ഗുരുവായൂർ ശ്രീകൃഷ്ണ കോളേജിൽ മാനേജ്മെൻറ് ക്വാട്ടയിൽ പി ജി പ്രവേശനം

ഗുരുവായൂർ: ഗുരുവായൂർ ദേവസ്വം ശ്രീകൃഷ്ണ കോളേജിൽ 2023-2024 അദ്ധ്യയന വർഷത്തിൽ ബിരുദാനന്തര ബിരുദ കോഴ്സുകളിലേക്ക് മാനേജ്മെൻ്റ് ക്വാട്ടയിൽ പ്രവേശനത്തിന് അപേക്ഷ ക്ഷണിച്ചു.

അപേക്ഷകൾ ജൂലായ് 21 മുതൽ ആഗസ്റ്റ് 5 വരെ www.guruvayurdevaswom.nic.in എന്ന ദേവസ്വം വെബ്സൈറ്റിൽ ഉള്ള Google form വഴി സ്വീകരിക്കും. അപേക്ഷകർ ബിരുദാനന്തരബിരുദ പ്രവേശനത്തിന് യോഗ്യത നേടിയവരായിരിക്കണം. എം.എ (സംസ്കൃതം, മലയാളം, ഇക്കണോമിക്സ് ), എം കോം, എം.എസ്.സി (  ഫിസിക്സ്, ബോട്ടണി),  എന്നീ കോഴ്സുകളിലേക്കാണ് പ്രവേശനം.

മാനേജ്മെൻ്റ് ക്വാട്ട വഴി പ്രവേശനം  തൃശൂർ ജില്ലയിലുള്ളവർക്ക് മാത്രമായി പരിമിതപ്പെടുത്തിയിട്ടുണ്ട്. 250 രൂപയാണ് അപേക്ഷാ ഫോമിൻ്റെ വില.