കോഴിക്കോട് അപ്‌സര തിയേറ്ററിൽ ബോംബ് ഭീഷണി; സന്ദേശം അയച്ചത് പത്തനംതിട്ട സ്വദേശിയെന്ന് പൊലീസ്

കോഴിക്കോട്: നഗരത്തിലെ തിയേറ്ററിൽ ബോംബ് ഭീഷണി. ലിങ്ക് റോഡിലെ മാജിക് ഫ്രെയിംസ് അപ്‌സര തിയേറ്ററിലാണ് ബോംബ് വച്ചിട്ടുണ്ടെന്ന വ്യാജ സന്ദേശം എത്തിയത്. പത്തനംതിട്ട സ്വദേശിയാണ് വ്യാജ സന്ദേശം അയച്ചതെന്ന് പൊലീസ് അന്വേഷണത്തിൽ കണ്ടെത്തിയിട്ടുണ്ട്.

തിയേറ്ററിൽ സിനിമാപ്രദർശനം നടക്കുന്നതിനിടെയായിരുന്നു ബോംബ് ഭീഷണിയെത്തിയത്. തുടർന്ന് തിയേറ്ററിന്റെ ഭാരവാഹികൾ കാണികളെ ഒഴിപ്പിക്കുകയും പൊലീസിൽ വിവരം അറിയിക്കുകയുമായിരുന്നു.

ബോംബ് സ്‌ക്വാഡും പൊലീസും തിയേറ്ററിൽ പരിശോധന നടത്തിയെങ്കിലും സംശയാസ്പദമായ വസ്തുക്കളൊന്നും കണ്ടെത്താനായില്ല. തുടർന്ന് നടത്തിയ അന്വേഷണത്തിലാണ് പത്തനംതിട്ട സ്വദേശിയാണ് സന്ദേശം അയച്ചെതെന്ന് പൊലീസ് കണ്ടെത്തിയത്.