ഗുരുവായൂർ: തമ്പുരാൻപടി റെഡ് ബോയ്സ് ആർട്സ് & സ്പോർട്സ് ക്ലബ്ബ് ന്റെ ആഭിമുഖ്യത്തിൽ, അൽ അർമാൻ ഗ്രൂപ്പ്, ഖത്തറും, മഹർ ഗോൾഡ് & ഡയമണ്ട്സ് ചാവക്കാടും സംയുക്തമായി 7-ാം മത് നിർമ്മൽ സ്മാരക അഖില കേരള ഫ്ളഡ് ലൈറ്റ് വോളിബോൾ ടൂർണ്ണമെൻറ് സംഘടിപ്പിച്ചു.
ശനിയാഴ്ച വൈകീട്ട് ആൽക്കൽ ക്ഷേത്ര ഗ്രൗണ്ടിൽ നടന്ന ടൂർണമെന്റിന്റെ ഉദ്ഘാടനം തൃശൂർ ജില്ലാ സ്പോർട്സ് കൗൺസിൽ പ്രസിഡൻറ് കെ.ആർ.സാംബശിവൻ നിർവ്വഹിച്ചു. ക്ലബ്ബ് പ്രസിഡൻറ് ഇ.എസ്.ശ്രീകുമാർ അദ്ധ്യക്ഷത വഹിച്ച ചടങ്ങിൽ വാർഡ് കൗൺസിലർ ഷൈലജ സുധൻ, കൊച്ചി കസ്റ്റംസ് ഇൻസ്പെക്ടർ രാജീവ് കൊളാടി, സി.പി.ഐ.എം.ചാവക്കാട് ഏരിയ കമ്മിറ്റി അംഗം അനൂപ് പൂക്കോട് എന്നിവർ മുഖ്യാതിഥികളായി. നാഷണൽ ലെവൽ മാസ്റ്റേഴ്സ് വോളിബോൾ പ്ലെയർ ഖാദറിനെ ചടങ്ങിൽ ആദരിച്ചു. ക്ലബ്ബ് അംഗങ്ങളായ വൈശാഖ്, ജിതിൻ എന്നിവർ സംസാരിച്ചു. മൽസരത്തിൽ ഫ്രണ്ട്സ് ആനക്കോട്ട ഒന്നാം സ്ഥാനവും, സെവൻസ്റ്റാർ മംഗലം റണ്ണറപ്പുമായി.
