ഗുരുവായൂർ ശ്രീ പെരുന്തട്ട ശിവ ക്ഷേത്രത്തിൽ പ്രതിഷ്ഠ ദിനം ആഘോഷിച്ചു.

ഗുരുവായൂർ: ശ്രീ പെരുന്തട്ട അഘോരമൂർത്തി ശിവക്ഷേത്രത്തിലെ പ്രതിഷ്ഠ ദിനം ആഘോഷിച്ചു. ക്ഷേത്രം തന്ത്രി ചേന്നാസ് ദിനേശൻ നമ്പൂതിരിപ്പാടിന്റെ മുഖ്യ കാർമികത്വത്തിൽ ചേന്നാസ് ശ്രീകാന്ത് നമ്പൂതിരിപ്പാട് മഹാദേവന് 25 കലശം അഭിഷേകം ചെയ്തു.

ശനിയാഴ്ച വൈകുന്നേരം മുന്നൂലം സുബ്രഹ്മണ്യൻ നമ്പൂതിരി, വേങ്ങേരി പത്മനാഭനൻ നമ്പൂതിരി എന്നിവർ സഹായികളായി. പ്രാസാദശുദ്ധി, അസ്ത്രകലശപൂജ, രക്ഷോഘ്നഹോമം, വാസ്തുഹോമം, വാസ്തുബലി, കലശപൂജ, അഭിഷേകം, അത്താഴപൂജ എന്നിവയും നടന്നു. രാവിലത്തെ ഗണപതിഹോമം നവകം, പഞ്ചഗവ്യം, ശ്രീഭൂതബലി എന്നിവയും നാരായണീയ പാരായണം, ഉച്ചക്ക് അന്നദാനം എന്നിവയും ഉണ്ടായി. ഗുരുവായൂർ ദേവസ്വം കൃഷ്ണനാരായണൻ തിടമ്പേറ്റി.

ക്ഷേത്രം പ്രസിഡണ്ട് കോങ്ങാട്ടിൽ അരവിന്ദാക്ഷമേനോൻ, സെക്രട്ടറി രാമകൃഷ്ണൻ ഇളയത്, കീഴേടം രാമൻ നമ്പൂതിരി, ആർ പരമേശ്വരൻ, ശിവദാസൻ, മണ്ണുങ്ങൽ മുരളി, ശങ്കരൻനായർ, സുധാകരൻ നമ്പ്യാർ, ശങ്കരൻ എന്നിവർ നേതൃത്വം വഹിച്ചു. വൈകുന്നേരം കേളി, നാദസ്വരം ഭജന,എന്നിവയും ഉണ്ടായി.