നോയിഡ: ഡ്രെയിനേജ് പൈപ്പിനുള്ളിൽ കുടുങ്ങിയ മദ്യപന് രക്ഷകരായി പൊലീസ്. മദ്യപിച്ച് 30 അടി നീളമുള്ള ഡ്രെയിനേജ് പൈപ്പിനുള്ളിൽ കുടുങ്ങിയ യുവാവിനെയാണ് പൊലീസുകാരെത്തി രക്ഷപ്പെടുത്തിയത്. ഉത്തർപ്രദേശിലെ നോയിഡയിലാണ് സംഭവം.
ഡ്രെയിനേജ് പൈപ്പിനുള്ളിൽ നിന്നും യുവാവിന്റെ സഹായത്തിനായുള്ള കരച്ചിൽ കേട്ട നാട്ടുകാരാണ് പൊലീസിനെ വിവരമറിയിച്ചത്. തുടർന്ന് സംഭവ സ്ഥലത്തെത്തിയ പൊലീസും നാട്ടുകാരും ചേർന്ന് പൈപ്പിനുള്ളിൽ തടസങ്ങൾ മാറ്റി. പൈപ്പിനുള്ളിൽ കടന്ന രക്ഷാപ്രവർത്തകർ യുവാവിനെ സുരക്ഷിതമായി പുറത്തെത്തിച്ചു. 30 അടി നീളമുള്ള ഡ്രെയിനേജ് പൈപ്പിനുള്ളിലാണ് ഇയാൾ കുടുങ്ങിയത്.
യുവാവിനെ പൈപ്പിനുള്ളിൽ നിന്നും രക്ഷപ്പെടുത്തുന്ന വീഡിയോ യുപി പൊലീസ് സോഷ്യൽ മീഡിയയിൽ പങ്കുവച്ചിരുന്നു. വീഡിയോ ഇതിനോടകം തന്നെ ഒരു ലക്ഷത്തിലധികം പേരാണ് കണ്ടിരിക്കുന്നത്. 8000 ലൈക്കുകളും ലഭിച്ചിട്ടുണ്ട്. വീഡിയോക്ക് താഴെ യുപി പൊലീസിനെ അഭിനന്ദിച്ച് നിരവധി കമന്റുകളും ആളുകൾ പങ്കുവയ്‌ക്കുന്നുണ്ട്.
