- Advertisement -[the_ad id="14637"]
കോഴിക്കോട്: എഞ്ചിൻ തകരാറിലായതോടെ മത്സ്യത്തൊഴിലാളികളുമായി പോയ ബോട്ട് നടുക്കടലിൽ കുടുങ്ങി. കോഴിക്കോട് പുതിയാപ്പ ഹാർബറിൽ നിന്നും മത്സ്യബന്ധനത്തിന് പോയ വരുണപ്രിയ എന്ന ബോട്ടാണ് നടുക്കടലിൽ അകപ്പെട്ടത്. പത്ത് മത്സ്യത്തൊഴിലാളികളാണ് ബോട്ടിലുണ്ടായിരുന്നത്. മറൈൻ എൻഫോഴ്സ്മെന്റ് സ്ഥലത്തെത്തി മത്സ്യത്തൊഴിലാളികളെ രക്ഷപ്പെടുത്തി.
കഴിഞ്ഞ ദിവസം വൈകിട്ടാണ് ബോട്ട് കുടുങ്ങിയ വിവരം മറൈൻ എൻഫോഴ്സ്മെന്റ് അറിയുന്നത്. തുടർന്ന് ഇന്നലെ രാത്രിയോടെ സംഘം ബോട്ടിന്റെ സമീപത്തേക്ക് തിരിച്ചിരുന്നു. മറൈന്‍ എന്‍ഫോഴ്‌സ്‌മെന്റ് സംഘവും എലത്തൂര്‍ കോസ്റ്റല്‍ പൊലീസും ചേർന്നാണ് രക്ഷാപ്രവര്‍ത്തനം നടത്തിയത്.
ഇന്ന് പുലർച്ചെയോടെ ബോട്ടും മത്സ്യത്തൊഴിലാളികളെയും സുരക്ഷിതമായി ഹാർബറിൽ തിരിച്ചെത്തിച്ചു.
