ഐപി എൽ ഫൈനലിലെ ഹൈദരാബാദിന്റെ ദയനീയ തോൽവിക്ക് പിന്നാലെ ഗാലറയിൽ വിങ്ങിപ്പൊട്ടി ടീം ഉടമ കാവ്യ മാരൻ. ഇതിന്റെ വീഡിയോ സോഷ്യൽ മീഡിയയിൽ വൈറലായി. ആദ്യ ഇന്നിംഗ്സിന്റെ തുടക്കം മുതലെ പലവിധ വികാരങ്ങൾ മിന്നി മറഞ്ഞ കാവ്യയുടെ മുഖത്ത് പിന്നീട് ദുഃഖം നിഴലിക്കുന്നതാണ് കണ്ടത്. ഓരോ വിക്കറ്റ് വീഴുമ്പോഴും നിരാശ പ്രകടമായിരുന്നു.
കുറഞ്ഞ സ്കോറിൽ ഹൈദരാബാദ് പുറത്തായതോടെ നിരാശ ഇരട്ടിച്ചു. മറുപടി ബാറ്റിംഗിന് കൊൽക്കത്ത ഇറങ്ങിയപ്പോഴും തോൽവി ഉറപ്പിച്ച് കിരീടം കൈവിട്ട നിലയിലായിരുന്നു കാവ്യയുടെ ഭാവഭേദങ്ങൾ.ചെന്നൈ ചിദംബരം സ്റ്റേഡിയത്തിൽ നടന്ന മത്സരത്തിൽ 10 ഓവറിലാണ് കൊൽക്കത്ത വിജയം നേടിയത്.
ഐപിഎൽ ഫൈനലിലെ ഏറ്റവും ചെറിയ സ്കോറാണ് ചെപ്പോത്തിൽ എസ്ആർഎച്ച് നേടിയത്. ടോസ് നേടിയ പാറ്റ് കമ്മിൻസ് ബാറ്റിംഗ് തിരഞ്ഞെടുക്കുകയായിരുന്നു. മൂന്നു വിക്കറ്റ് വീഴ്‌ത്തിയ മിച്ചൽ സ്റ്റാർക്കാണ് ഹൈദരാബാദിന്റെ നട്ടെല്ല് ഒടിച്ചത്. കൊൽക്കത്തയുടെ മൂന്നാം കിരീട നേട്ടമാണിത്.
Kavya Maran was in tears after the game. pic.twitter.com/aUa16SnVSZ
— 𝐀 𝐃 𝐔 (@cricfootadnan) May 26, 2024
“>
