അഖിലേന്ത്യാ കിസാൻസഭ എ ഐ കെ എസ് വനിത കർഷക സമിതി തൃശൂർ ജില്ലാ ക്യാമ്പ് , ജൂലൈ 22 ന്, ഗുരുവായൂരിലെ കെ ദാമോദരൻ ലൈബ്രറി ഹാളിൽവെച്ച് സി പി ഐ ജില്ലാ സെക്രട്ടറി കെ കെ. വത്സരാജ് ഉദ്ഘാടനം ചെയ്തു.
കിസാൻ സഭ തൃശൂർ വനിതാകർഷക സമിതി
ജില്ലാ പ്രസിഡണ്ട് ദീപ എസ് നായർ അദ്ധ്യക്ഷത വഹിച്ച ക്യാമ്പിൽ കിസാൻ സഭ
സംസ്ഥാന സെക്രട്ടറി എ പ്രദീപൻ, കിസാൻ സഭ ജില്ലാ പ്രസിഡണ്ട് കെ കെ രാജേന്ദ്ര ബാബു എന്നിവർ അഭിവാദ്യ പ്രസംഗം നടത്തി. കിസാൻ സഭ തൃശൂർ ജില്ലാ സെക്രട്ടറി കെ വി വസന്തകുമാർ സംഘടനാ രേഖയും ഭാവി പ്രവർത്തന പരിപാടികൾ അവതരിപ്പിച്ച് വിശദീകരിച്ചു.
കേരള കാർഷിക സർവ്വകലാശാലയിലെ പ്രൊഫസർ ഡോ ഇന്ദിരാദേവി കാർഷികസമ്പദ് വിഷയവുമായി ബന്ധപ്പെട്ട് ക്ലാസ് എടുത്തു. വനിത കർഷക സമിതി ജില്ലാ സെക്രട്ടറിയും മുൻ എം എൽ എ യും കൂടിയായ ഗീത ഗോപി സ്വാഗതവും കിസാൻ സഭ ഗുരുവായൂർ മണ്ഡലം കമ്മിറ്റി മെമ്പറും ഗുരുവായൂർ . നഗരസഭ കൗൺസിലമായ ബിന്ദു പുരുഷോത്തമൻ നന്ദിയും പറഞ്ഞു.
