ഗുരുവായൂർ: ഗുരുവായൂർ ദേവസ്വം പൂന്താന ദിനാഘോഷത്തോടനുബന്ധിച്ച് നടത്തുന്ന കാവ്യോച്ചാരണ മത്സരങ്ങൾ ഫെബ്രുവരി 18 ഞായറാഴ്ച നടക്കും. നേരത്തെ ഫെബ്രുവരി 10ന് നടത്താൻ നിശ്ചയിച്ചിരുന്ന മത്സരം രക്ഷിതാക്കളുടെയും സ്കൂൾ, കോളേജ് അധികൃതരുടെയും അഭ്യർത്ഥന പ്രകാരമാണ് ഫെബ്രുവരി 18ലേക്ക് മാറ്റിയത്.
ഫെബ്രുവരി 18 ന് ദേവസ്വം കുറൂരമ്മ ഹാളിലാകും മത്സരങ്ങൾ നടക്കുക. ദേവസ്വം പ്രസിദ്ധീകരണമായ “പൂന്താന സർവ്വസ്വം’ ആധാരമാക്കിയാണ് മത്സരം .കാവ്യോച്ചാരണ മത്സര ഭാഗങ്ങൾ ചുവടെ ചേർക്കുന്നു.
എൽ.പി.വിഭാഗം: ശ്രീകൃഷ്ണകർണ്ണാമൃതം – 111 മുതൽ 117 കൂടിയും, 7 ശ്ലോകങ്ങൾ
ജ്ഞാനപ്പാന – 34 മുതൽ 71 കൂടിയ (38 വരികൾ)
യു.പി.വിഭാഗം: ശ്രീകൃഷ്ണ കർണ്ണാമൃതം – 96 മുതൽ 110 കൂടിയ 15 ശ്ളോകങ്ങൾ
ജ്ഞാനപ്പാന – 146 മുതൽ 202 കൂടി 58 വരികൾ
ഹൈസ്ക്കൂൾ വിഭാഗം: ശ്രീകൃഷ്ണകർണ്ണാമൃതം – 9 മുതൽ 28 കൂടി 20 ശ്ളോകങ്ങൾ
ജ്ഞാനപ്പാന – 71 മുതൽ 152 കൂടിയ 82 വരികൾ
കോളേജ് / ഹയർ സെക്കൻ്ററി വിഭാഗം: ശ്രീകൃഷ്ണ കർണ്ണാമൃതം – 66 മുതൽ 95 കൂടിയും 30 ശ്ളോകങ്ങൾ
ജ്ഞാനപ്പാന – 1 മുതൽ 100 കൂടിയ 100 വരികൾ.
മത്സരങ്ങൾ ഫെബ്രുവരി 18 ന് രാവിലെ 9 മണിക്ക് ആരംഭിക്കും. പങ്കെടുക്കുന്ന വിദ്യാർത്ഥികൾ വിദ്യാലയധികൃതർ സാക്ഷ്യപ്പെടുത്തിയ സർട്ടിഫിക്കറ്റ് സഹിതം 8 മണിക്കെത്തണം.
ഉപന്യാസ മൽസരം വിഷയം – പൂന്താനം കൃതികളിലെ സംഗ്രഹണ ചാതുര്യം. ഉപന്യാസങ്ങൾ 25 പേജിൽ കുറയരുത്. ലഭിക്കേണ്ട അവസാന തീയതി. ഫെബ്രുവരി 20 വൈകിട്ട് 5 മണി. വിലാസം – അഡ്മിനിസ്ട്രേറ്റർ, ഗുരുവായൂർ ദേവസ്വം, ഗുരുവായൂർ 680101.
