ഇരുമ്പ് പൈപ്പ് ഉപയോ​ഗിച്ച് ചക്ക പറിക്കുമ്പോൾ സമീപത്തെ വൈദ്യുതി ലൈനിൽ തട്ടുകയായിരുന്നു. മൂന്ന് മണിയോടെയായിരുന്നു അപകടം. പ്രദേശവാസികൾ വിവരമറിയിച്ചതിനെ തുടർന്ന് പൊലീസെത്തി ഇയാളെ താലൂക്ക് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.

മൃതദേഹം കൊയിലാണ്ടി താലൂക്ക് ആശുപത്രി മോർച്ചറിയിലേക്ക് മാറ്റി.