കളമെഴുത്ത് കലാകാരൻ കല്ലാറ്റ് മണികണ്ഠ കുറുപ്പിനെ  ആദരിച്ചു.

ഗരുവായൂർ: കേന്ദ്ര സാംസ്കാരിക വകുപ്പ് ഫെലോഷിപ്പ്, സംസ്ഥാന ക്ഷേത്ര കലാ അക്കാദമി അവാർഡ്  എന്നിവ ലഭിക്കുകയും,  കൂടാതെ, ഗ്രന്ഥകർത്താവായും, ‘കളമെഴുത്ത് പഠന കേന്ദ്രം” ചെയർമാനായും പ്രവർത്തിയ്ക്കുന്ന കല്ലാറ്റ് മണികണ്ഠ കുറുപ്പിനെ, ചെമ്മലശ്ശേരി കൃഷ്ണപുരത്ത് ക്ഷേത്ര കമ്മിറ്റി  ആദരിച്ചു.  

ചുറ്റു താലപ്പൊലി ദിവസം, ദീപാരാധനയ്ക്ക് ശേഷം, ക്ഷേത്രത്തിന്റെ തിരുമുൻപിൽ വെച്ച് നടന്ന ചടങ്ങിൽ ക്ഷേത്രം ചെയർമാൻ അയ്യപ്പൻകുട്ടി  പൊന്നാട അണിയിച്ച് ആദരിച്ചു. കൃഷ്ണപുരത്ത് ക്ഷേത്രത്തിൽ നിന്ന്,  ഇങ്ങനെയൊരു ആദരവ് നൽകിയതിന്  എല്ലാ വരോടും നന്ദി രേഖപ്പെടുത്തുന്നതോടൊപ്പം,  

പഴയ കാല തട്ടകമായ കൃഷ്ണപുരത്ത് ക്ഷേത്രത്തിൽ നിന്ന് ഇങ്ങനെയൊരു ആദരവ് ലഭിച്ചത് ഇരട്ടിമധുരമുള്ളതാണെന്നും കല്ലാറ്റ് മണികണ്ഠകുറുപ്പ്  മറുപടി പ്രസംഗത്തിൽ പറഞ്ഞു.