തനത് അഭിനയശൈലി കൊണ്ട് മലയാളി മനസിൽ ഇടം നേടിയ താരമാണ് സിദ്ധിഖ് . മലയാളത്തിലെ സൂപ്പർ താരങ്ങളായ മമ്മൂട്ടിയ്‌ക്കും , മോഹൻലാലിനുമൊപ്പം അഭിനയിക്കാനും സിദ്ധിഖിന് കഴിഞ്ഞിട്ടുണ്ട് . ഇപ്പോഴിതാ ലാലിനും, മമ്മൂട്ടിയ്‌ക്കുമൊപ്പം അഭിനയിച്ചതിനെ കുറിച്ച് സിദ്ധിഖ് പറഞ്ഞ കാര്യങ്ങളാണ് സോഷ്യൽ മീഡിയയിൽ ശ്രദ്ധ നേടുന്നത് .
മമ്മൂട്ടിയും , മോഹൻ ലാലും തങ്ങളുടെ കഥാപാത്രങ്ങളെ സ്വീകരിക്കുന്നതിൽ പോലും വ്യത്യസ്തയുണ്ടെന്നാണ് സിദ്ധിഖ് സ്വകാര്യ ചാനലിന് നൽകിയ അഭിമുഖത്തിൽ പറയുന്നത് . മമ്മൂട്ടി ഓരോ കഥാപാത്രങ്ങളെയും വളരെ സീരിയസായാണ് കാണുന്നതെന്നും അതിനനുസരിച്ചാണ് ഡയലോഗുകൾ പഠിക്കുന്നതെന്നും സിദ്ധിഖ് പറയുന്നു. ആ സമയത്ത് ലൊക്കേഷനിൽ എന്തെങ്കിലും ശബ്ദമുണ്ടായാൽ പോലും മമ്മൂട്ടിയെ അത് ഇറിറ്റേറ്റ് ചെയ്യുമെന്നും സിദ്ധിഖ് പറയുന്നു . എന്നാൽ ലാലിനെ സംബന്ധിച്ചിടത്തോളം അതൊന്നും അയാളെ ബാധിക്കില്ല . ലാൽ ഷോട്ടിന് തൊട്ടുമുൻപ് വരെ തമാശ പറഞ്ഞ് ഇരുന്നിട്ട് ആക്ഷൻ പറയുമ്പോഴാകും എന്റെ ഷർട്ടിന് കുത്തിപ്പിടിക്കുക , അത് രണ്ടുപേരുടെയും സ്വഭാവത്തിന്റെ വ്യത്യസ്തമാണ് – സിദ്ധിഖ് പറയുന്നു.
