ഉണ്ണി മുകുന്ദനും സൂരിയും കേന്ദ്ര കഥാപാത്രങ്ങളായെത്തുന്ന ഗരുഡന്റെ ആദ്യ ഗാനം പുറത്തുവിട്ടു. ലിറിക്കൽ വീഡിയോയാണ് റിലീസ് ചെയ്തത്. ‘ഒത്തപ്പട വെറിയാട്ടം’ എന്ന് തുടങ്ങുന്ന ലിറിക്കൽ വീഡിയോ ഗാനമാണ് എത്തിയിരിക്കുന്നത്.
യുവൻ ശങ്കർ രാജയാണ് സംഗീതം സംവിധാനം നിർവഹിച്ചിരിക്കുന്നത്. സൂപ്പർ സുബ്ബുവിൻ്റേതാണ് വരികൾ. സാം, വേലു, അരവിന്ദ്, ഷെൻബഗരാജ് എന്നിവരാണ് ഗാനം ആലപിച്ചിരിക്കുന്നത്. പ്രേക്ഷകരുടെ ആകാംക്ഷ ഇരട്ടിയാക്കുന്നതാണ് ഗാനം. വെട്രിമാരൻ തിരക്കഥ ഒരുക്കുന്ന ചിത്രം ദുരൈ സെന്തിൽ കുമാറാണ് സംവിധാനം ചെയ്യുന്നത്. ഉണ്ണി മുകുന്ദനെയും സൂരിയെയും കൂടാതെ ശശി കുമാറും ചിത്രത്തിൽ പ്രധാന വേഷത്തിലെത്തുന്നു. തികച്ചും വ്യത്യസ്തമായ മേക്ക് ഓവറിലാണ് താരങ്ങൾ എത്തുന്നത്.
ആക്ഷൻ രംഗങ്ങൾക്ക് പ്രാധാന്യം നൽകി ഒരുക്കിയ ചിത്രം ലാർക്ക് സ്റ്റുഡിയോസും ഗ്രാസ്‌റൂട്ട് ഫിലിം കമ്പനിയും ചേർന്നാണ് നിർമിച്ചത്. രേവതി ശർമ്മ, ശിവദ, റോഷ്ണി ഹരിപ്രിയൻ, സമുദ്രക്കനി, മൈം ഗോപി, മൊട്ട രാജേന്ദ്രൻ എന്നിവരാണ് ചിത്രത്തിലെ മറ്റ് അഭിനേതാക്കൾ.
