ഗുരുവായൂർ എം എൽ എ ഓഫീസ് ആധുനിക വൽക്കരിക്കുന്നു. പദ്ധതിയുടെ ഉദ്ഘാടനം മന്ത്രി വീണ ജോർജ്‌ നിർവഹിച്ചു.

ഗുരുവായൂർ: പുതിയ കാലത്തിനനുസരിച്ച് ഗുരുവായൂർ എം എൽ എ ഓഫീസ് പ്രവർത്തനങ്ങളും ആധുനിക വൽക്കരിക്കുകയാണ്. എം എൽ എ ഓഫീസിൽ ലഭിക്കുന്ന പരാതികൾക്കും / അപേക്ഷകൾക്കും മറുപടികൾ ഇനി മുതൽ പരാതിക്കാരൻ്റെ / അപേക്ഷകന്റെ വാട്സ്ആപ്പ് ലഭ്യമാക്കും.

പരാതികളുടെ തുടർ നടപടികളുടെ വിവരങ്ങളും വാട്സ്ആപ്പ് വഴി ലഭ്യമാക്കുമെന്നും ഇതുവഴി പരാതിക്കാരന് / അപേക്ഷകന് താൻ നൽകിയ പരാതിയുടെ / അപേക്ഷയുടെ വിവരങ്ങൾ വേഗത്തിലും സുഗമമായും ലഭ്യമാക്കാൻ കഴിയുമെന്ന് എൻ.കെ.അക്ബർ എം.എൽ.എ പറഞ്ഞു. കേരള സംസ്ഥാന ആരോഗ്യ വകുപ്പ് മന്ത്രി വീണ ജോർജ്‌ പദ്ധതിയുടെ ഉദ്ഘാടനം നിർവഹിച്ചു.