- Advertisement -[the_ad id="14637"]
തിരുവനന്തപുരം: വർക്കലയിൽ വൃദ്ധയുടെ കണ്ണിൽ മുളകുപൊടിയെറിഞ്ഞ ശേഷം സ്വർണാഭരണം കവർന്നു. പന്തുവിള സ്വദേശിയായ ഓമനയുടെ മാലയാണ് മോഷ്ടിച്ചത്. പുറത്തുള്ള ശുചിമുറിയിലേക്ക് പോകുന്നതിനിടെയായിരുന്നു സംഭവം.
പുറത്തേക്കിറങ്ങിയ വൃദ്ധയുടെ കണ്ണിൽ മുളകുപൊടി വിതറിയ ശേഷം മോഷ്ടാവ് താലിമാല പൊട്ടിച്ചെടുത്ത് കടന്നു കളയുകയായിരുന്നു. പർദ്ദ ധരിച്ചെത്തിയ ആളാണ് മോഷണം നടത്തിയതെന്ന് വയോധിക പറയുന്നു. വീടിന്റെ വാതിൽ പുറത്തുനിന്ന് കുറ്റിയിട്ട ശേഷമായിരുന്നു മോഷ്ടാവ് മാല കവർന്നത്.
മാല പൊട്ടിക്കാൻ ശ്രമിച്ചപ്പോൾ വൃദ്ധ തടയാൻ ശ്രമിച്ചിരുന്നു. ഇതിനിടയിൽ മാലയുടെ മുക്കാൽ ഭാഗമാണ് മോഷ്ടാവിന് ലഭിച്ചത്. ബഹളം കേട്ട് വീട്ടുകാരും പരിസരവാസികളും എത്തിയെങ്കിലും മോഷ്ടാവ് ഓടി രക്ഷപ്പെട്ടു. വൃദ്ധയും കുടുംബവും പൊലീസിൽ പരാതിപ്പെട്ടിട്ടുണ്ട്.
