ഗൂഗിളിന്റെ അത്യാധുനിക എഐ മോഡലായ ‘ജെമിനി’ ഉപയോഗിച്ചാണ് ഈ പുതിയ സവിശേഷത അവതരിപ്പിക്കുന്നത്. ഗൂഗിളിന്റെ എഐ വിഭാഗമായ ഡീപ് മൈൻഡ് വികസിപ്പിച്ച ഈ ഫീച്ചറിലൂടെ, ഒരു വീഡിയോയോ ചിത്രമോ എഐ ഉപയോഗിച്ച് നിർമ്മിച്ചതാണോ എന്ന് കൃത്യമായി കണ്ടെത്താനാകും.

വീഡിയോയിലെ മെറ്റാഡേറ്റ, പശ്ചാത്തല ഘടകങ്ങൾ, ചിത്രങ്ങളുടെ പിക്സലുകളിൽ ചേർക്കുന്ന ‘സിന്ത് ഐഡി’ (Synth ID) എന്ന ഡിജിറ്റൽ വാട്ടർമാർക്ക് എന്നിവ വിശദമായി പരിശോധിച്ചാണ് ജെമിനി വിശകലനം നടത്തുന്നത്. ഉപയോക്താക്കൾ പരിശോധിക്കേണ്ട വീഡിയോയോ ചിത്രമോ അപ്‌ലോഡ് ചെയ്താൽ, മിനിറ്റുകൾക്കകം തന്നെ അതിൽ എഐ ടൂളുകൾ ഉപയോഗിച്ചിട്ടുണ്ടോ എന്ന് ജെമിനി വ്യക്തമാക്കും.

ആപ്പ് പിന്തുണയ്ക്കുന്ന ഏത് ഭാഷയിലും ജെമിനിയോട് ചോദിക്കാനാവുമെന്നതാണ് ഈ ഫീച്ചറിന്റെ മറ്റൊരു പ്രത്യേകത. ഗൂഗിൾ ഫോട്ടോസ് അടക്കമുള്ള മറ്റ് ഗൂഗിൾ സേവനങ്ങളിലൂടെ ഈ സൗകര്യം ലഭ്യമാക്കാനാണ് കമ്പനിയുടെ ലക്ഷ്യമെന്നാണ് റിപ്പോർട്ടുകൾ സൂചിപ്പിക്കുന്നത്.

ഉപയോക്താക്കളുടെ ഡിജിറ്റൽ സുരക്ഷ ഉറപ്പാക്കുക എന്ന ലക്ഷ്യത്തോടെയാണ് ഗൂഗിളിന്റെ ഈ നീക്കം. സാങ്കേതിക വിദ്യയുടെ വളർച്ച ഗുണകരമാണെങ്കിലും, അതിനൊപ്പം ഉണ്ടാകുന്ന ദുരുപയോഗങ്ങൾ നിയന്ത്രിക്കേണ്ടതിന്റെ ആവശ്യകതയും ശക്തമാണ്. സോഷ്യൽ മീഡിയയിൽ വ്യാപകമായി പ്രചരിക്കുന്ന വ്യാജ വീഡിയോകളെയും ചിത്രങ്ങളെയും തടയുന്നതിൽ ഈ പുതിയ ഫീച്ചർ നിർണായക പങ്ക് വഹിക്കുമെന്ന് ഗൂഗിൾ വ്യക്തമാക്കുന്നു.

<p>The post വ്യാജം തിരിച്ചറിയാൻ ഇനി എഐ തന്നെ; ഡീപ് ഫേക്ക് വീഡിയോകൾ കണ്ടെത്താൻ ‘ജെമിനി’യുമായി ഗൂഗിൾ first appeared on guruvayoorOnline.com | Guruvayur Temple.</p>

ചൈൽഡ് ഹുഡ് ക്യാൻസർ പ്രോട്ടീൻ കിറ്റ് വിതരണം, ഭക്ഷണ കിറ്റ് വിതരണം, പ്രമേഹ പരിശോധന ക്യാമ്പ്, വിഷൻ ഐ പ്രൊട്ടക്ഷൻ ഫസ്റ്റ് എയ്ഡ് കിറ്റ് വിതരണം കറിവേപ്പില തോട്ട നിർമ്മാണം എന്നിവയും നടക്കും ലയൺസ് ഡിസ്ട്രിക്റ്റ് ഗവർണർ ജെയിംസ് ‘വളപ്പില, നഗരസഭ വാർഡ് കൗൺസിലർ രേണുക ശങ്കർ, റീജിണൽ ചെയർപേഴ്സൺ ജ്യോതിഷ് സുരേന്ദ്രൻ, സോൺ ചെയർപേഴ്സൺ ഡോ: റോമിയോ ജെയിംസ് ഏരിയ ചെയർപേഴ്സൺ സിൽവി തോമസ്, വിനീത് മോഹൻ, സുന്ദർ ഭാസ്ക്കർ, പോളി ഫ്രാൻസീസ് തുടങ്ങിയവർ പങ്കെടുക്കും.

<p>The post ഡോക്ടേഴ്സ് ഡേ യിൽ ഗുരുവായൂർ ലയൺസ് ക്ലബ്ബിന്റെ കാരുണ്യ പ്രവർത്തനങ്ങൾ first appeared on guruvayoorOnline.com | Guruvayur Temple.</p>

ടാങ്കർ ലോറിയിൽ ഉണ്ടായിരുന്ന അത്താണി ചെറുകുന്ന് സ്വദേശികളായ ചക്കാലിക്കൽ മനു (24),പൂളോത്ത് തുണ്ടിയിൽ  അഭിജിത്ത് (20)എന്നിവർക്കാണ് പരിക്കേറ്റത്.

ഇന്ന് രാവിലെ ഏഴിനാണ് അപകടം .തൃശ്ശൂരിൽ നിന്ന് ഗുരുവായൂരിലേക്ക്  വരുകയായിരുന്നു ടാങ്കർ ലോറി. മുന്നിൽ പോയിരുന്ന കാർ പെട്ടെന്ന് ബ്രേക്ക് ഇട്ടതോടെ വെട്ടിച്ച  ടാങ്കർ ലോറി റോഡരികിൽ നിർത്തിയിട്ടിരുന്ന ടിപ്പർ  ലോറിക്ക് പുറകിലിടിക്കുകയായിരുന്നു.ഇടിയുടെ ആഘാതത്തിൽ റോഡിന് സമീപം ഉണ്ടായിരുന്ന തോട്ടിലേക്ക് ടിപ്പർ ലോറി കൂപ്പുകുത്തുകയായിരുന്നു. ഇടിയിൽ ടാങ്കർ ലോറി മറിയുകയും ചെയ്തു. വിവരമറിഞ്ഞ് സ്ഥലത്ത് എത്തിയ ഗുരുവായൂർ ആക്ട്സ് പ്രവർത്തകർ പരിക്കേറ്റവരെ ചാവക്കാട് ഹയാത്ത് ആശുപത്രിയിൽ പ്രവേശിപ്പിച്ചു

<p>The post ഗുരുവായൂരിൽ ടാങ്കർ ലോറി ടിപ്പറിലിടിച്ച് അപകടം first appeared on guruvayoorOnline.com | Guruvayur Temple.</p>

ഭഗവാൻ്റെ ഗ്രാമ പ്രദക്ഷിണത്തിനുള്ള എഴുന്നള്ളിപ്പ്, പറ വെപ്പ്, തുടങ്ങിയ ആചാരപ്രധാനമായ ചടങ്ങുകൾ സമയബന്ധിതമായും സുരക്ഷിതമായും നടത്തുന്നതിനാണ് ഈ ക്രമീകരണം. തെക്കേ നട പന്തലിൽ പ്രസാദ ഊട്ട് രാവിലെ 9 മണിക്ക് തുടങ്ങും. പ്രസാദ ഊട്ടിനായുള്ള വരിനിൽപ്പ് ഉച്ചയ്ക്ക് ഒരു മണിക്ക് നിർത്തും. ഭഗവദ് ചടങ്ങുകളുടെ വിജയകരമായ നടത്തിപ്പിനായി ഭക്തജനങ്ങൾ സഹകരിക്കണമെന്ന് ദേവസ്വം ചെയർമാൻ ഡോ വി കെ വിജയനും അഡ്മിനിസ്ട്രേറ്റർ കെ പി വിനയനും അഭ്യർത്ഥിച്ചു

<p>The post ഗുരുവായൂർ ക്ഷേത്രത്തിലെ ആറാട്ട്, പള്ളിവേട്ട ദിനങ്ങളിൽ പ്രസാദ ഊട്ട് സമയങ്ങളിൽ ക്രമീകരണം. first appeared on guruvayoorOnline.com | Guruvayur Temple.</p>

സ്ഥിരം സമിതി അധ്യക്ഷന്‍ എ എം ഷഫീര്‍, കൗൺസിലര്‍മാരായ പി കെ നൗഫല്‍, നിഷി പുഷ്പരാജ്, മുന്‍സിപ്പല്‍ എന്‍ജിനീയര്‍ ഇ ലീല, അസിസ്റ്റന്‍റ് എന്‍ജിനീയര്‍മാരായ ജിജോ ടി ജെ, സനല്‍ വി എസ്, ഓവര്‍സിയര്‍മാര്‍, ഐ കെ എം ജീവനക്കാര്‍ തുടങ്ങിയവര് സന്നിഹിതരായിരുന്നു.

<p>The post കെ-സ്മാര്‍ട്ട്; ഗുരുവായൂര്‍ നഗരസഭയിലെ ആദ്യത്തെ ബില്‍ഡിങ് പെര്‍മിറ്റ് അനുവദിച്ചു first appeared on guruvayoorOnline.com | Guruvayur Temple.</p>

<p>The post നരേന്ദ്ര മോദിയുടെ സന്ദർശനത്തിനെതിരായ ഇടത് വലത് ദുഷ്പ്രചരണം തോൽവി ഭയന്ന് – അഡ്വ കെ കെ അനീഷ്കുമാർ. first appeared on guruvayoorOnline.com | Guruvayur Temple.</p>

വൈജ്ഞാനിക സമ്പദ്ഘടന കെട്ടിപ്പടുക്കുക എന്ന ആശയം മുൻനിർത്തി തൊഴിൽ സൃഷ്ടിപ്പിനും. ശുചിത്വം മാലിന്യ സംസ്കരണം,

 ടൂറിസം  അതി ദാരിദ്ര്യ നിർമാർജനം എന്നീ മേഖലകളിൽ പ്രാധാന്യം നൽകി കൊണ്ടുള്ള പദ്ധതി നിർദ്ദേശങ്ങൾ ആണ് ഉയർന്നുവന്നത്.

  സർവതല സ്പർശിയായ ആശയങ്ങൾ ഉൾക്കൊള്ളുന്ന പദ്ധതികൾ ഗുരുവായൂരിന്റെ മാറ്റത്തെ വേഗതയിലാക്കുമെന്ന് വർക്കിംഗ് ഗ്രൂപ്പ് ഉദ്ഘാടനം ചെയ്തു കൊണ്ട് ചെയർമാൻ എം കൃഷ്ണദാസ് പ്രസ്താവിച്ചു..

നഗരസഭ ഡെപ്യൂട്ടി ചെയർപേഴ്സൺ ശ്രീമതി അനീഷ്മ ഷനോജ് അധ്യക്ഷത വഹിച്ച ചടങ്ങിൽ സ്ഥിരം സമിതി അധ്യക്ഷന്മാരായ എ എം ഷഫീർ ,ഷൈലജസുതൻ, എ എസ് മനോജ് ,ബിന്ദു അജിത് കുമാർ, എ സായിനാഥൻ, കൗൺസിലർ കെ പി ഉദയൻ ആസൂത്രണ സമിതി ഉപാധ്യക്ഷൻ ടി ടി ശിവദാസൻ,സെക്രട്ടറി അഭിലാഷ് കുമാർ എച്ച്. എന്നിവർ സംസാരിച്ചു.

നഗരസഭ കൗൺസിലർമാർ, പദ്ധതി നിർവഹണ ഉദ്യോഗസ്ഥർ, വിവിധ മേഖലകളിൽ വൈദഗ്ധ്യം നേടിയവർ. തുടങ്ങി നൂറോളം പേർ വർക്കിംഗ് ഗ്രൂപ്പിൽ സന്നിഹിതരായിരുന്നു

<p>The post ഗുരുവായൂർ നഗരസഭയുടെ സമഗ്ര വികസനം; വാർഷിക പദ്ധതി വർക്കിംഗ് ഗ്രൂപ്പ് യോഗം ചേർന്നു. first appeared on guruvayoorOnline.com | Guruvayur Temple.</p>

മെസേജിങ് സംവിധാനത്തിലെ തടസങ്ങള്‍ ഒഴിവാക്കുകയെന്ന ലക്ഷ്യത്തോടെയാണ് പുതിയമാറ്റം. കൂടാതെ സ്റ്റാറ്റസിന് സമയപരിധി നിര്‍ണയിക്കാന്‍ ഉപയോക്താക്കള്‍ക്ക് കഴിയും. 24 മണിക്കൂര്‍ എന്ന സമയപരിധി രണ്ടു ആഴ്ച വരെ നീട്ടാവുന്നതാണ് പുതിയ ഓപ്ഷന്‍. അടുത്തിടെ ടെലഗ്രാമും സമയപരിധി തിരഞ്ഞെടുക്കുന്ന ഓപ്ഷന്‍ അവതരിപ്പിച്ചിരുന്നു.

വാട്‌സ്ആപ്പിലെ പുതിയ സംവിധാനമായ വാട്‌സ്ആപ്പ് ചാനലിനും മാറ്റം കൊണ്ടുവരുന്നുണ്ട്. വെരിഫൈഡ് അക്കൗണ്ടുകള്‍ അഥവാ ചാനലുകള്‍ക്ക് നല്‍കിയിരിക്കുന്ന പച്ച ടിക് മാര്‍ക്കിന് പകരം നീല ടിക് മാര്‍ക്ക് നല്‍കാനാണ് മെറ്റ തീരുമാനം. മെറ്റയുടെ ഏകീകൃത സ്വഭാവം വരാനായി ആണ് ഈ മാറ്റം.

<p>The post സ്റ്റാറ്റസിന് സമയപരിധി ഓപ്ഷന്‍; പുതിയ മെസേജിങ് സംവിധാനം; വാട്‌സ്ആപ്പില്‍ വരുന്നത് വമ്പന്‍ അപ്‌ഡേറ്റ് first appeared on guruvayoorOnline.com | Guruvayur Temple.</p>

പ്രദേശത്തെ പ്രശ്‌നം പരിഹരിക്കാന്‍ ജില്ലാ കളക്ടര്‍ വി.ആര്‍ കൃഷ്ണ തേജയുടെ അധ്യക്ഷതയില്‍ ടി.എന്‍ പ്രതാപന്‍ എം.പിയുടെയും എന്‍.കെ അക്ബര്‍ എം.എല്‍.എയുടെയും സാന്നിധ്യത്തില്‍ കളക്ട്രേറ്റില്‍ ചേർന്ന യോഗത്തിലാണ് തീരുമാനം.

ചാവക്കാട് നഗരസഭ ചെയർപേഴസൺ ഷീജ പ്രശാന്ത്, ഒരുമനയർ പഞ്ചായത്ത് പ്രസിഡൻ്റ് വിജിത സന്തോഷ് എന്നിവർ യോഗത്തിൽ പങ്കെടുത്തു. സെപ്റ്റംബര്‍ 26 മുതല്‍ ഒരാഴ്ചക്കകം റോഡിലെ വെള്ളക്കെട്ടൊഴിവാക്കി കുഴികളടച്ച് ടൈല്‍സ് വിരിച്ച് ഗതാഗത യോഗ്യമാക്കണമെന്ന് നാഷണൽ അതോറിറ്റി ഉദ്യോഗസ്ഥർക്ക് കളക്ടർ നിര്‍ദ്ദേശം നല്‍കി.

അടിയന്തരമായി റോഡിലെ കുഴികള്‍ മെറ്റല്‍ ഉപയോഗിച്ച് അടയ്ക്കണം. കേടുവന്ന ഇന്റര്‍ലോക്കിങ് പാവര്‍ ബ്ലോക്ക് മാറ്റി സ്ഥാപിക്കുന്നതിനും യോഗം നിര്‍ദ്ദേശം നല്‍കി. കെട്ടിക്കിടക്കുന്ന കാനകള്‍ തുറന്ന് വൃത്തിയാക്കണമെന്നും റോഡിലെ വെള്ളക്കെട്ടൊഴിവാക്കുന്നതിനുള്ള ക്രമീകരണങ്ങള്‍ ഒരുക്കാനും എൻ കെ അക്ബർ എം.എൽ.എ ആവശ്യപ്പെട്ടു.

നിർമ്മാണ പ്രവൃത്തി കഴിയുന്നത് വരെ ഈ വഴിയിലൂടെയുള്ള ഗതാഗതം നിയന്ത്രിക്കാനും യോഗത്തില്‍ തീരുമാനമായി. നിര്‍മ്മാണ പ്രവര്‍ത്തി നടക്കുമ്പോള്‍ ചേറ്റുവയില്‍ നിന്നും ചാവക്കാടേക്ക് വരുന്ന വാഹനങ്ങള്‍ ബീച്ച് വഴി തിരിച്ചു വിടും. ചാവക്കാട് മുനിസിപ്പാലിറ്റിയുടെയും ഒരുമനയൂര്‍ പഞ്ചായത്തിന്റെയും എഞ്ചിനീയര്‍മാര്‍ നിര്‍മ്മാണ പുരോഗതി വിയിരുത്തും. പോലീസിന്റെ സേവനം ഉറപ്പുവരുത്താനും യോഗം നിര്‍ദ്ദേശിച്ചു. വരുന്ന ജില്ലാ വികസന സമിതി യോഗത്തില്‍ റോഡ് നിർമ്മാണത്തിന്റെ പുരോഗതി വിലയിരുത്തും.

ഡെപ്യൂട്ടി കളക്ടര്‍ പി. അഖില്‍, ചാവക്കാട് എസ്.ഐ ഷാജു, ചാവക്കാട് മുനിസിപ്പാലിറ്റി, ഒരുമനയൂര്‍ ഗ്രാമ പഞ്ചായത്ത് പ്രതിനിധികള്‍, ആര്‍.ടി.ഒ പ്രതിനിധികള്‍, ദേശീയപാത അതോറിട്ടി പ്രതിനിധികള്‍, ശിവാലയ കണ്‍സ്ട്രക്ഷന്‍ കമ്പനി പ്രതിനിധികള്‍, വിവിധ വകുപ്പുതല ഉദ്യോഗസ്ഥര്‍ തുടങ്ങിയവരും യോഗത്തില്‍ പങ്കെടുത്തു.

<p>The post ചാവക്കാട് – ചേറ്റുവ ദേശീയപാത 66 ലെ പ്രശ്‌നങ്ങള്‍ ഒരാഴ്ചക്കകം പരിഹരിക്കും first appeared on guruvayoorOnline.com | Guruvayur Temple.</p>

ഇന്ത്യ ഉൾപ്പെടെ 150-ലധികം രാജ്യങ്ങളിൽ ഒരുമിച്ചാണ് വാട്സ്ആപ്പിന്റെ ചാനൽ ഫീച്ചർ അവതരിപ്പിച്ചിരിക്കുന്നത്. ചാനലിലൂടെ ഒരു സ്ഥാപനത്തിനോ, വ്യക്തിക്കോ അവരുടെ സബ്സ്ക്രൈബേഴ്സിനോട് വാർത്തകളും വിശേഷങ്ങളും പങ്കുവെയ്ക്കാൻ കഴിയും. വാട്സ്ആപ്പ് ചാനൽ ഇൻവിറ്റേഷൻ ലിങ്കിലൂടെ ഉപഭോക്താക്കൾക്ക് ചാനലിലേക്ക് പ്രവേശനം നേടാൻ കഴിയുന്നതാണ്. വാട്സ്ആപ്പ് അപ്ഡേറ്റ് എന്ന പുതിയ ടാബിലാണ് വാട്സ്ആപ്പ് ചാനൽ കാണാൻ സാധിക്കുക.

വൺവേ ബ്രോഡ്കാസ്റ്റ് സംവിധാനമായതിനാൽ, അഡ്മിന് മാത്രം മെസേജ് അയക്കാൻ സാധിക്കുന്ന രീതിയിലാണ് ഈ ചാനലുകൾ പ്രവർത്തിക്കുക. ചാനലിൽ പങ്കാളികളാകുന്നവരുടെ പ്രൊഫൈൽ അഡ്മിന് മാത്രമാണ് കാണാൻ കഴിയുക. ചാനലിൽ ഉള്ള മറ്റ് അംഗങ്ങളുടെ ഫോൺ നമ്പറോ, പ്രൊഫൈലോ കാണാൻ കഴിയുകയില്ല. ഉപഭോക്താക്കളുടെ സുരക്ഷയ്ക്ക് പ്രാധാന്യം നൽകുന്നതിനാൽ, ചാനലിലെ പോസ്റ്റുകളുടെ സ്ക്രീൻഷോട്ട് എടുക്കുന്നതിന് വരെ നിയന്ത്രണം ഏർപ്പെടുത്തുന്നതാണ്. പരമാവധി 30 ദിവസം വരെ മാത്രമാണ് വാട്സ്ആപ്പ് ചാനൽ ഹിസ്റ്ററി സൂക്ഷിക്കാൻ കഴിയുകയുള്ളൂ.

<p>The post വാട്സ്ആപ്പിൽ ഗംഭീര അപ്ഡേറ്റ്!, കാത്തിരിപ്പുകൾക്കൊടുവിൽ ചാനൽ ഫീച്ചർ എത്തി ; ഇന്ന് തന്നെ പുതിയ പതിപ്പ് അപ്ഡേറ്റ് ചെയ്യൂ first appeared on guruvayoorOnline.com | Guruvayur Temple.</p>