ഗുരുവായൂർ: എള്ളാത്ത് ജയകൃഷ്ണൻ സ്മാരക പുരസ്കാരം കോഴിക്കോട് സദ്ഗമയ ടൂർസ് ആൻഡ് ട്രാവൽസ് മനേജിംഗ് പാർട്ട്ണർ ദിവാകർ സദ്ഗമയക്ക് സാഹിത്യകാരൻ രാധാകൃഷ്ണൻ കാക്കശ്ശേരി മാസ്റ്റർ സമ്മാനിച്ചു.
ഗുരുവായൂർ രോഹിണി ടൂറിസ്റ്റ് ഹോം നമ്പൂതിരി റസ്റ്റോറൻഡ് ഓഡിറ്റോറിയത്തിൽ വെച്ച് നടന്ന എള്ളാത്ത് ജയകൃഷ്ണൻ അനുസ്മരണ സമ്മേളനത്തിൽ ജി എൻ എസ് എസ് സംസ്ഥാന പ്രസിഡണ്ട് ഐ.പി. രാമചന്ദ്രന്റെ അധ്യക്ഷത വഹിച്ചു. അനുസ്മരണ സമ്മേളനം പ്രമുഖ കവിയും, പ്രഭാഷകനും ഗുരുവായൂരിന്റെ ഗുരുനാഥനുമായ രാധാകൃഷ്ണൻ കാക്കശ്ശേരി മാസ്റ്റർ ഉദ്ഘാടനം ചെയ്തു.
ചടങ്ങിൽ വിശിഷ്ഠ അതിഥിയായി ഗവ: ഓഫ് ഇന്ത്യ അഡീഷണൽ സ്റ്റാൻഡിംഗ് കൗൺസിൽ അഡ്വ.ശങ്കു ടി ദാസ് ജയകൃഷ്ണൻ അനുസ്മരണ പ്രഭാഷണം നടത്തി.ജി എൻ എസ് എസ് ഡയറക്ടർ ബോർഡ് മെമ്പറും സംസ്ഥാന ട്രഷററുമായിരുന്ന എള്ളാത്ത് ജയകൃഷണന്റെ പേരിൽ ജി എൻ എസ് എസ് സംസ്ഥാന സമിതി എല്ലാവർഷവും ജയകൃഷ്ണൻ സ്മാരക ബിസിനസ്സ് സംരംഭക , പുരസ്കാരം നല്കി വരുന്നത്.
അനുസ്മരണ സമ്മേളനത്തിൽ ജി എൻ എസ് എസ് , സംസ്ഥാന ഭാരവാഹികകളായ ജി എൻ എസ് എസ് ജന: സെക്രടറി മധു കെ.നായർ, വൈസ് പ്രസിഡണ്ട് പി.പി.പ്രവീൺ കുമാർ, സെക്രട്ടറി രാമനാഥൻ നെട്ടിശ്ശേരി, ട്രഷറർ കെ.മോഹനകൃഷ്ണൻ, താലൂക്ക് പ്രസിഡണ്ട് കെ.ടി. ശിവരാമൻ നായർ, സെക്രട്ടറി . ശ്രീകുമാർ പി നായർ. ഡോക്ടർ സോമൻ , മഹിളാ വിഭാഗം ജനനി പ്രസിഡണ്ട് രാധാശിവരാമൻ, സെക്രടറി സരസ്വതി വിജയൻ ബീന രാമചന്ദ്രൻ ലക്ഷമി സുരേഷ് തുടങ്ങിയവർ സംബന്ധിച്ചു.
