ഗുരുവായൂർ: സാമൂഹിക സാംസ്കാരിക കാരുണ്യ മേഘകളിൽ ഏറെ പ്രവർത്തനങ്ങൾ നടത്തുന്ന ഗുരുവായൂർ മെട്രോ ലിങ്ക്സ് ക്ലബ്ബിന്റെ കുടുംബ സംഗമവും പുതുതായി നിർമ്മിച്ച ശീതീകരിച്ച മിനി ഹാളിന്റെ ഉദ്ഘാടനവും മെയ് 12 ന് വൈകീട്ട് 7 മണിക്ക് ക്ലബ്ബ് ഹൗസിൽ വച്ച് വടക്കാഞ്ചേരി എം എൽ എ സേവ്യർ ചിറ്റിലപ്പിള്ളി ഉദ്ഘാടനം ചെയ്യുമെന്ന് ഭാരവാഹികൾ അറിയിച്ചു.
മെട്രോലിങ്ക്സ് പ്രസിഡന്റ് കെ ആർ ചന്ദ്രൻ അദ്ധ്യക്ഷത വഹിക്കുന്ന ചടങ്ങിൽ പ്രശസ്ത ഗാനരചയിതാവ് ഏങ്ങണ്ടിയൂർ ചന്ദ്രശേഖരൻ മുഖ്യാതിഥിയായിരിക്കും. ഗുരുവായൂർ നഗരസഭ ചെയർമാൻ എം കൃഷ്ണദാസ് പെൻഷൻ വിതരണം നിർവ്വഹിക്കും. പ്രശസ്ത ചലചിത്ര താരം ശിവജി ഗുരുവായൂർ, കേന്ദ്ര ഫിലിം സെൻസർബോർഡ് അംഗം രാജൻ പി. തറയിൽ എന്നിവർ ആശംസകൾ അറിയിക്കും. തുടർന്ന് റെഡ് മ്യൂസിക്കൽ ബാന്റിന്റെ സംഗീത നിശയും ഉണ്ടായിരിക്കും.
മെട്രോലിക്സ് ഭാരവാഹികളായ സന്തോഷ് ജാക്ക്, പി മുരളീധരൻ, കെ വി ശശി, ജയ്സൺ ജോർജ്, സി ഡി ജോൺസൺ എന്നിവരും വാർത്താ സമ്മേളനത്തിൽ പങ്കെടുത്തു
