ലക്നൗ : അയോദ്ധ്യയിലെ രാംലല്ല ദർശൻ മാർഗിൽ നിന്ന് അനധികൃത പിസ്റ്റളുമായി യുവാവിനെ പിടികൂടി.ഇയാൾക്കൊപ്പമുണ്ടായിരുന്ന മറ്റ് രണ്ടുപേരെയും കസ്റ്റഡിയിലെടുത്തിട്ടുണ്ട്. വാരണാസിയിലെ ലാൽപൂർ പോലീസ് സ്റ്റേഷൻ പരിധിയിലെ പാണ്ഡേപൂർ സ്വദേശിയായ സുമിത് സിംഗ് ആണ് പിടിയിലായത് .സുമിത് സിംഗ് വാരണാസിയിലെ ഒരു വലിയ ഹോട്ടലിലെ ജീവനക്കാരനാണെന്ന് പൊലീസ് പറഞ്ഞു
രാംലല്ല ദർശൻ മാർഗിൽ ഉച്ചയ്‌ക്ക് 12:15 ഓടെ ഭക്തരെ പരിശോധിച്ച് കടത്തിവിടുകയായിരുന്ന പൊലീസുകാരാനാണ് ഇവരെ കണ്ടെത്തിയത് . ബിർള ധർമശാലയുടെ മുന്നിൽ നിന്നാണ് മൂന്ന് യുവാക്കളും പ്രവേശിച്ച് തീർഥാടന കേന്ദ്രത്തിലെത്തിയത് . സുമിത് സിംഗിനൊപ്പമുണ്ടായിരുന്ന രാഹുൽ സോങ്കർ മാർച്ച് 25 ന് ബിരിയാണി കടയ്‌ക്ക് നേരെ വെടിയുതിർത്തിരുന്ന കേസിലെ പ്രതിയാണ്. . നിലവിൽ ഇയാൾ ജാമ്യത്തിലാണ്. മൂവരെയും പൊലീസ്, എസ്ടിഎഫ്, രഹസ്യാന്വേഷണ വിഭാഗം ഉദ്യോഗസ്ഥർ ചോദ്യം ചെയ്തുവരികയാണ്.
