മമ്മിയൂർ എൽ എഫ് സി ജി എച്ച്എസ്എസ് സ്കൂളിൽ വെച്ച് നടന്ന പരിപാടിയിൽ വെള്ളത്തിൽ ദീപം തെളിയിച്ചുകൊണ്ടും, ശാസ്ത്ര പരീക്ഷണങ്ങൾ നടത്തി ക്കൊണ്ടായിരുന്നു ഉദ്ഘാടനം. ചാവക്കാട് നഗരസഭ ചെയർപേഴ്സൺ ഷീജ പ്രശാന്ത് അധ്യക്ഷത വഹിച്ച ചടങ്ങിൽ തൃശ്ശൂർ വിദ്യാഭ്യാസ ഡയറക്ടർ ബാലകൃഷ്ണൻ പി എം സ്വാഗതം പറഞ്ഞു. ശാസ്ത്രമേളയുടെ ലോഗോ തയ്യാറാക്കിയ മുജീബ് റഹ്മാന് എംഎൽഎ ഉപഹാരം നൽകി ആദരിച്ചു.

റഹീം വീട്ടിപറമ്പിൽ (വിദ്യഭ്യാസ സ്റ്റാൻഡിങ് കമ്മിറ്റി ചെയർമാൻ തൃശ്ശൂർ ജില്ലാ പഞ്ചായത്ത്), അനീഷ്മ ഷനോജ് (വൈസ് ചെയർപേഴ്സൺ ഗുരുവായൂർ നഗരസഭ), പ്രസന്ന രണദിവെ(വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ ചാവക്കാട് നഗരസഭ), എം എം ഷഫീർ (വികസന സ്റ്റാൻഡിങ് കമ്മിറ്റി ചെയർമാൻ ഗുരുവായൂർ നഗരസഭ) ബേബി ഫാൻസിസ് (വാർഡ് കൗൺസിലർ), നവീന പി (എ ഡി,വി എച്ച് എസ് ഇ, തൃശൂർ) ശ്രീജ ഡി (പ്രിൻസിപ്പാൾ, ഡയറ്റ് തൃശൂർ), ഡോ ബിനോയ് എൻ  ജെ (ഡി പി സി എസ് എസ് കെ തൃശ്ശൂർ), ലതാ ടി എം (അക്കാദമിക് കോഡിനേറ്റർ, എച്ച് എസ് എസ് വിഭാഗം), രമേശ് എൻ കെ (വിദ്യാകിരണം, ജില്ലാ കോഡിനേറ്റർ) സുഭാഷ് വി (കൈറ്റ്, ജില്ലാ കോഡിനേറ്റർ), സംഗീത ശ്രീജിത്ത് (ബി പി സി ബി ആർ സി, മുല്ലശ്ശേരി), സുനിൽകുമാർ എസ് ( പ്രിൻസിപ്പാൾ ജി എച്ച് എസ് എസ്, ചാവക്കാട്), സിസ്റ്റർ ഷീല സി എ (എച്ച് എം, എൽ എഫ് സി ജി എച്ച് എസ് എസ് മമ്മിയൂർ) എന്നിവർ ആശംസകളും, അനീഷ് ലോറൻസ് (റിസപ്ഷൻ കമ്മിറ്റി കൺവീനർ) നന്ദി പറഞ്ഞു

<p>The post തൃശൂർ റവന്യൂ ജില്ലാ ശാസ്ത്രോത്സവത്തിന് തിരി തെളിഞ്ഞു. first appeared on guruvayoorOnline.com | Guruvayur Temple.</p>

ഗുരുവായൂർ: ഗുരുവായൂരപ്പന്റെ പ്രിയപ്പെട്ട ഗജവീരനായ കേശവന് “ഗജരാജൻ” ബഹുമതി നൽകി ആദരിച്ച് 52 വർഷം.
1973 സെപ്റ്റംബർ 10ന് ഗുരുവായൂരിൽ നടന്ന സേവനസുവർണ്ണജൂബിലി ആഘോഷം, കേരളചരിത്രത്തിൽ ആദ്യമായി ഒരാനക്കു ലഭിച്ച മഹത്തായ ബഹുമതി ആയിരുന്നു.
നിലമ്പൂരിൽ നിന്ന് ഗുരുവായൂരിലേക്ക് എത്തിയ കേശവൻ, 60 വർഷത്തോളം ഗുരുവായൂരപ്പന്റെ ശീവേലിയും, എഴുന്നള്ളിപ്പുകളും, പൂരം-ഉത്സവങ്ങളും ഭംഗിയേകി.
ഗുരുവായൂരപ്പനെ ശിരസ്സിലേറ്റി, കേരളത്തിലെ എല്ലായിടത്തും ഗാംഭീര്യം നിറഞ്ഞ സാന്നിധ്യം തെളിയിച്ച കേശവനെ നാട്ടുകാർ ഇന്നും “അഭിമാന ഗജവീരൻ” എന്ന നിലയിൽ ഓർക്കുന്നു.
? 1973ലെ അവിസ്മരണീയ ദിനം
ദേശവാസികളും ഭക്തജനങ്ങളും ചേർന്ന് വീഥി മുഴുവൻ കവാടങ്ങളും കൊടിതോരണങ്ങളും കൊണ്ട് അലങ്കരിച്ചു.
ഭക്തിഗാനങ്ങളും നാദസ്വരവും പഞ്ചവാദ്യവും അകമ്പടിയായി.
ഭക്തജനങ്ങൾ കൊട്ടത്തേങ്ങ, ശർക്കര, പൂക്കൾ നൽകി സ്വീകരിച്ചു.
ക്ഷേത്രം തന്ത്രി ചേന്നാസ് പരമേശ്വരൻ നമ്പൂതിരിപ്പാടും ഊരാളൻ മല്ലിശ്ശേരി കൃഷ്ണൻ നമ്പൂതിരിയും ചേർന്ന് “ഗജരാജൻ” ഫലകം കേശവന്റെ കഴുത്തിൽ അണിയിച്ചു.
ഇന്നത്തെ അനുസ്മരണം?
2025 സെപ്റ്റംബർ 10ന്, ഗജരാജൻ കേശവനെ ആദരിച്ച് 52 വർഷം തികയുന്നു.
“കേശവീയം–2023” എന്ന പരിപാടി വഴി ദേവസ്വം അനുസ്മരണം നടത്തിയിരുന്നു.
പ്രശസ്ത ശിൽപി എളവള്ളിനന്ദകുമാർ നിർമ്മിച്ച കേശവന്റെ പ്രതിമ, ഗുരുവായൂരിന്റെ അഭിമാനമായി ഉയർന്നു.
സിനിമ, സുവനീർ, അനുസ്മരണാഘോഷങ്ങൾ എന്നിവ വഴിയും കേശവൻ ഇന്നും ജീവിക്കുന്ന ഓർമ്മയായി നിലകൊള്ളുന്നു.

ഗുരുവായൂരപ്പന് അനവധി വർഷം സേവനംചെയ്ത ഒരാനക്ക് സേവനസുവർണ്ണജൂബിലി ആഘോഷവും,ഗജരാജൻ ബഹുമതിയും നൽകിയ സുദിനം … അന്ന് 1973 സെപ്റ്റംബർ 10 നായിരുന്നു…..കേട്ടവർ ക്ക് എല്ലാം ആശ്ചര്യം! അതെ, ഗുരുവായൂരപ്പന്റെ വാത്സല്യം ആവോളം ആസ്വദിച്ചു കളിച്ചു രസിച്ചു നടന്ന ഒരു പടുവികൃതിയായി,ഭക്തജനങ്ങൾക്ക് കുസൃതിത്തരങ്ങൾ കാട്ടി കൗതുകമുണർത്തിയ ഗുരുവായൂരപ്പന്റെ സ്നേഹഭാജനമായ ഒരാനക്കുട്ടി ! വികൃതികൾ നിലതെറ്റിയപ്പോൾ ,ഒരു ഘട്ടത്തിൽ “ഭ്രാന്തൻ” കേശവൻ എന്ന് വരെ അപഖ്യാതി കേട്ട ഗജവീരൻ….മാത്രമോ വികൃതി മാറ്റാൻ ജ്യോത്സ്യനെ കണ്ട് പ്രശ്നം വെപ്പിച്ച് കഴുത്തിൽ യന്ത്രം കെട്ടി തൂക്കിയ ചരിത്രമുള്ള ആനക്കുട്ടി…കോപാന്തനായാൽ സാമൂതിരികോവിലകം പറമ്പിലെ തെങ്ങുകൾ കുത്തിമറിക്കുക എന്നൊരു ശീലംമാത്രം..എന്നാലോ ഒരിക്കലും ഒരു മനുഷ്യജീവന് അത് സ്വന്തം ആനക്കാരനായാലും,മറ്റൊരാളായാലും ശരി അപായം വരാതിരിപ്പാൻ ബദ്ധശ്രദ്ധയോടെ കരുതലുള്ള സൻമനസ്സുള്ള ഗജവീരൻ….എവിടെ നിന്നായാലും ഇടിഞ്ഞോടിയാൽ ഗുരുവായൂരപ്പന്റെ സന്നിധിയെ ലക്ഷ്യം വെച്ച് ഗുരുവായൂരിലേക്ക് ഓടിയെത്തുന്ന പ്രകൃതക്കാരനായ ഗുരുവായൂർകേശവന് ഗുരുവായൂരിൽ”ഗജരാജൻ “ബഹുമതി നൽകി ആദരിച്ചത് 52വർഷം മുമ്പ് 1973 സെപ്റ്റംബർ 10 ന്.!
ഭൂലോകവൈകുണ്ഠമെന്നുപുകൾപെറ്റ ഗുരുവായൂരപ്പന്റെ സന്നിധിയിൽ ഒരുനൂറ്റാണ്ട് മുമ്പ് ഏതോ മുജ്ജന്മ സുകൃതംകൊണ്ട് നമ്രശിരസ്കനായി എത്തിപ്പെട്ട ഒരു ഗജവീരൻ ! ഗജേന്ദ്രനുണ്ടോ വ്രതയോഗചര്യ ? ഗജേന്ദ്രനുണ്ടോ കുലവൈഭവാദി ….ഗജേന്ദ്രഹൃത്താരിലെ ഭക്തി മാത്രം ഗജേന്ദ്രമുക്തിക്കു നിദാനമായി…..എന്ന തിരുനാമാചാര്യൻറെ വരികൾ യാഥാർത്ഥ്യമാണെന്ന് തെളിയിച്ച ജീവിതം സഫലമാക്കിയ ഗജപുംഗവൻ !ഗുരുവായൂരപ്പന് അറിഞ്ഞോ,അറിയാതെയോ 60 വർഷത്തെ സേവനം പൂർത്തിയാക്കിയ ഗുരുവായൂർ കേശവന് ഭക്തവൃന്ദവും,ഗുരുവായൂർ പൗരാവലിയും, ദേവസ്വവും ചേർന്ന് “ഗജരാജൻ” ബഹുമതി നൽകിയിട്ട് 2025 സെപ്റ്റംബർ 10 ന് 52 വർഷം തികയുന്നു.
ചരിത്രത്തിൽ ആദ്യമായി ഒരു ഗജപുംഗവനെ ആദരവോടെ സ്വീകരിച്ച് സുവർണ്ണ ലിപികളിൽ എഴുതപ്പെട്ട ഗജരാജൻ ബഹുമതി നൽകിയ ചരിത്രം ഗുരുവായൂരിൽ മാത്രം. ഗുരുവായൂരപ്പന്റെ സ്വന്തം കേശവന് മാത്രം! നിലമ്പൂരിലെ വനാന്തരങ്ങളിൽ നിന്നും നിലമ്പൂർ കോവിലകത്തേക്ക് എത്തിച്ചേർന്ന കുസൃതിയായ കുട്ടിക്കൊമ്പൻ….ഒരവസരത്തിൽ കോവിലകം രാജകുടുംബത്തിന്റെ പ്രാർത്ഥനയുടെ ഫലമായി ഗുരുവായൂരപ്പന് നടയിരുത്തപ്പെട്ടു. ഗുരുവായൂരപ്പന്റെ കൊടിമരത്തറയിൽ വെള്ളയും കരിമ്പടവും വിരിച്ച് ഭദ്രദീപംതെളിയിച്ച് തീർത്ഥവും കളഭവും ചാർത്തി നടയിരുത്തിയ ആനക്കുട്ടിക്ക് മേശ്ശാന്തി പേര് വിളിച്ചു കേശവൻ! കേശവൻ! കേശവൻ ! കാലാന്തരേണ കേശവൻ വളർന്നു വലുതായി. ഗുരുവായൂരിന്റ ചരിത്രത്തിൽ സുവർണ്ണ ലിപികളാൽ എഴുതി ചേർക്കപ്പെട്ട ഒരു ഗജസമ്രാട്ട്..ഒരിക്കലും മായാത്ത ഗുരുവായൂർ കേശവനായി….. നൂറ് വർഷംമുമ്പ് ഗുരുവായൂരപ്പന്റെ ഗജസമ്പത്തിലേക്ക് 1922 ൽ അപ്രതീക്ഷിതമായി,നവാഗതനായി എത്തിയ കേശവൻ ഗുരുവായൂരപ്പന്റെ സ്വർണ്ണത്തിടമ്പേറ്റി അനവധി കാലം ശീവേലിക്കും, ചുറ്റുവിളക്കിനും, ക്ഷേത്രത്തിൽ നടന്നു വന്ന അനവധി എഴുന്നള്ളിപ്പുകൾക്കും ഗജപ്രൗഢിയോടെ പ്രധാനിയായി കോലമേറ്റി.ഗുരുവായൂരപ്പനെ ശിരസ്സിലേറ്റി .ഇടത്തരികത്ത് കാവ് ഭഗവതിയെ ശിരസ്സിലേറ്റി അമ്മയുടെ അനുഗ്രഹം ധാരാളം ഏറ്റുവാങ്ങി. ഗുരുവായൂർ ഉത്സവം,ഏകാദശി അഷ്ടമിരോഹിണി ആഘോഷങ്ങൾക്കെല്ലാം കേശവൻ ഗുരുവായൂരപ്പന്റെ സ്വർണ്ണക്കോലമേറ്റി. അനുഗൃഹീതനായ കേശവൻ ഗുരുവായൂർ ക്ഷേത്രം വിട്ട് പുറമേ എഴുന്നള്ളിപ്പുകൾക്ക് പോയിതുടങ്ങി. പ്രഗത്ഭരായ മറ്റു ഗജവീരൻമാരെയെല്ലാം പിന്നിലാക്കി ശിരസ്സുയർത്തി നിന്നു.തൃശൂർ പൂരവും, ഇരിങ്ങാലക്കുട ഉത്സവവും, നെൻമാറ_വല്ലങ്ങി പൂരം,പുതുക്കോട് നവരാത്രി ഉത്സവം, തൃപ്രയാർ ഏകാദശി ഉൾപ്പെടെ പല എഴുന്നള്ളിപ്പുകൾക്കും വാടാനപ്പള്ളി ക്ഷേത്രോത്സവം, എന്ന് വേണ്ട കുന്നംകുളം പള്ളിയിൽ നേർച്ച എഴുന്നള്ളിപ്പും വരെ പ്രൗഢിയോടെ സാന്നിധ്യം അറിയിച്ച് വീണ്ടും വീണ്ടും പ്രഗൽഭനായി.പ്രശസ്തനായി.കേരളത്തിലങ്ങോളമിങ്ങോളം എഴുന്നള്ളിപ്പുകൾക്ക് ഗുരുവായൂർ കേശവൻ പ്രസിദ്ധനായി.ആനകളിൽ ഒഴിച്ചുകൂടാനാവാത്ത ഗാംഭീര്യം !എവിടേയും എഴുന്നള്ളിപ്പുകൾക്ക് ഗുരുവായൂർ കേശവൻ പ്രധാനിയായി.ഗുരുവായൂരിനൊരു അഭിമാനമായി.. അങ്ങനെ 1973 സെപ്റ്റംബർ 10 ന് കേശവൻ “ഗജരാജൻ” ഗുരുവായൂർ കേശവൻ ആയി ! കേരളത്തിൽ ഒരാനക്ക് ലഭിച്ച ആദ്യ അംഗീകാരം.!
അതെ,…ഗുരുവായൂരപ്പന്റെ ഭക്തൻമാർ, നാട്ടുകാർ, ഒട്ടനവധി അഭ്യുദയകാംക്ഷികൾ,ആനപ്രേമികൾ , ഉൾപ്പെടെ ഗുരുവായൂർ പൗരാവലി കേശവനെ വാത്സല്യപൂർവ്വം സ്നേഹിച്ചവർ ഒരേ ശബ്ദത്തിൽ തീരുമാനിച്ചുറച്ചു…. കേശവന്റെ സേവനസുവർണ്ണജൂബിലി ഒരാഘോഷമാക്കണമെന്ന്.എല്ലാവരും ഭൂലോകവൈകുണ്ഠനാഥനായ ,ഗജപ്രിയനായ ഗുരുവായൂരപ്പനോട് ഒരപേക്ഷ സമർപ്പിച്ചു. ഗുരുവായൂർ കേശവന് ഒരു ബഹുമതി നൽകി ആദരിക്കണം…. ഇതായിരുന്നു ആവശ്യം.
.. പ്രാർത്ഥനയോടെ ഗുരുവായൂർ ദേവസ്വം അധികൃതരെ വിവരം ധരിപ്പിച്ചു. ഒട്ടും താമസമില്ലാതെ ഗുരുവായൂർ ദേവസ്വവും കേശവന്റെ കാര്യത്തിൽ പങ്കാളികളായി. ദേവസ്വം അനുമതി യായി.ഗുരുവായൂരിലെ പൗരപ്രമുഖൻ ജി.ജി.കൃഷ്ണയ്യർ പ്രസിഡണ്ടായും എ.വേണുഗോപാലൻ കാര്യദർശിയായും ഗുരുവായൂർ കേശവൻ “സേവനസുവർണ്ണജൂബിലി ആഘോഷക്കമ്മറ്റി “യും രൂപീകരിച്ചു. ഇന്നത്തെ പോലെ ആധുനിക സാങ്കേതിക മാധ്യമങ്ങളുടേയോ മറ്റു സംവിധാനങ്ങളുടേയോ സംവിധാനം ഒന്നും ഇല്ലാത്ത കാലം..കേശവന്റെ ചിത്രം ആലേഖനം ചെയ്ത നോട്ടീസുകൾ,വാൾ പോസ്റ്റുകൾ ഗുരുവായൂർ ദേശംമുഴുവനും നിറഞ്ഞു.ആനപ്രേമികൾ ക്ക് ആവേശമായി. നാട്ടുകാർ ഉത്സാഹഭരിതരായി.എന്നാൽ ചിലരെങ്കിലും അടക്കം പറഞ്ഞു…എങ്ങും കേട്ടുകേൾവിയില്ലാത്ത മറ്റെങ്ങും കാണാത്ത ഒരാഘോഷം ! ഒരാനയുടെ സേവനസുവർണ്ണജൂബിലി ആഘോഷമോ ? പലരും ആശ്ചര്യഭരിതരായി.എന്നാൽ ഗുരുവായൂരപ്പനുള്ള ഭക്തിവിശ്വാസം !അതെ,ഗുരുവായൂരപ്പന്റെ കേശവന് സുവർണ ജൂബിലി ദിനം…അതൊന്ന് ഗംഭീരമാക്കണം…ഇതായി എല്ലാവരുടേയും ചിന്ത. ..പത്രദ്വാര സേവനസുവർണ്ണജൂബിലി ആഘോഷ വിവരം ലോകം മുഴുവനും അറിഞ്ഞു.ഗുരുവായൂരിലെ വീഥികളെല്ലാം സംഘടനകളുടേയും, വ്യക്തികളുടേയും വകയായി കേശവന് അഭിവാദ്യങ്ങൾ അർപ്പിച്ചു കൊണ്ടുള്ള കവാടങ്ങളും ബാനറുകളും കൊണ്ട് അലംകൃതമായി. സേവനസുവർണ്ണജൂബിലി യോടനുബന്ധിച്ച് ഉച്ചക്ക് ഒരു മണിക്ക് വലിയ ഘോഷയാത്ര നടന്നു.ഗുരുവായൂർ കേശവനോടുള്ള ബഹുമാനാർത്ഥം കേരളത്തിലെ മികച്ച ആനകൾ ഘോഷയാത്രയിൽ പങ്കെടുത്തു.അനവധി അനവധി ഭക്തജനങ്ങൾ ഗുരുവായൂരിലേക്ക് ഒഴുകി എത്തി..ദേവസ്വത്തിൽനിന്നും ഗുരുവായൂരപ്പന്റെ സ്വന്തം ഗജവീരൻമാരും,പുറമെ നിന്നും എത്തിയ ആനകളും ഉൾപ്പെടെ പണ്ടെങ്ങും കണ്ടിട്ടില്ലാത്തവിധം 22ആനകൾ പങ്കെടുത്ത അതിഗംഭീരമായ ഒരു ഗജ ഘോഷയാത്ര ! മുമ്പിൽ ആടയാഭരണങ്ങൾ അണിഞ്ഞും പട്ടുതുണിയിൽ തയ്യാറാക്കി യ വലിയ മേലങ്കി മേലണിഞ്ഞും ശിരസ്സുയർത്തി മന്ദം മന്ദം നടന്നു നീങ്ങുന്ന കേശവൻ..
ഘോഷയാത്ര ഗുരുവായൂരിനെ ഉത്സവഭരിതമാക്കി. ക്ഷേത്രത്തിൽ 120 ലിറ്റർ അരിയും,120 ലിറ്റർ ശർക്കരയും,100 നാളികേരവും ഉപയോഗിച്ച് ശർക്കരപ്പായസം തിടപ്പള്ളിയിൽതന്നെ കീഴ്ശാന്തി നമ്പൂതിരിമാർ തയ്യാറാക്കി പന്തീരടി പൂജക്ക് ഗുരുവായൂരപ്പന് നിവേദിച്ചു. കിഴക്കെ നടയിൽ നിന്നും മഞ്ജുളാൽ ചുറ്റി , പാർത്ഥസാരഥി ക്ഷേത്രം വലം വെച്ച് തെക്കെ നട സാമൂതിരികോവിലകത്തിനുമുമ്പിലൂടെ നീങ്ങിയ ഘോഷയാത്ര പടിഞ്ഞാറെനടയിൽ വന്ന് പടിഞ്ഞാറെ ഗോപുരത്തിന്റെ മുമ്പിൽ എത്തി. അവിടെനിന്നും ഗുരുവായൂർ മഹിളാ സമാജം,തിരുവെങ്കിടം മഹിളാ സമാജം അംഗങ്ങളും കേശവന് താലമേന്തി അനുഗമിച്ചു. ഭക്തജനങ്ങളുടെ സ്വീകരണം ഏറ്റുവാങ്ങിയ കേശവൻ. അവിടെ നിന്നും ഗുരുവായൂരപ്പന്റെ രുദ്ര തീർത്ഥം വലം വെച്ചു. അലംകാരവിഭൂഷിതനായ കേശവന്റെ നേതൃത്വത്തിൽ നാദസ്വരവും പഞ്ചവാദ്യവും അകമ്പടി സേവിച്ച ഘോഷയാത്ര കിഴക്കെ ഗോപുരം സന്നിധിയിൽ എത്തി ച്ചേർന്നു. ശങ്കരപുരംഅപ്പുമാരാരുടെ നേതൃത്വത്തിലായിരുന്നു പഞ്ചവാദ്യം. കുരുത്തോലയും,വാഴക്കുല കളും,കൊടിതോരണങ്ങളും കൊണ്ട് ഗുരുവായൂർ പ്രദേശം അലംകൃതമായി.വഴിനീളെ നിലവിളക്കും,നിറപറയും വെച്ച് കടകളിലും വീടുകളിലും ഗുരുവായൂരപ്പന്റെ കേശവനെ, ഗുരുവായൂർ കേശവനെ ഭക്തജനങ്ങൾ ആരതി ഉഴിഞ്ഞു സ്വീകരിച്ചു.നാരായണനാമോച്ചാരണത്തോടെ ആഞ്ഞം മാധവൻ നമ്പൂതിരി കേശവന് വലിയ ഹാരമണിയിച്ച് പ്രത്യേകം കർപ്പൂരാരതി ചെയ്തു വന്ദിച്ചു.കൊട്ടത്തേങ്ങയും, ശർക്കരയും കൂട്ടിച്ചേർത്തു ഭക്തജനം ഭക്തിയോടെ, ആദരവോടെ കേശവന് വായിൽ നൽകാൻ മത്സരിച്ചു.ക്ഷേത്രഗോപുരനടയിൽ വെച്ച് ക്ഷേത്രം ഊരാളനും അന്നത്തെ ഗുരുവായൂർ ദേവസ്വം മാനേജിംഗ് കമ്മിറ്റി വൈസ് ചെയർമാനും കൂടിയായിരുന്ന മല്ലിശ്ശേരി കൃഷ്ണൻ നമ്പൂതിരിയും, ക്ഷേത്രം തന്ത്രി ചേന്നാസ് പരമേശ്വരൻ നമ്പൂതിരിപ്പാടും ചേർന്ന് സ്വർണ്ണലിപികളിൽ എഴുതിയ “ഗജരാജൻ ” ഫലകം കേശവന് കഴുത്തിൽ അണിയിച്ചു.ഭക്തകണ്ഠങ്ങളിൽ നിന്നും നാമസംകീർത്തനം മുഴങ്ങി. ഉച്ചയ്ക്ക്ശേഷം അഞ്ച് ആനകൾ പങ്കെടുത്ത കാഴ്ച ശീവേലിക്ക് ഗുരുവായൂരപ്പനെ ശിരസ്സിലേറ്റി ഗജരാജപട്ടം അണിഞ്ഞ കേശവൻ ആത്മനിർവൃതിയിലായി.നേരത്തെ നടന്ന ഘോഷയാത്രയിൽ പങ്കെടുത്ത ഗജവീരൻമാർക്കെല്ലാം ഗുരുവായൂരപ്പന് നിവേദിച്ച ശർക്കരപ്പായസം നൽകി.
അങ്ങനെ ചരിത്രത്തിൽ ആദ്യമായി ഒരാനക്ക് ഗജരാജൻ ബഹുമതി,ഒരാനയുടെ സേവനസുവർണ്ണജൂബിലി ആഘോഷം ഇതെല്ലാം ഗുരുവായൂരിന്റെ ചരിത്രത്തിൽ ഇടം നേടി.ഉത്സവലഹരിയിലാറാടിയ ഗുരുവായൂരിന്റെ അന്നത്തെ അവിസ്മരണീയമായ ആ സുദിനം. വർഷങ്ങൾ പിന്നിട്ട് ഇതാ 52 വർഷം തികഞ്ഞിരിക്കുന്നു.കേശവന് ഗജരാജൻ ബഹുമതി നൽകി ആദരിച്ചിട്ട് 1973 ൽ നിന്നും 2025 സെപ്റ്റംബർ 10 ലെത്തി.ഗുരുവായൂർ ദേശവാസികൾക്ക് അതൊരു അവിസ്മരണീയമായ ഓർമ്മയായി…. ഗജരാജൻ കേശവൻ ഓർമ്മയായിട്ട് 49 വർഷം പിന്നിടുമ്പോൾ ,അഭിനവ ഗജേന്ദ്രമോക്ഷത്തിലൂടെ,ഒരു സിനിമയിലൂടെ ,ഗജരാജപ്രതിമയിലൂടെ ലോകപ്രശസ്തിയിലെത്തിയ ഗുരുവായൂർ കേശവന്റെ മറക്കാൻ കഴിയാത്ത ഓർമ്മകളുമായി ഗുരുവായൂർ ദേവസ്വം രണ്ട് വർഷംമുമ്പ് വർഷം കേശവീയം_2023 എന്നപേരിൽ ഒരു വർഷം നീണ്ടു നിൽക്കുന്ന അവിസ്മരണീയമായ വിവിധ പരിപാടികൾ ആരംഭിച്ചു.കേശവീയം_2023 നോടനുബന്ധിച്ച് ഗജരാജൻ കേശവൻ്റെ ചരിത്രം രേഖപ്പെടുത്തുന്ന സുവനീർ പ്രകാശനവും അണിയറയിലുണ്ടെന്നറിയുന്നു. ഇന്നും ജ്വലിക്കുന്ന ഓർമ്മകളിൽ ഗുരുവായൂരിലെ പ്രസിദ്ധ ശിൽപി എളവള്ളിനന്ദകുമാറിന്റെ നേതൃത്വത്തിൽ ഗുരുവായൂർ കേശവൻ്റെ പൂർണ്ണമായ പ്രതിമ മനോഹരമാക്കി ഈ വർഷത്തെ ഗജരാജൻ കേശവൻ അനുസ്മരണം പ്രൗഢഗംഭീരമാക്കാനും ഗുരുവായൂർ ദേവസ്വം ശ്രമമാരഭിച്ചു. ഹന്ത! ഭാഗ്യം ഗജാനാം…

കടപ്പാട്: രാമയ്യർ പരമേശ്വരൻ

<p>The post ഗുരുവായൂർ ക്ഷേത്രം പഴമയുടെ പെരുമയിൽ; ഗജവീരൻ “കേശവന്” ഗജരാജൻ ബഹുമതി നൽകി 52 വർഷം! first appeared on guruvayoorOnline.com | Guruvayur Temple.</p>

ഒരു വസ്തുതയുടെയും പിൻബലമില്ലാതെ ഇത്തരത്തിൽ കള്ളം പറയാൻ ബിജെപിക്ക് മാത്രമേ കഴിയൂ. ആറുമാസം മുമ്പ് പ്രഖ്യാപിച്ച ഒരു പണിമുടക്ക് സമരമാണ് ഇവിടെ നടന്നത്. പൊതു സ്വത്ത് കോർപ്പറേറ്റുകൾക്ക് വിറ്റു തുലക്കുന്ന കേന്ദ്ര നയത്തിനെതിരായിട്ടാണ് തൊഴിലാളികൾ തൊഴിലാളികൾ ദേശീയപണിമുടക്ക് നടത്തിയത്. തൊഴിലാളികളുടെ അവകാശങ്ങൾ കവരുന്ന  ലേബർ കോഡ് പിൻവലിക്കണമെന്ന ആവശ്യവും സമരത്തിലൂടെ തൊഴിലാളികൾ മുന്നോട്ടുവച്ചു.

തൊഴിലാളി സംഘടനകൾ മുന്നോട്ടുവെച്ച ആവശ്യങ്ങൾ ബിഎംഎസ് തൊഴിലാളികളെ പോലും സ്വാധീനിച്ചു എന്നാണ് പണിമുടക്ക് സമരത്തിന്റെ വിജയം കാണിക്കുന്നത്. ഇതിലുള്ള അസ്വസ്ഥത മറച്ചുവെക്കാനാണ് കള്ളപ്രചാരണവുമായി ബിജെപി രംഗത്ത് വന്നിട്ടുള്ളതെന്നും, സമാധാനപരമായി ഗുരുവായൂരിൽ നടന്ന പ്രക്ഷോഭത്തെ ആക്ഷേപിക്കുവാനുള്ള ബിജെപി നീക്കം അപലപനിയമാണെന്ന് വ്യക്തമാക്കുന്നു. കെ ആർ സൂരജ് അഭിപ്രായപ്പെട്ടു.

<p>The post ഗുരുവായൂരിൽ സിപിഐഎം അക്രമം നടത്തിയെന്ന ബിജെപി ആരോപണം പച്ചക്കള്ളം; സിപിഐഎം. first appeared on guruvayoorOnline.com | Guruvayur Temple.</p>

റവറന്റ് ഡോ. ആന്റണി മഞ്ഞുമ്മൽ സി എം ഐ (അസോസിയേറ്റ് ഡയറക്ടർ) ഡോക്ടർ  ബെറ്റ്സി തോമസ് (പ്രിൻസിപ്പൽ AIMS) ഡോ. ജോബി കെ തോമസ് (ചീഫ് അഡ്മിനിസ്ട്രേറ്റീവ് ഓഫീസർ) ഡോ. അജിത് ടി എ (ഡയറക്ടർ ഓഫ് റിസർച്ച് ലാബ്) ഡോ. ജൂലി ഡൊമിനിക് എ (ഡീന്‍ ഓഫ് ഇന്റർനാഷണൽ അഫയേഴ്സ് ആൻഡ് കൊളാബ്രറേഷൻസ്) എന്നിവർ സംസാരിച്ചു.  സിസ്റ്റർ ലൗലി ജേക്കബ് വൈസ് പ്രിൻസിപ്പൽ, (ലിറ്റിൽ ഫ്ലവർ കോളേജ്), ഡോ. ദീപ്തി രാമകൃഷ്ണൻ (വൈസ് പ്രിൻസിപ്പൽ, AIMS), ഡോ. കായിൻ വടക്കൻ (സീനിയർ സയന്റിഫിക് റിസർച്ച് ഓഫീസർ) എന്നിവരും പരിപാടിയിൽ പങ്കെടുത്തു.

<p>The post ഗുരുവായൂർ എൽ എഫ് കോളേജും, തൃശൂർ അമല മെഡിക്കൽ സയൻസും സംയുക്തമായി നൂതന ഗവേഷണ സംരംഭങ്ങൾ തുടങ്ങുന്നു. first appeared on guruvayoorOnline.com | Guruvayur Temple.</p>

ഭക്തർ ഭഗവാന് കാണിക്കയായി സമർപ്പിക്കുന്ന സ്വർണമാണ് ദേവസ്വം ലോക്കറ്റുകളാക്കി അമിത വിലക്ക് വില്ക്കുന്നത്. അതിലും വെട്ടിപ്പ് നടത്തുന്നുവെന്നത് ഗുരുവായൂരപ്പ ഭക്തരോടുള്ള വെല്ലുവിളിയാണ്. തെറ്റ് ചെയ്തവരെ സംരക്ഷിക്കാനാണ് ശ്രമമെങ്കിൽ വലിയ പ്രത്യാഘാതമുണ്ടാകുമെന്നും അനീഷ് കുമാർ പറഞ്ഞു.

കേരളത്തിൽ യുഡിഎഫും എൽ ഡി എഫും മാറി മാറി അധികാരത്തിലെത്തുമ്പോൾ ദേവസ്വം ബോർഡുകൾ വഴി ക്ഷേത്രങ്ങളെ കൊള്ളയടിക്കുകയാണെന്ന ബി ജെ പി നിലപാട് ശരിയെന്ന് വീണ്ടും വ്യക്തമാവുകയാണ്. സംഭവത്തിൽ ഉടൻ സമഗ്ര അന്വേഷണം പ്രഖ്യാപിക്കാൻ സംസ്ഥാന സർക്കാർ തയ്യാറാകണം. സ്വർണ ലോക്കറ്റ് വിതരണവുമായി ബന്ധപ്പെട്ട ഭരണ സമിതിയംഗങ്ങളേയും ജീവനക്കാരെയും മാറ്റി നിർത്തിയാകണം അന്വേഷണം. 

<p>The post ഗുരുവായൂർ ദേവസ്വം ഭക്തർക്ക് വിതരണം ചെയ്ത ഭഗവാൻ്റെ ലോക്കറ്റ് വിവാദം ഞെട്ടിക്കുന്നത്; ബിജെപി first appeared on guruvayoorOnline.com | Guruvayur Temple.</p>

മിത്രവിന്ദയുടെ കൊല്ലൂർ മൂകാംബിക ക്ഷേത്ര കവാടത്തിനു അടുത്ത വനദുർഗ്ഗ ക്ഷേത്ര സന്നിധിയിൽ മഴയത്ത് നടത്തിയ നൃത്താർച്ചന പ്രശസ്ത ഫോട്ടോഗ്രാഫർ ബനിഷ് പാമ്പൂർ പകർത്തി റീൽ ആക്കിയത് ശ്രദ്ധേയമായപ്പോഴാണ് ജനശ്രദ്ധ ആകർഷിച്ചത്.

കൂച്ചിപ്പുടിയിൽ പ്രാവീണ്യം നേടിയ നർത്തകി. ഭരതനാട്യം, മോഹിനിയാട്ടം എന്നീ കലകളിലും പ്രാഗല്ഭ്യം നേടിയിട്ടുണ്ട്. രണ്ടര വയസ്സ് മുതൽ നൃത്തപഠനം. എൺപതുകളുടെ അവസാനം സ്കൂൾ കലോത്സവങ്ങളിൽ കലാതിലക പട്ടം നേടി തുടക്കം. 1992 മുതൽ കേരള കലാമണ്ഡലത്തിൽ മോഹിനിയാട്ടവും കൂച്ചിപ്പുടിയും അഭ്യസിച്ചു. 97ൽ പഠനം നിർത്തി ഡൽഹിയിൽ ഡോക്ടർസ് രാജാരാധാ റെഡ്ഢിമാരുടെ കീഴിൽ അഞ്ചു വർഷം കൂച്ചിപ്പുടി പഠനം തുടർന്നു. അക്കാലത്ത് പദ്മഭൂഷൻ ഡോക്ടർസ് രാജാരാധാ റെഡ്ഢിമാർക്കൊപ്പം പ്രശസ്തമായ മൊധേര, കുടുംബപരമ്പര നൃത്തോത്സവം അടക്കം ഗുജറാത്തിലും ഡൽഹിയിലും നിരവധി വേദികളിൽ നൃത്ത അവതരിപ്പിച്ചു.

തുടർന്ന് ചെന്നൈയിൽ കൂച്ചിപ്പുടി ആചാര്യൻ പദ്മഭൂഷൻ ഡോക്ടർ വെമ്പട്ടി ചിന്നസത്യം മാസ്റ്ററുടെയും കലാരത്‌ന വെമ്പട്ടി രവിശങ്കർ മാസ്റ്ററുടെയും ശിഷ്യയായി പഠനം തുടർന്നു. കൂച്ചിപ്പുടി ആചാര്യന്മാർക്കൊപ്പം ചെന്നൈയിൽ നിരവധി വേദികളിൽ നിറഞ്ഞു നിന്നു. തുടർന്ന് വിവാഹം. വിദേശവാസം. ബഹറിനിൽ അനേകം നൃത്തവേദികൾ. നൃത്തമിത്ര, ചിദംബര അരംഗം എന്ന പേരിൽ ഡാൻസ് അക്കാദമികളും ആരംഭിച്ചു. ഇപ്പോൾ ചിദംബരം, മൂകാംബിക, ഗുരുവായൂർ, വടക്കുംനാഥൻ അടക്കമുള്ള നിരവധി വേദികളിൽ നൃത്താവതരണങ്ങൾ.

തൃശൂർ സ്വദേശിനിയായ മിത്രവിന്ദ ശ്രീദേവിയുടെ ഭർത്താവ് വിദേശത്ത് ജോലി ചെയ്യുന്നു. രണ്ട് മക്കൾ തൃശൂർ പാറമേക്കാവ് സ്കൂളിൽ പഠിക്കുന്നു. തൃശൂരിൽ  വിശാലമായ കളരിയിൽ നൃത്തം പഠിപ്പിക്കുന്നു. ഓൺലൈൻ ക്ലാസ്സുകളും നടത്തുന്നു. +91 70250 18412

<p>The post അശാസ്ത്രീയ നൃത്തപഠനം ആരോഗ്യം തകർക്കും – നർത്തകി മിത്രവിന്ദ ശ്രീദേവി first appeared on guruvayoorOnline.com | Guruvayur Temple.</p>

ബി എം എസ് ഭാരവാഹികളായ എ സി കൃഷ്ണൻ, എം എം വത്സൻ, കെ ഹരീഷ് എന്നിവർ നേരിട്ടാണ് എ ഡി എം കണ്ടത്. ഒരാഴ്ചക്കുള്ളിൽ റോഡ് സഞ്ചാരയോഗ്യമാക്കി തരാമെന്ന് ഉറപ്പ് നൽകുകയും, തുടർന്ന്  എ ഡി എം ന്റെ നിർദ്ദേശപ്രെകാരം പി ഡബ്ളിയു  എഞ്ചിനിയറുമായി സംസാരിക്കുകയും ചെയ്തു.

<p>The post തൃശൂർ – കുന്നംകുളം – ഗുരുവായൂർ റോഡിൻ്റെ  ശോചനിയാവസ്‌ഥ പരിഹരിക്കാൻ ബി എം എസ് നിവേദനം നൽകി. first appeared on guruvayoorOnline.com | Guruvayur Temple.</p>

ആ പരമാചാര്യന്റെ സ്മരണാർത്ഥം വർഷാവർഷം വിവിധ കലാമേഖലകളിൽ പ്രാഗൽഭ്യം തെളിയിച്ച കലാകാരന്മാർക്ക് നൽകി വരുന്ന 2024ലെ കലാസാഗർ പുരസ്കാരങ്ങൾ കലാമണ്ഡലം കൃഷ്ണൻകുട്ടി പൊതുവാളുടെ ജന്മദിനമായ മെയ് 28നു കേരള കലാമണ്ഡലത്തിന്റെയും കേന്ദ്ര സാംസ്കാരിക വകുപ്പിന്റെയും സഹകരണത്തോടെ കലാമണ്ഡലം നിള ക്യാമ്പ്‌സിൽ വെച്ചു ഒരു പിറന്നാളിന്റെ ഓർമ്മക്ക് കലാസാഗർ പുരസ്‌കാരങ്ങൾ നൽകുന്നതാണ്.

മെയ് 28നു ചൊവാഴ്ച വൈകുന്നേരം അഞ്ചു മണിക്ക് ആരംഭിക്കുന്ന അനുസ്മരണ യോഗത്തിന് സ്വാഗതം ശ്രീ കലാമണ്ഡലം ഉണ്ണികൃഷ്ണൻ (കൺവീനർ ജന്മശതാബ്ധി ആഘോഷക്കമ്മിറ്റി) നിർവഹിക്കും. എഴുത്തുകാരനും കലാനിരൂപകനും ആയ ഡോക്ടർ എൻ പി വിജയകൃഷ്ണൻ ആഘോഷ പരിപാടിയുടെ ആമുഖ പ്രഭാഷണം നടത്തും.

പദ്മശ്രീ മട്ടന്നൂർ ശങ്കരൻകുട്ടി മാരാരുടെ (ചെയര്മാൻ കേരള സംഗീത നാടക അക്കാദമി) അധ്യക്ഷതയിൽ ചേരുന്ന അനുസ്മരണ യോഗത്തിനു ഡോക്ടർ കെ ജി പൗലോസ്, മുൻ വൈസ് ചാന്സല്ർ, കേരള കലാമണ്ഡലം ഉദ്ഘാടനം ചെയ്യും. ശ്രീ കെ ബി രാജ് ആനന്ദ് (കലാമണ്ഡലം ഡീൻ, കലാമണ്ഡലം ഭരണ സമിതി അംഗo, കഥകളി നിരൂപകൻ, ചെയർമാൻ വാഴേങ്കട കുഞ്ചു നായർ ട്രസ്റ്റ്) വിശിഷ്ട സാന്നിദ്ധ്യം കൊണ്ട് ധന്യമായ വേദിയിൽ ശ്രീ വി കലാധരൻ (കലാനിരൂപകനും, മുൻ ഡെപ്യൂട്ടി റജിസ്ട്രാർ, കേരള കലാമണ്ഡലം) മുഖ്യ പ്രഭാഷകനാകും. ശ്രീ കലാമണ്ഡലം നാരായണൻ നായർ ശ്രീ അനിയൻ മംഗലശ്ശേരി (പ്രസിഡന്റ്, ഇരിഞ്ഞാലക്കുട കഥകളി ക്ലബ്) ശ്രീ മുരളീധരൻ മാസ്റ്റർ (പ്രസിഡന്റ് ചാലക്കുടി കഥകളി ക്ലബ്) സ്മൃതിഭാഷണം ചെയ്യും.

ഡോക്ടർ എൻ പി വിജയകൃഷ്ണൻ ഈ വർഷത്തെ കലാസാഗർ പുരസ്കൃതരെ സദസ്സിനു പരിചയപ്പെടുത്തും. ശ്രീ വെള്ളിനേഴി ആനന്ദ് ( ജോയിന്റ് സെക്രട്ടറി കലാസാഗർ ) തന്റെ അനുസ്മരണ പ്രഭാഷണത്തോടൊപ്പം നന്ദി രേഖപ്പെടുത്തും.

പുരസ്കാരസമർപ്പണത്തിനു ശേഷം നടക്കുന്ന കുചേലവൃത്തം കഥകളിയിൽ, കഥകളിയിലെ നിത്യഹരിതം പദ്മശ്രീ ഡോക്ടർ കലാമണ്ഡലം ഗോപി കുചേലനായും, ഡോക്ടർ സദനം കൃഷ്ണൻകുട്ടി ശ്രീകൃഷ്ണനായും, ശ്രീ കല്ലുവഴി വാസു രുക്മിണിയായും വേഷമിടുമ്പോൾ ശ്രീ കലാനിലയം ഉണ്ണികൃഷ്ണനും ശ്രീ നെടുമ്പുള്ളി രാംമോഹനനും സംഗീതം നൽകുന്നു.

ശ്രീ കലാമണ്ഡലം ഉണ്ണികൃഷ്ണനും ശ്രീ കലാമണ്ഡലം നാരായണൻ നായരും മേളമൊരുക്കുന്നു. കലാമണ്ഡലം ശിവരാമൻ ചുട്ടി, തുടങ്ങിയവർ പങ്കെടുക്കുന്ന കഥകളിക്കു ചമയമൊരുക്കുന്നതു കേരള കലാമണ്ഡലം ആണ്.

കഥകളി വേഷം

ശ്രീ കലാനിലയം ഗോപി

സംഗീതം

ശ്രീ കലാമണ്ഡലം സുകുമാരൻ

ചെണ്ട

ശ്രീ കോട്ടക്കൽ വിജയരാഘവൻ

മദ്ദളം

ശ്രീ മാർഗി രത്‌നാകരൻ

ചുട്ടി

ശ്രീ രവീന്ദ്രൻ നായർ

ഓട്ടൻതുള്ളൽ

ശ്രീ രഞ്ജിത് തൃപ്പൂണിത്തുറ

 ചാക്യാർകൂത്ത്   

ശ്രീ കലാമണ്ഡലം കനക കുമാർ

കൂടിയാട്ടം

ശ്രീമതി സരിത കൃഷ്ണകുമാർ

മോഹിനിയാട്ടം

ശ്രീമതി കലാമണ്ഡലം  കവിത കൃഷ്ണകുമാർ

ഭരതനാട്യം

ശ്രീമതി സരിത കലാക്ഷേത്ര

കുച്ചുപ്പുടി 

ശ്രീമതി കലാമണ്ഡലം ശ്രീരേഖ ജി നായർ

തായമ്പക

ശ്രീ ആറങ്ങോട്ടുകര ശിവൻ

പഞ്ചവാദ്യം തിമില

ശ്രീ കല്ലുവഴി ബാബു

മദ്ദളം

ശ്രീ കല്ലേകുളങ്ങര ബാബു

ഇടക്ക

ശ്രീ തുറവൂർ വിനീഷ് കമ്മത് ആർ

ഇലത്താളം 

ശ്രീ കാട്ടുകുളം ജയൻ

കൊമ്പ്

ശ്രീ തൃപ്പാളൂർ ശിവൻ

<p>The post കലാമണ്ഡലം കൃഷ്ണൻകുട്ടി പൊതുവാൾ ജന്മശതാബ്‌ദി ആഘോഷവും കലാസാഗർ പുരസ്‍കാര സമർപ്പണവും മെയ് 28ന്. first appeared on guruvayoorOnline.com | Guruvayur Temple.</p>

തന്ത്രിയുടെ നേതൃത്വത്തിൽ നടക്കുന്ന പൂജകൾക്ക് പുറമെ നവകം, പഞ്ചഗവ്യം, കളഭാഭിഷേകം എന്നിവയും 10 മണി മുതൽ പ്രസാദഊട്ടും, സന്ധ്യക്ക്‌ ദീപാരാധന, നിറമാല,ചുറ്റുവിളക്ക് തായമ്പക എന്നിവയും ഉണ്ടായിരിക്കും.

ഭക്തജനങ്ങളുടെ നിർലോഭമായ സഹായ സഹകരണങ്ങൾ ഒന്ന് മാത്രമാണ് ഇത്തരം ചടങ്ങുകൾ ഭംഗി യാക്കുന്നതിന് നിദാനം. ആയതിനാൽ നാളെ മുതൽ ആരംഭിക്കുന്ന സംഭാവന സ്വീകരിക്കൽ ചടങ്ങിന് എല്ലാ സുമനസ്സുകളുടെയും സഹായ സഹകരണങ്ങൾ പ്രതീക്ഷിച്ചുകൊണ്ട്, ഏവരെയും ദേവീ നാമത്തിൽ ചടങ്ങുകളിലേക്ക് ക്ഷണിച്ചുകൊള്ളുന്നു.

എന്ന് ദേവസ്വം ഓഫീസർ, ക്ഷേത്ര ഉപദേശകസമിതി, സംയുക്ത ഉത്സവസമിതി. ശ്രീ കാർത്ത്യായനി ദേവീ ക്ഷേത്രം, കിഴൂർ, കുന്നംകുളം അറിയിച്ചു

<p>The post കിഴൂർ ശ്രീ കാർത്ത്യായനി ദേവീ ക്ഷേത്രത്തിലെ പ്രതിഷ്ഠ ദിനം മെയ്‌ 25ന്. first appeared on guruvayoorOnline.com | Guruvayur Temple.</p>

മുൻ മുഖ്യമന്ത്രി ലീഡർ കെ.കരുണാകരന്റെ നേതൃത്വത്തിൽ തൃശൂരിൽ തൊഴിലാളികളെ സംഘടിപ്പിക്കുന്നതിൽ സജീവമായി പ്രവർത്തിച്ചിരുന്നു. ജില്ലയിലെ ആദ്യകാല യൂത്ത് കോൺഗ്രസ് നേതാവായിരുന്നു. എൻ.ജി. ജയചന്ദ്രൻ നേതൃത്വം നൽകിയിരുന്ന ജില്ലാ യൂത്ത് കോൺഗ്രസ് കമ്മിറ്റിയുടെ സെക്രട്ടറിയായിരുന്നു. പിന്നീടു ദീർഘകാലം ജില്ലാ കോൺഗ്രസ് കമ്മിറ്റിയുടെ ജനറൽ സെക്രട്ടറിയായും പ്രവർത്തിച്ചിട്ടുണ്ട്.

തൃശൂർ നഗരസഭ കോർപറേഷൻ ആയി ഉയർത്തിയ ശേഷമുള്ള 2000–ത്തിലെ തിരഞ്ഞെടുപ്പിൽ അരണാട്ടുകര ഡിവിഷനിൽ നിന്നാണ് അദ്ദേഹം വിജയിച്ചു മേയറായത്. 2000 മുതൽ 2004 വരെ മേയർ പദവിയിൽ തുടർന്നു. 

<p>The post തൃശൂരിന്റെ ആദ്യ മേയർ ജോസ് കാട്ടുക്കാരൻ അന്തരിച്ചു first appeared on guruvayoorOnline.com | Guruvayur Temple.</p>