ഗുരുവായൂർ: ലൈറ്റ് ചാരിറ്റി ട്രസ്റ്റ്‌ ഗുരുവായൂർ ചാവക്കാട് മേഖലയുടെ ഒമ്പതാം കുടുംബ സംഗമവും സ്കോളർഷിപ് വിതരണവും കോട്ടപ്പടി മിലൻ ഓഡിറ്റോറിയത്തിൽ വെച്ച് മെയ് 29 ബുധനാഴ്ച നടന്നു.
ബേബി സിതാരയുടെ പ്രാർത്ഥനയോടെ ആരംഭിച്ച കുടുംബ സംഗമം കടപ്പുറം ഗ്രാമ പഞ്ചായത്ത്‌ പ്രസിഡന്റ്‌ സാലിഹ ഷൗക്കത്ത് ഉദ്ഘാടനം നിർവഹിച്ചു. ചെയർമാൻ മുഹമ്മദ് ഇസ്മായിൽ അദ്ധൃക്ഷത വഹിച്ച സംഗമത്തിൽ പ്രമുഖ സൈക്കിയാട്രിക്ക് സോഷൃൽവർക്കറും കൗൺസിലറുമായ സി കെ മൊയ്തുണ്ണികുട്ടി മുഖ്യ പ്രഭാഷണം നടത്തി.
മുഖൃ രക്ഷാധികാരി പി കെ ഇസ്മായിൽ, മുഹമ്മദ് അലി ഷിഫാസ് എന്നിവർ ആശംസകൾ നേർന്നു സംസാരിച്ചു. വിദ്യാർത്ഥികൾക്കുള്ള പഠനോപകരണ സഹായ വിതരണം ഫുവാദ് ബാസൂരി, ജലീൽ അൽ അൻസാരി എന്നിവർ ചേർന്ന് നിർവഹിച്ചു.
സ്കോളർഷിപ്പ് വിതരണങ്ങൾക്ക് വനിതാ വിങ് നേതൃത്വം നൽകി. സുബൈദ ടീച്ചർ, ജംഷീറ ടീച്ചർ പഠന ക്ലാസുകൾ എടുത്തു. ആക്ടിങ് കൺവീനർ അബു വലിയകത്ത് സ്വാഗതവും ട്രഷറർ ഹബീബ് നന്ദിയും പറഞ്ഞു.
