വിജയകുമാർ മേനോൻ്റെ കലാ ഗ്രന്ഥശേഖരം ദേവസ്വം ചുമർചിത്ര പഠനകേന്ദ്രം ലൈബ്രറിയ്ക്ക്

ഗുരുവായൂർ: പ്രശസ്ത കലാനിരൂപകനും ഗവേഷകനും എഴുത്തുകാരനും അദ്ധ്യാപകനും

ചുമർചിത്ര പഠനകേന്ദ്രത്തിലെ വിസിറ്റിംഗ് പ്രൊഫസറുമായിരുന്ന വിജയകുമാർ മേനോൻ്റെ കലാസംബന്ധിയായ ഗ്രന്ഥശേഖരം ദേവസ്വം ചുമർചിത്ര പഠനകേന്ദ്രം ലൈബ്രറിയ്ക്ക് കൈമാറും. അദ്ദേഹത്തിൻ്റെ ആഗ്രഹപ്രകാരമാണിത്. 2022 നവംബറിലാണ് വിജയകുമാർ മേനോൻ  കലാലോകത്തോട് വിടപറഞ്ഞത് .

വിജയകുമാർ മേനോൻ സ്മാരക സമിതിയുമായി സഹകരിച്ചു കൊണ്ട് 2024 ജനുവരി 30 ന് രാവിലെ 10.30 ന് ഗുരുവായൂർ ദേവസ്വം ചുമർചിത്ര പഠനകേന്ദ്രം ഹാളിൽ വെച്ച് നടക്കുന്ന ചടങ്ങിൽ വെച്ച് ഗുരുവായൂർ ദേവസ്വം അഡ്മിനിസ്ട്രേറ്റർ കെ പി വിനയൻ ഗ്രന്ഥ ശേഖരം ഔദ്യോഗികമായി  ഏറ്റുവാങ്ങും. വടക്കാഞ്ചേരി വ്യാസതപോവനം ആശ്രമത്തിലെ പി എൻ പത്മനാഭൻ, വിജയകുമാർ മേനോൻ സ്മാരക സമിതി ചെയർപെഴ്സൺ ചിത്രകാരി എൻ ബി ലതാദേവി തുടങ്ങിയവർ ചടങ്ങിൽ സംബന്ധിക്കും.