- Advertisement -[the_ad id="14637"]
എറണാകുളം: ആലുവയിൽ നിന്ന് കാണാതായ അന്യസംസ്ഥാനക്കാരിയെ അങ്കമാലിയിൽ നിന്ന് കണ്ടെത്തി. 12-കാരിയെ റെയിൽവെ സ്റ്റേഷനിൽ നിന്നാണ് മണിക്കൂറുകൾക്കകം പൊലീസ് കണ്ടെത്തിയത്. ജന്മനാടായ കൊൽക്കത്തയിലേക്ക് പോകാനിരിക്കെയാണ് പൊലീസ് കണ്ടെത്തിയത്.
രണ്ടുമാസം മുൻപ് അമ്മയ്‌ക്കൊപ്പം ആലുവയിലെത്തിയ കുട്ടി കൊൽക്കത്തയിലേക്ക് പോകാൻ സുഹൃത്തിന്റെ സഹായം തേടിയിരുന്നു. ഇന്ന് വൈകിട്ട് അഞ്ചിനാണ് കടയിൽ പോകാനെന്ന് പറഞ്ഞ് വീട്ടിൽ നിന്ന് ഇറങ്ങിയ കുട്ടി കടന്നുകളഞ്ഞത്.
കുട്ടി നടന്നു പോകുന്നതിന്റെ സിസിടിവി ദൃശ്യങ്ങൾ പൊലീസ് ശേഖരിച്ചിരുന്നു. കൊൽക്കത്ത ട്രെയിനുകൾ കേന്ദ്രീകരിച്ച് നടത്തിയ പരിശോധനകളാണ് 12-കാരിയെ കണ്ടെത്താൻ സഹായകമായത്. മാതാപിതാക്കൾ നൽകിയ പരാതിയിലാണ് പൊലീസ് ഊർജിതമായി ഇടപെട്ടത്.
