ഗുരുവായൂർ ക്ഷേത്രത്തിൽ അയ്യപ്പൻമാർക്ക് വിരിവെക്കാൻ പുൽപ്പായ സമർപ്പണം

ഗുരുവായൂർ: മണ്ഡല കാലമായതോടെ ശബരിമല തീർത്ഥാടകർക്കായി ഗുരുവായൂർ ദേവസ്വം പ്രത്യേക ദർശന സൗകര്യവും വിരിവെക്കാൻ സ്ഥലവും ഒരുക്കി. അയ്യപ്പൻമാർക്ക് വിരിവെക്കാനുള്ള പുൽപ്പായയുടെ സമർപ്പണം ശനിയാഴ്ച നടന്നു.

അഖില ഭാരതശ്രീ ഗുരുവായൂരപ്പ സമിതിയാണ് അയ്യപ്പഭക്തർക്കായി പുൽപ്പായ സമർപ്പിച്ചത്.ദേവസ്വം ഭരണസമിതി അംഗം സി മനോജ്, അഡ്മിനിസ്ട്രേറ്റർ കെ പി വിനയൻ ,ക്ഷേത്രം ഡി എ പി മനോജ് കുമാർ എന്നിവർ പുൽപ്പായ ഏറ്റുവാങ്ങി. 

സമിതി ഭാരവാഹികളായ സജീവൻ നമ്പിയത്ത്, കേശവദാസ്, സുനീവ് വി എസ്. എന്നിവർ ചടങ്ങിൽ സന്നിഹിതരായിരുന്നു.