ഭരത് ആർമി ഫാൻസ് പയ്യൂർക്കാവ് ഗ്രാമം ;സ്വാതന്ത്രദിനാഘോഷവും വിദ്യഭ്യാസ പുരസ്ക്കാര വിതരണവും..

ഗുരുവായൂർ : ഓഗസ്റ്റ് 15 ചൊവ്വാഴ്ച്ച കാലത്ത് 8:30 ന് രാജ്യത്തിനു വേണ്ടി ജീവൻ നൽകിയ ധീര ജവാൻമാർക്ക് പ്രണാമം അർപ്പിച്ചു കൊണ്ട് ‘പയ്യൂർക്കാവ് ഗ്രാമത്തിൽ പണികഴിപ്പിച്ചിട്ടുള്ള അമർ ജവാൻ സ്മൃതി മണ്ഡപത്തിൽ പുഷ്പാർച്ചന നടത്തി ദേശീയ പതാക ഉയർത്തി കൊണ്ട് ചടങ്ങുകൾ ആരംഭിക്കും.
തുടർന്ന് നാടിനഭിമാനമായ കാലിക്കറ്റ് സർവ്വകലാശാലയിൽ നിന്ന് MSC ബയോളജിയിൽ ഒന്നാം റാങ്ക് കരസ്ഥമാക്കിയ ചൂണ്ടൽ സ്വദേശിനി ശിശിര ജോയിയെ ചടങ്ങിൽ വച്ച് ആദരിക്കും. ‘പയ്യൂർക്കാവ് ഗ്രാമത്തിലെ SSLC +2 വിജയിച്ച കുട്ടികളെ അനുമോദിക്കും. രാജ്യസ്നേഹികളായ എല്ലാ നാട്ടുകാരേയും ചടങ്ങിലേക്ക് സാദരം ക്ഷണിച്ചു കൊള്ളുന്നു എന്ന് ഭാരവാഹികൾ പത്ര കുറിപ്പിൽ അറിയിച്ചു.