ചാവക്കാട്: കേരള മാപ്പിള കലാ അക്കാദമി ചാവക്കാട് ചാപ്റ്റർ രണ്ടാമത് വാർഷികം ആഘോഷിച്ചു.
ചടങ്ങിൽ കേരള മാപ്പിള കലാ അക്കാദമി പ്രസിഡണ്ട് പി.എം താജുദ്ദീൻ അധ്യക്ഷത വഹിച്ചു. കടപ്പുറം ഗ്രാമ പഞ്ചായത്ത് പ്രസിഡണ്ട് ഹസീന താജുദ്ദീൻ ഉദ്ഘാടനം നിർവഹിച്ച ചടങ്ങിൽ കേരള മാപ്പിള കലാ അക്കാദമി പ്രസിഡണ്ട് റഫീഖ് തലശ്ശേരി മുഖ്യപ്രഭാഷണം നടത്തി. തുടർന്ന് നടന്ന ചടങ്ങിൽ 58 വർഷത്തോളം ഗ്രാമീണ മേഖലയിൽ പത്രപ്രവർത്തനം നടത്തിവരുന്ന വി അബ്ദു ചേറ്റുവയെ മാപ്പിളകലാ അക്കാദമി കേന്ദ്ര കമ്മറ്റി പ്രസിഡണ്ട് റഫീഖ് തലശ്ശേരി ചിത്രകാരൻ മുഹമ്മദ് ഹസ്സൻ അനാം കടവിൽ വരച്ച എണ്ണഛായ ചിത്രം നൽകി ആദരിച്ചു
ചടങ്ങിൽ കവിയും ഗാനരചിയിതാവുമായ അഹമ്മദ് മൊയ്‌നുദ്ദീൻ, പി സി മുഹമ്മദ് കോയ (ആൽഫ പാലിയേറ്റീവ് കെയർ ഒരുമനയൂർ) മുഖ്യാതിഥികളായിരുന്നു കേരള മാപ്പിള കലാ അക്കാദമി ഖത്തർ ട്രഷറർ ബർക്കത്ത് ഹുസൈൻ, ദിലീപ് അഞ്ചങ്ങാടി, മനാഫ് ഹുസൈൻ, അൻവർ യൂസഫ്, താമിർ, ഷെമീർ എന്നിവർ ആശംസകളർപ്പിച്ചു സംസാരിച്ചു കേരള മാപ്പിള കലാ അക്കാദമി ചാവക്കാട് ചാപ്റ്റർ ജനറൽ സെക്രട്ടറി ഷബീർ സ്വാഗതവും മുഹമ്മദ് കാട്ടിൽ നന്ദിയും പറഞ്ഞു.
