ഗുരുവായൂർ : ഗീതാ സത്സംഗ സമിതിയുടെ ആഭി മുഖ്യത്തിൽ 10മത് ഗീതാ മഹോത്സവം 20 ന് ഗുരുവായൂരിൽ നടക്കും. ശ്രീമദ് ഭഗവദ് ഗീതയെ പുതിയ തലമുറയിലേക്ക് കൂടി എത്തിക്കുക എന്ന ലക്ഷ്യത്തോടെ നടത്തുന്ന ഗീതാ മഹോത്സവം ക്ഷേത്രം തന്ത്രി ബ്രഹ്മശ്രീ ചേന്നാസ് ദിനേശൻ നമ്പൂതിരിപ്പാട് ഉദ്ഘാടനം ചെയ്യും .
ഗുരുവായൂർ ശ്രീ ഗുരുവായൂരപ്പൻ ഓഡിറ്റോറിയത്തിൽ നടക്കുന്ന ചടങ്ങിൽ ദേവസ്വം ചെയർമാൻ ഡോ വി കെ വിജയൻ, മൂകാംബിക തന്ത്രികൾ, ബദരീനാഥ് റാവൽജി, ആറ്റുകാൽ ക്ഷേത്രം പ്രസിഡണ്ട് തുടങ്ങിയവർ ചടങ്ങിൽ പങ്കെടുക്കും. 2024 ജനുവരി 20ന് രാവിലെ 7 മുതൽ 1 മണി വരെയാണ് ഗീതാ യജ്ഞം.
ഗീതാ സംത്സംഗ സമിതി അംഗങ്ങളായ കണ്ണൻ സ്വാമി ഗുരുവായൂർ, ആർ നാരായണൻ, മോഹൻദാസ് ചേലനാട്ട്, ബാബുരാജ് കേച്ചേരി തുടങ്ങിയവർ വാർത്ത സമ്മേളനത്തിൽ പങ്കെടുത്തു. ഗീത യജ്ഞത്തിൽ കുട്ടികളെ പങ്കെടുപ്പിക്കുന്നവർ 9446628022 എന്ന നമ്പറിൽ ബന്ധപ്പെടാവുന്നതാണ്.
