ഗുരുവായൂർ: ഗുരുവായൂർ ദേവസ്വം സർവീസിൽ നിന്നും 34 വർഷത്തെ ഭഗവദ് സേവനം പൂർത്തിയാക്കി 2023 ഏപ്രിൽ 30 ന് വിരമിക്കുന്ന ക്ഷേത്രം കലവറ അറ്റൻഡർ ടി ജി വിജയകുമാർ, 25 വർഷത്തെ ഭഗവദ് സേവനം പൂർത്തിയാക്കി വിരമിക്കുന്ന പുന്നത്തൂർ ആനക്കോട്ടയിലെ ആനക്കാരൻ കെ.ജയൻ എന്നിവർക്ക് ഗുരുവായൂർ ദേവസ്വം എംപ്ലോയീസ് ഓർഗനൈസേഷൻ സമുചിതമായ യാത്രയയപ്പ് നൽകി.
ശ്രീവത്സം അനക്സിൽ വെച്ച് നടന്ന യാത്രയയപ്പ് സമ്മേളനത്തിൽ ഗുരുവായൂർ ദേവസ്വം ഭരണസമിതി അംഗം സി മനോജ് വിരമിച്ച ജീവനക്കാരെ പൊന്നാട അണിയിക്കുകയും യൂണിയൻ പ്രസിഡന്റ് കെ രമേശൻ, സെക്രട്ടറി നാരായണൻ ഉണ്ണി ഇ കെ എന്നിവർ സ്നേഹോപഹാരം നൽകുകയും ചെയ്തു.
ആശംസകൾ അർപ്പിച്ചുകൊണ്ട് എം സി രാധാകൃഷ്ണൻ, ഇ രാജു, ഡോ എം എൻ രാജീവ്, കെ ആർ രാമചന്ദ്രൻ എന്നിവർ സംസാരിച്ചു. യൂണിയൻ പ്രസിഡന്റ് കെ രമേശൻ അദ്ധ്യക്ഷത വഹിച്ചു. സെക്രട്ടറി നാരായണൻ ഉണ്ണി ഇ കെ സ്വാഗതവും വിഷ്ണു കെ നായർ നന്ദിയും പറഞ്ഞു.
