ബൈക്ക് യാത്രികനെ ലോറി ഇടിച്ചിട്ട് നിർത്താതെ പോയി; യുവാവിന് ദാരുണാന്ത്യം

പാലക്കാട്: എലപ്പുള്ളിയിൽ ലോറിയിടിച്ച് ബൈക്ക് യാത്രികനായ യുവാവിന് ദാരുണാന്ത്യം. പാലക്കാട് നിന്നും പൊള്ളാച്ചിയിലേക്ക് പോയ ലോറി ബൈക്ക് യാത്രികനെ ഇടിച്ച ശേഷം നിർത്താതെ പോകുകയായിരുന്നു.

കൊടുമ്പ് സ്വദേശിയായ യുവാവിന്റെ തലയിലൂടെ ലോറി കയറിയിറങ്ങി. കഴിഞ്ഞ ദിവസം രാത്രി എട്ടുമണിയോടെയാണ് സംഭവം നടന്നത്. ലോറിക്കായി പൊലീസ് തെരച്ചിൽ ആരംഭിച്ചു.