ഗുരുവായൂർ ക്ഷേത്രത്തിൽ ഉപദേവനായ ഗണപതിക്ക് 108 കലശമാടി

ഗുരുവായൂർ: ഗുരുവായൂർ ക്ഷേത്രത്തിലെ ഉപദേവൻ ഗണപതിക്ക് ശനിയാഴ്ച 108 കലശം അഭിഷേകം ചെയ്തു.

ഗണപതിക്ക് രാവിലെ നടന്ന കലശാഭിഷേകം രണ്ടര മണിക്കൂറോളം നീണ്ടു. 107 പരികലശങ്ങൾ ആടിയശേഷം ബ്രഹ്മകലശം, വാതിൽ മാടത്തിൽനിന്ന് പാണി – വാദ്യ ഘോഷത്തോടെ ഗണപതിക്കോവിലിലേക്ക് എഴുന്നള്ളിച്ചു. തന്ത്രി ചേന്നാസ് ഹരിനമ്പൂതിരിപ്പാട്  അഭിഷേകച്ചടങ്ങ് നിർവഹിച്ചു. ക്ഷേത്രത്തിൽ തിങ്കളാഴ്ച ഭഗവതിക്ക് ദ്രവ്യകലശമാടും.