ഗുരുവായൂർ: ആധുനിക ഗുരുവായൂരിൻ്റെ വികസന നായകനും, ആദ്ധ്യാത്മിക – സാമൂഹ്യ – സാംസ്ക്കാരിക – സഹകരണ രംഗത്തെ നിറ വ്യക്തിത്വവുമായിരുന്ന ഒ കെ ആർ മേനോൻ്റെ 18-ാം ചരമവാർഷിക ദിനത്തിൽ സ്മാരക ട്രസ്റ്റിൻ്റെ ആഭിമുഖ്യത്തിൽ സ്മരണാജ്ഞലി അർപ്പിച്ച് അനുസ്മരിച്ചു.
ശ്രീകൃഷ്ണ ഭവൻ ഹാളിൽ ഒ കെ ആർ മേനോൻ്റെ കമനീയ ഛായാചിത്രത്തിൽ പുഷ്പ്പാർച്ചന അർപ്പിച്ച് ആരംഭം കുറിച്ച സ്മരണാജ്ഞലി സദസ്സ് ഗുരുവായൂർ ക്ഷേത്രം തന്ത്രി ചേന്നാസ് ദിനേശൻ നമ്പൂതിരിപ്പാട് ഉദ്ഘാടനം ചെയ്തു. സഹായധന വിതരണവും തന്ത്രി നിർവഹിച്ചു. ട്രസ്റ്റ് ചെയർമാൻ മോഹൻദാസ് ചേലനാട്ട് അദ്ധ്യക്ഷനായി. പി യതീന്ദ്രദാസ്, ബാലൻ വാറണാട്ട്, ഒ കെ ആർ മണികണ്ഠൻ എന്നിവർ പ്രസംഗിച്ചു. യോഗത്തിൽ തിരുവെങ്കിടം സ്വദേശിയായ സഹോദരിക്ക് ഭവന നിർമ്മാണ സഹായവും, നൂറോളം നിർദ്ധനർക്ക് സഹായ ധന വിതരണവും നൽകി. പരിപാടിക്ക് ടി വി വേണു നമ്പീശൻ, പി കെ രാധാക്യഷ്ണൻ, ഒ കെ ആർ ഉണ്ണികൃഷ്ണൻ, കെ എം കെ രാജ് മോഹൻ, ടി ഡി സത്യൻ, നിജോ ഫ്രാൻസീസ് എന്നിവർ നേതൃത്വം നൽകി.
