സർക്കാർ ആയുർവേദ ആശുപത്രിയിലും പിന്നീട് സ്വകാര്യ മേഖലയിലും സേവനം അനുഷ്ഠിച്ച ഡോ. അമ്മിണി ചടങ്ങിൽ അധ്യക്ഷത വഹിച്ചു. കോളേജ് പ്രിൻസിപ്പൽ റവ. സിസ്റ്റർ ഡോ. ജെ. ബിൻസി പ്രസിഡൻഷ്യൽ അഡ്രസ് നടത്തി.

സംസ്കൃത വിഭാഗം അസിസ്റ്റന്റ് പ്രൊഫസർ ഡോ. ജസ്റ്റിൻ പി ജെ, സാന്ദീപനി മാതൃസദനത്തെ പ്രതിനിധീകരിച്ച് ശ്രീമതി പങ്കജം, രാധമ്മ ടീച്ചർ എന്നിവർ ആശംസകൾ നേർന്നു.

കർക്കിടക മാസത്തിന്റെ സാംസ്കാരികവും ആരോഗ്യപരവുമായ പ്രാധാന്യവും ആയുർവേദത്തിന്റെ ശരീരശുദ്ധീകരണത്തിലും ആരോഗ്യസംരക്ഷണത്തിലുമുള്ള പ്രസക്തിയും മനസ്സിലാക്കാൻ പരിപാടി വിദ്യാർത്ഥികൾക്ക് സഹായകമായി.

<p>The post ഗുരുവായൂർ ലിറ്റിൽ ഫ്ലവർ കോളേജിൽ കർക്കിടക ദിനാഘോഷം സംഘടിപ്പിച്ചു. first appeared on guruvayoorOnline.com | Guruvayur Temple.</p>

തൃശ്ശൂർ : ജില്ലയിൽ കഴിഞ്ഞ രാത്രി മുതൽ ശക്തമായ മഴ തുടരുകയും കാലാവസ്ഥ പ്രതികൂലമായി തുടരുകയും ചെയ്യുന്ന സാഹചര്യത്തിൽ, വിദ്യാർത്ഥികളുടെ സുരക്ഷ മുൻനിർത്തി തൃശ്ശൂർ ജില്ലയിലെ എല്ലാ വിദ്യാഭ്യാസ സ്ഥാപനങ്ങൾക്കും ഇന്ന് (07/08/2026, വെള്ളിയാഴ്ച) അവധി പ്രഖ്യാപിച്ചു.

ദുരന്തനിവാരണ നിയമം, 2005-ലെ സെക്ഷൻ 30(2)(xxix) പ്രകാരമുള്ള അധികാരം വിനിയോഗിച്ചാണ് ജില്ലാ കളക്ടർ ഉത്തരവിറക്കിയത്. ദുരന്തസാഹചര്യങ്ങൾ ഒഴിവാക്കുന്നതിനും വിദ്യാർത്ഥികളുടെ സുരക്ഷ ഉറപ്പാക്കുന്നതിനുമായുള്ള മുൻകരുതൽ നടപടിയുടെ ഭാഗമായാണ് അവധി പ്രഖ്യാപിച്ചിരിക്കുന്നതെന്ന് ഉത്തരവിൽ വ്യക്തമാക്കുന്നു.

അവധി ബാധകമാകുന്ന വിദ്യാഭ്യാസ സ്ഥാപനങ്ങൾ:

• അങ്കണവാടികൾ
• നഴ്സറികൾ
• ട്യൂഷൻ സെന്ററുകൾ
• മദ്രസകൾ
• സർക്കാർ, എയ്ഡഡ്, അൺഎയ്ഡഡ് സ്കൂളുകൾ
• കേന്ദ്രീയ വിദ്യാലയങ്ങൾ
• CBSE, ICSE സ്കൂളുകൾ
• പ്രൊഫഷണൽ കോളേജുകൾ
• മറ്റ് എല്ലാ വിദ്യാഭ്യാസ സ്ഥാപനങ്ങളും

പരീക്ഷകൾക്കും ഇന്റർവ്യൂകൾക്കും മാറ്റമില്ല

മുൻകൂട്ടി നിശ്ചയിച്ചിരിക്കുന്ന പരീക്ഷകൾ, ഇന്റർവ്യൂകൾ, മറ്റ് ഔദ്യോഗിക നടപടിക്രമങ്ങൾ എന്നിവയ്ക്ക് അവധി ബാധകമല്ല. അവ നിശ്ചയിച്ച സമയക്രമപ്രകാരം തന്നെ നടക്കുന്നതായിരിക്കും.

പഠനസമയം ക്രമീകരിക്കണം

അവധി മൂലം നഷ്ടപ്പെടുന്ന പഠനസമയം പുനഃക്രമീകരിക്കുന്നതിനാവശ്യമായ നടപടികൾ ബന്ധപ്പെട്ട വിദ്യാഭ്യാസ സ്ഥാപനങ്ങളുടെ മേധാവികൾ സ്വീകരിക്കണമെന്നും ജില്ലാ ഭരണകൂടം നിർദേശിച്ചിട്ടുണ്ട്.

ജില്ലാ ഭരണകൂടത്തിന്റെ പ്രധാന ജാഗ്രതാ നിർദേശങ്ങൾ

ജലാശയങ്ങളിൽ ഇറങ്ങരുത്: പുഴകൾ, തോടുകൾ, ക്വാറികൾ, കുളങ്ങൾ, വെള്ളക്കെട്ടുകൾ എന്നിവയ്ക്ക് സമീപത്തേക്ക് കുട്ടികൾ പോകാൻ അനുവദിക്കരുത്.

അത്യാവശ്യമല്ലാത്ത യാത്രകൾ ഒഴിവാക്കുക: ശക്തമായ മഴയും മോശം കാലാവസ്ഥയും തുടരുന്ന സാഹചര്യത്തിൽ അനാവശ്യ യാത്രകൾ പൂർണമായും ഒഴിവാക്കണം.

മണ്ണിടിച്ചിൽ-വെള്ളപ്പൊക്ക സാധ്യതയുള്ള പ്രദേശങ്ങളിൽ പ്രത്യേക ജാഗ്രത: താഴ്ന്ന പ്രദേശങ്ങളിലും മണ്ണിടിച്ചിൽ സാധ്യതയുള്ള മേഖലകളിലും താമസിക്കുന്നവർ തദ്ദേശ സ്വയംഭരണ സ്ഥാപനങ്ങളുടെയും ജില്ലാ ഭരണകൂടത്തിന്റെയും ദുരന്തനിവാരണ സേനയുടെയും നിർദേശങ്ങൾ കർശനമായി പാലിക്കണം.

അടിയന്തര സാഹചര്യങ്ങളിൽ ജാഗ്രത പാലിക്കുക: കാലാവസ്ഥാ മുന്നറിയിപ്പുകൾ തുടർച്ചയായി ശ്രദ്ധിക്കുകയും അധികൃതരുടെ ഔദ്യോഗിക അറിയിപ്പുകൾ മാത്രമേ വിശ്വസിക്കാവൂ എന്നും ജില്ലാ ഭരണകൂടം അഭ്യർഥിച്ചു.

ശക്തമായ മഴ തുടരുമെന്ന മുന്നറിയിപ്പിന്റെ പശ്ചാത്തലത്തിൽ എല്ലാവരും പരമാവധി ജാഗ്രത പാലിക്കണമെന്നും, അനാവശ്യമായി വീടുകളിൽ നിന്ന് പുറത്തിറങ്ങുന്നത് ഒഴിവാക്കി സുരക്ഷിതരായി തുടരണമെന്നും ജില്ലാ ഭരണകൂടം അറിയിച്ചു.

<p>The post ശക്തമായ മഴ; തൃശ്ശൂർ ജില്ലയിൽ ഇന്ന് വിദ്യാഭ്യാസ സ്ഥാപനങ്ങൾക്ക് അവധി first appeared on guruvayoorOnline.com | Guruvayur Temple.</p>

ലോകകപ്പ് പ്രീക്വാർട്ടർ പോരാട്ടത്തിൽ നാടകീയ തിരിച്ചുവരവുമായി നിലവിലെ ചാമ്പ്യൻമാരായ അർജന്റീന ക്വാർട്ടർ ഫൈനലിലേക്ക് മുന്നേറി. ശക്തരായ ഈജിപ്തിനെ രണ്ടിനെതിരെ മൂന്ന് ഗോളുകൾക്ക് പരാജയപ്പെടുത്തിയ മെസ്സിപ്പട, രണ്ടാം പകുതിയിൽ രണ്ട് ഗോളിന് പിന്നിലായ ശേഷമാണ് അവിശ്വസനീയമായ തിരിച്ചുവരവ് നടത്തി വിജയം സ്വന്തമാക്കിയത്. അവസാന വിസിൽ വരെ ആവേശം നിറഞ്ഞുനിന്ന മത്സരത്തിൽ അർജന്റീനയുടെ പോരാട്ടവീര്യമാണ് നിർണായകമായത്.

മത്സരത്തിന്റെ തുടക്കത്തിൽ തന്നെ ആക്രമണ ഫുട്ബോൾ പുറത്തെടുത്ത ഈജിപ്ത് 15-ാം മിനിറ്റിൽ യാസർ ഇബ്രാഹിമിന്റെ ഗോളിലൂടെ ലീഡ് നേടി. ആദ്യ പകുതിയിൽ പന്തടക്കത്തിലും അവസരങ്ങൾ സൃഷ്ടിക്കുന്നതിലും അർജന്റീന മേൽക്കൈ പുലർത്തിയെങ്കിലും ഈജിപ്തിന്റെ പ്രതിരോധം ഭേദിക്കാൻ കഴിഞ്ഞില്ല.

രണ്ടാം പകുതിയിലും ഈജിപ്ത് ആത്മവിശ്വാസത്തോടെ മുന്നേറി. 67-ാം മിനിറ്റിൽ മുസ്തഫ സീക്കോ ലീഡ് ഇരട്ടിയാക്കിയതോടെ അർജന്റീനയുടെ ലോകകപ്പ് പ്രതീക്ഷകൾ തന്നെ അവസാനിക്കുന്നതുപോലെ തോന്നി. എന്നാൽ അതിനുശേഷമാണ് ലോകചാമ്പ്യൻമാരുടെ യഥാർത്ഥ മുഖം പുറത്തുവന്നത്.

രണ്ട് ഗോളിന്റെ ലീഡ് നേടിയതിന് പിന്നാലെ ഈജിപ്ത് പൂർണമായും പ്രതിരോധത്തിലേക്ക് വലിഞ്ഞത് അർജന്റീനയ്ക്ക് അനുകൂലമായി. തുടർച്ചയായ ആക്രമണങ്ങൾക്കൊടുവിൽ 70-ാം മിനിറ്റിൽ ക്രിസ്റ്റ്യൻ റൊമേറോയുടെ ഹെഡർ ഗോൾ അർജന്റീനയ്ക്ക് പുതുജീവൻ നൽകി. ആ ഗോളോടെ മത്സരത്തിന്റെ ഗതിയും മാറി.

സമനിലയ്ക്കായി ആക്രമണം കടുപ്പിച്ച അർജന്റീനയ്ക്ക് 83-ാം മിനിറ്റിൽ നായകൻ ലയണൽ മെസ്സി രക്ഷകനായി. ബോക്സിന് പുറത്തുനിന്നുള്ള അദ്ദേഹത്തിന്റെ ഗംഭീര ഫിനിഷ് ഈജിപ്ഷ്യൻ ഗോൾകീപ്പറെ നിസ്സഹായനാക്കി വല കുലുക്കി. സ്കോർ 2-2 ആയതോടെ മത്സരത്തിന്റെ നിയന്ത്രണം പൂർണമായും അർജന്റീനയുടെ കൈകളിലായി.

ഇൻജുറി ടൈമിൽ ലഭിച്ച കോർണറിൽ നിന്ന് എൻസോ ഫെർണാണ്ടസ് ഉയർന്നുചാടി നടത്തിയ കിടിലൻ ഹെഡർ വലയിലെത്തിയതോടെ അർജന്റീനയുടെ നാടകീയ തിരിച്ചുവരവ് പൂർണമായി. വിജയഗോളോടെ സ്റ്റേഡിയം മുഴുവൻ അർജന്റീന ആരാധകരുടെ ആഘോഷാരവത്തിൽ മുങ്ങി.

തോൽവിയുടെ വക്കിൽ നിന്ന് തിരിച്ചുവന്ന് വിജയം സ്വന്തമാക്കിയ ഈ പ്രകടനം അർജന്റീനയുടെ ചാമ്പ്യൻ മനോഭാവത്തിന്റെ മറ്റൊരു തെളിവായി മാറി. സമ്മർദഘട്ടത്തിൽ ടീമിനെ മുന്നിൽ നിന്ന് നയിച്ച ലയണൽ മെസ്സിയും പ്രതിരോധനിരയിൽ നിന്ന് നിർണായക ഗോൾ നേടിയ ക്രിസ്റ്റ്യൻ റൊമേറോയും വിജയഗോൾ നേടിയ എൻസോ ഫെർണാണ്ടസും ടീമിന്റെ വിജയശിൽപികളായി. ഈ ജയത്തോടെ ആത്മവിശ്വാസം വർധിപ്പിച്ച അർജന്റീന ഇനി ക്വാർട്ടർ ഫൈനലിൽ കൂടുതൽ കരുത്തോടെ ഇറങ്ങുമെന്ന പ്രതീക്ഷയിലാണ് ആരാധകർ.

<p>The post രണ്ടു ഗോൾ പിന്നിൽ നിന്ന് രാജകീയ തിരിച്ചുവരവ്; ഈജിപ്തിനെ കീഴടക്കി അർജന്റീന ക്വാർട്ടറിൽ first appeared on guruvayoorOnline.com | Guruvayur Temple.</p>

ഗുരുവായൂർ: മഹാത്മാഗാന്ധി സർവകലാശാലയുടെ ബി.കോം ലോജിസ്റ്റിക്സ് പരീക്ഷയിൽ അഞ്ചാം റാങ്ക് കരസ്ഥമാക്കി ഗുരുവായൂരിന് അഭിമാന നിമിഷം സമ്മാനിച്ച കുമാരി എം. ശ്രേയയ്ക്ക് ഇന്ത്യൻ നാഷണൽ കോൺഗ്രസിന്റെ വിവിധ സംഘടനകളുടെ നേതൃത്വത്തിൽ വിപുലമായ അനുമോദനവും സ്നേഹാദരവും സംഘടിപ്പിച്ചു. വിദ്യാഭ്യാസ രംഗത്തെ മികവിലൂടെ നാടിന്റെ യശസ് ഉയർത്തിയ ശ്രേയയുടെ നേട്ടം പുതുതലമുറയ്ക്ക് പ്രചോദനമാണെന്ന് ചടങ്ങുകളിൽ പങ്കെടുത്ത നേതാക്കൾ അഭിപ്രായപ്പെട്ടു.

ഗുരുവായൂർ യൂത്ത് കോൺഗ്രസ്സ് മണ്ഡലം കമ്മിറ്റി സ്നേഹാദരം

“മികവിന്റെ തിളക്കവുമായി തിരുവെങ്കിടം” എന്ന പേരിൽ സംഘടിപ്പിച്ച അനുമോദന ചടങ്ങിൽ യൂത്ത് കോൺഗ്രസ് മണ്ഡലം കമ്മിറ്റിയുടെ നേതൃത്വത്തിൽ ശ്രേയയ്ക്ക് ഉപഹാര സമർപ്പണവും ആദരവും നൽകി. യൂത്ത് കോൺഗ്രസ് സംസ്ഥാന സെക്രട്ടറി നിഖിൽ ജി. കൃഷ്ണൻ ഉദ്ഘാടനം നിർവഹിക്കുകയും ഉപഹാരം സമർപ്പിക്കുകയും ചെയ്തു. യൂത്ത് കോൺഗ്രസ് മണ്ഡലം പ്രസിഡന്റ് കെ.കെ. രജിത്ത് അധ്യക്ഷത വഹിച്ചു.

കോൺഗ്രസ് മണ്ഡലം പ്രസിഡന്റും സംസ്ഥാന യൂത്ത് കോൺഗ്രസ് സെക്രട്ടറിയുമായ സി.എസ്. സൂരജ് മുഖ്യ അനുമോദന പ്രഭാഷണം നടത്തി. നഗരസഭ കൗൺസിലർ വി.എസ്. നവനീത്, യു.ഡി.എഫ് മണ്ഡലം ചെയർമാൻ പ്രദീഷ് ഓടാട്ട്, കോൺഗ്രസ് മണ്ഡലം ട്രഷറർ എ.കെ. ഷൈമിൽ, മുൻ യൂത്ത് കോൺഗ്രസ് മണ്ഡലം പ്രസിഡന്റ് രജിത്ത് പാലിയത്ത്, മനീഷ് നിലമന, ആനന്ദൻ ഗുരുവായൂർ എന്നിവർ സംസാരിച്ചു.

തിരുവെങ്കിടം– കണ്ടംകുളം മേഖലാ കോൺഗ്രസ്സ് കമ്മിറ്റി സ്നേഹ വന്ദനം

തുടർന്ന് തിരുവെങ്കിടം–കണ്ടംകുളം മേഖല കോൺഗ്രസ് കമ്മിറ്റിയുടെ നേതൃത്വത്തിൽ സംഘടിപ്പിച്ച സ്നേഹവന്ദന പരിപാടിയിൽ മുതിർന്ന കോൺഗ്രസ് നേതാവ് ശശി വാറണാട്ട് ഉപഹാര സമർപ്പണം നിർവഹിച്ചു. മേഖല കോ-ഓർഡിനേറ്റർ ജോയ് തോമസ് അധ്യക്ഷത വഹിച്ചു. ബാലൻ വാറണാട്ട്, വിജയകുമാർ അകമ്പടി, ഹരി വടക്കൂട്ട്, പിന്റോ നീലങ്കാവിൽ, കണ്ണൻ പാലിയത്ത്, ജിഷോ പുത്തൂർ, മേഴ്സി ജോയ്, ഷൺമുഖൻ തെച്ചിയിൽ, മണി കൂടത്തിങ്കൽ, എൻ.കെ. ആന്റോ, ഹരി പെരുവഴിക്കാട്ട് എന്നിവർ ആശംസകൾ നേർന്നു.

ഗുരുവായൂർ നഗരസഭ വാർഡ് 32 കോൺഗ്രസ്സ് കമ്മിറ്റി സ്നേഹ കൂട്ടായ്മ

ഗുരുവായൂർ നഗരസഭ 32-ാം വാർഡ് കോൺഗ്രസ് കമ്മിറ്റിയുടെ ആഭിമുഖ്യത്തിൽ നടന്ന മറ്റൊരു അനുമോദന ചടങ്ങിൽ നഗരസഭ കൗൺസിലർ ബിന്ദു നാരായണൻ ഉപഹാര സമർപ്പണം നടത്തി. ബ്ലോക്ക് കോൺഗ്രസ് വൈസ് പ്രസിഡന്റ് സി.ജെ. റെയ്മണ്ട് മാസ്റ്റർ അധ്യക്ഷത വഹിച്ചു. നിധിൻ മമ്മിയൂർ, ജോബി വെള്ളറ എന്നിവർ സംസാരിച്ചു.

ഡി.സി.സി നിർവാഹക സമിതി അംഗവും മുൻ കോൺഗ്രസ് മണ്ഡലം പ്രസിഡന്റുമായ ഒ.കെ.ആർ. മണികണ്ഠന്റെയും അർബൻ ബാങ്ക് ഉദ്യോഗസ്ഥ ബിന്ദു മണികണ്ഠന്റെയും മകളാണ് റാങ്ക് ജേതാവ് എം. ശ്രേയ. ചടങ്ങിൽ മറുപടി പ്രസംഗം നടത്തിയ ശ്രേയ, തനിക്ക് ലഭിച്ച സ്നേഹാദരങ്ങൾക്ക് നന്ദി രേഖപ്പെടുത്തി. മാതാപിതാക്കളും ചടങ്ങിൽ മുഖ്യ സാന്നിധ്യമായി പങ്കെടുത്തു.

വിദ്യാഭ്യാസ മികവിലൂടെ ഗുരുവായൂരിന്റെ പേര് ഉയർത്തിപ്പിടിച്ച ശ്രേയയുടെ നേട്ടം പ്രദേശത്തിന്റെ അഭിമാനമാണെന്നും, ഭാവിയിലും കൂടുതൽ ഉയരങ്ങൾ കീഴടക്കാൻ സാധിക്കട്ടെയെന്നും നേതാക്കൾ ആശംസിച്ചു.

<p>The post ഗുരുവായൂരിന്റെ അഭിമാന നക്ഷത്രം; സർവകലാശാല റാങ്ക് ജേതാവ് എം. ശ്രേയയ്ക്ക് ആദരവിന്റെ പൂക്കാലം first appeared on guruvayoorOnline.com | Guruvayur Temple.</p>

ഗുരുവായൂർ: മഹാത്മാ ഗാന്ധി സർവകലാശാലയ്ക്ക് കീഴിലുള്ള രാജഗിരി കോളേജ് ഓഫ് മാനേജ്മെന്റ് ആൻഡ് അപ്ലൈഡ് സയൻസസ്, കൊച്ചിയിൽ നിന്നും ബികോം ലോജിസ്റ്റിക്സ് കോഴ്‌സിൽ പഠനം പൂർത്തിയാക്കിയ എം. ശ്രേയ സർവകലാശാല പരീക്ഷയിൽ അഞ്ചാം റാങ്ക് കരസ്ഥമാക്കി ശ്രദ്ധേയ നേട്ടം കൈവരിച്ചു.

അക്കാദമിക രംഗത്ത് മികവും അർപ്പണബോധവും കൈമുതലാക്കിയ ശ്രേയയുടെ ഈ നേട്ടം കുടുംബത്തിനും വിദ്യാഭ്യാസ സ്ഥാപനത്തിനും ഗുരുവായൂർ നാടിനും അഭിമാനകരമായ നേട്ടമായാണ് വിലയിരുത്തപ്പെടുന്നത്. കഠിനാധ്വാനവും ലക്ഷ്യബോധത്തോടെയുള്ള പഠനവുമാണ് ഈ വിജയത്തിന് പിന്നിലെ പ്രധാന ഘടകമെന്ന് അധ്യാപകരും സഹപാഠികളും അഭിപ്രായപ്പെട്ടു.

ഗുരുവായൂരിലെ സാമൂഹിക-രാഷ്ട്രീയ രംഗങ്ങളിൽ സജീവ സാന്നിധ്യമായ പൊതുപ്രവർത്തകനും ഡി.സി.സി. എക്സിക്യൂട്ടീവ് അംഗവുമായ ഒ.കെ.ആർ. മണികണ്ഠന്റെയും ബിന്ദുവിന്റെയും മകളാണ് ശ്രേയ. പഠനത്തിനൊപ്പം വിവിധ സഹപാഠ്യ പ്രവർത്തനങ്ങളിലും സജീവമായിരുന്ന ശ്രേയയുടെ ഈ നേട്ടം യുവതലമുറയ്ക്ക് പ്രചോദനമാകുന്നതാണ്.

വിദ്യാഭ്യാസ രംഗത്തെ ഈ ശ്രദ്ധേയ വിജയത്തിന് ശ്രേയയെ വിവിധ സാമൂഹിക, സാംസ്കാരിക, രാഷ്ട്രീയ സംഘടനകളുടെ പ്രതിനിധികളും വിദ്യാഭ്യാസ പ്രവർത്തകരും അഭിനന്ദിച്ചു. ഭാവിയിലും ഉയർന്ന നേട്ടങ്ങൾ കൈവരിച്ച് നാടിന്റെ അഭിമാനമായി മാറട്ടെയെന്ന് ആശംസകളും പ്രവഹിക്കുകയാണ്.

<p>The post ഗുരുവായൂരിന്റെ അഭിമാന നേട്ടം; ബികോം ലോജിസ്റ്റിക്സിൽ എം. ശ്രേയയ്ക്ക് മഹാത്മാ ഗാന്ധി സർവകലാശാലയിൽ അഞ്ചാം റാങ്ക് first appeared on guruvayoorOnline.com | Guruvayur Temple.</p>

ഗുരുവായൂർ അസി കമ്മീഷണർ ഓഫ് പോലീസ് സി പ്രേമാനന്ദ കൃഷ്ണനും പ്രശസ്ത മോഡൽ ഷിയാസ് കരീമും മുഖ്യ അതിഥികളായ ചടങ്ങിൽ ക്രിസ്തുമസിൻ്റെ സ്നേഹത്തിന്റെയും  കരുണയുടെയും സന്ദേശം വിളിച്ചോതികൊണ്ട് കണ്ണാറ ജയ് ക്രിസ്റ്റോ സദനിലെ  ഭിന്നശേഷി കുട്ടികൾ തിരിതെളിച്ച് കേക്കു മുറിച്ചു ഉദ്ഘാടനം ചെയ്തു. 

കോളേജ് മാനേജർ റവ സിസ്റ്റർ ഫോൻസി മരിയ, കോളേജ് പ്രിൻസിപ്പൽ റവ ഡോ ജെ ബിൻസി, വൈസ് പ്രിൻസിപ്പൽ റവ ഡോ നിർമ്മൽ മറിയ, കോളേജ് പി ടി എ വൈസ് പ്രസിഡണ്ട് ജിഷോ എസ് പുത്തൂർ, കോളേജ് യൂണിയൻ ചെയർ പേഴ്സൺ മിസ് അമാന, വൈ എം സി എ പ്രസിഡണ്ട് ബാബു വർഗീസ്, ഡോ സിത്താര കെ ഉറുമ്പിൽ, ജഗൻ, ശരത് എന്നിവർ ആഘോഷങ്ങൾക്ക് നേതൃത്വം നൽകി. വിദ്യാർത്ഥികളുടെ നേതൃത്വത്തിൽ അവരുടെ സംരംഭക ശീലം വളർത്തുന്ന ലിറ്റിൽ മാർട്ട് എന്ന  പേരിൽ പത്തോളം  സ്റ്റാളുകളും ക്രിസ്തുമസ് കാർണിവലിനെ അന്വർത്ഥമാക്കി. കുഞ്ഞിപ്പൂമ്പാറ്റകൾക്ക് ഒരു കുഞ്ഞുടുപ്പ് എന്ന കാരുണ്യത്തിൻ്റെ പദ്ധതി കണ്ണാറ ജയ് ക്രിസ്റ്റോ   സദനിലെ വിദ്യാർത്ഥികൾക്ക് വൈ എം സി എ യുടെ നേതൃത്വതിൽ  സ്നേഹോപഹാരം നൽകി നിർവഹിച്ചു. 

ക്രിസ്മസ് ഹാർമണി ഫാഷൻ ഷോയിൽ തൃശൂർ സെൻ്റ് തോമസ് കോളേജും, കരോൾ ഗാന മൽസരത്തിൽ സെന്റ് ജോസഫ്  ചർച്ച് വേലൂപാടം ഒന്നാം സ്ഥാനവും കരസ്ഥമാക്കി.

<p>The post വർണ്ണാഭമായി ലിറ്റിൽ ഫ്ലവർ കോളേജ് ഗുരുവായൂരിൻ്റെ ക്രിസ്തുമസ് കാർണിവൽ first appeared on guruvayoorOnline.com | Guruvayur Temple.</p>

<p>The post പ്രൊഫ കെ വി രാമകൃഷ്ണന് ഗുരുവായൂർ ശ്രീകൃഷ്ണ കോളേജിൻ്റെ ആദരം first appeared on guruvayoorOnline.com | Guruvayur Temple.</p>

വെള്ളിയാഴ്ച്ച വൈകീട്ട് അഞ്ചിന് നടക്കുന്ന കാർണിവൽ ഭിന്ന ശേഷിക്കാരായ വിദ്യാർത്ഥികൾ ഉദ്ഘാടനം ചെയ്യും. ഇന്റർനാഷണൽ മോഡൽ ഷിയാസ് കരിം, ഗുരുവായൂർ എ സി പി സി പ്രേമാനന്ദകൃഷ്ണൻ എന്നിവർ മുഖ്യാതിഥികളാകും. ഫാഷൻ ഇൻ ക്രിസ്തുമസ് ഹാർമണി – ഇന്റർ കോളിജിയേറ്റ് ഫാഷൻ ഷോ, ഓൾ കേരള കരോൾ സോങ് കോമ്പറ്റീഷൻ- ജിംഗിൾ ബീറ്റ്സ്, വിവിധ സ്റ്റാളുകൾ, കലാപരിപാടികൾ എന്നിവ അരങ്ങേറും. വൈകീട്ട് 4 മുതൽ 10 വരെയാണ് കാർണിവൽ നടക്കുക. എല്ലാവർക്കും സൗജന്യമായി കാർണിവലിൽ പങ്കെടുക്കാം. 

കോളേജ് പ്രിൻസിപ്പാൾ ഡോ ജെ ബിൻസി, വൈസ് പ്രിൻസിപ്പൾ ഡോ സി ലൗലി ജേക്കബ്, ഡോ ജൂലി ഡൊമിനിക്ക്, റീലി റാഫേൽ, ജിത്തു ജോസഫ്, കോളേജ് ചെയർപേഴ്സൺ അമാന, വൈ എം സി എ പ്രസിഡണ്ട് ബാബു വർഗ്ഗീസ് എന്നിവർ വാർത്താ സമ്മേളനത്തിൽ പങ്കെടുത്തു

<p>The post “ഗ്ലോറിയ @ എൽ എഫ് “- ഗുരുവായൂർ ലിറ്റിൽ ഫ്ലവർ കോളേജിൽ ക്രിസ്തുമസ് കാർണിവൽ first appeared on guruvayoorOnline.com | Guruvayur Temple.</p>

മമ്മിയൂർ എൽ എഫ് സി ജി എച്ച്എസ്എസ് സ്കൂളിൽ വെച്ച് നടന്ന പരിപാടിയിൽ വെള്ളത്തിൽ ദീപം തെളിയിച്ചുകൊണ്ടും, ശാസ്ത്ര പരീക്ഷണങ്ങൾ നടത്തി ക്കൊണ്ടായിരുന്നു ഉദ്ഘാടനം. ചാവക്കാട് നഗരസഭ ചെയർപേഴ്സൺ ഷീജ പ്രശാന്ത് അധ്യക്ഷത വഹിച്ച ചടങ്ങിൽ തൃശ്ശൂർ വിദ്യാഭ്യാസ ഡയറക്ടർ ബാലകൃഷ്ണൻ പി എം സ്വാഗതം പറഞ്ഞു. ശാസ്ത്രമേളയുടെ ലോഗോ തയ്യാറാക്കിയ മുജീബ് റഹ്മാന് എംഎൽഎ ഉപഹാരം നൽകി ആദരിച്ചു.

റഹീം വീട്ടിപറമ്പിൽ (വിദ്യഭ്യാസ സ്റ്റാൻഡിങ് കമ്മിറ്റി ചെയർമാൻ തൃശ്ശൂർ ജില്ലാ പഞ്ചായത്ത്), അനീഷ്മ ഷനോജ് (വൈസ് ചെയർപേഴ്സൺ ഗുരുവായൂർ നഗരസഭ), പ്രസന്ന രണദിവെ(വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ ചാവക്കാട് നഗരസഭ), എം എം ഷഫീർ (വികസന സ്റ്റാൻഡിങ് കമ്മിറ്റി ചെയർമാൻ ഗുരുവായൂർ നഗരസഭ) ബേബി ഫാൻസിസ് (വാർഡ് കൗൺസിലർ), നവീന പി (എ ഡി,വി എച്ച് എസ് ഇ, തൃശൂർ) ശ്രീജ ഡി (പ്രിൻസിപ്പാൾ, ഡയറ്റ് തൃശൂർ), ഡോ ബിനോയ് എൻ  ജെ (ഡി പി സി എസ് എസ് കെ തൃശ്ശൂർ), ലതാ ടി എം (അക്കാദമിക് കോഡിനേറ്റർ, എച്ച് എസ് എസ് വിഭാഗം), രമേശ് എൻ കെ (വിദ്യാകിരണം, ജില്ലാ കോഡിനേറ്റർ) സുഭാഷ് വി (കൈറ്റ്, ജില്ലാ കോഡിനേറ്റർ), സംഗീത ശ്രീജിത്ത് (ബി പി സി ബി ആർ സി, മുല്ലശ്ശേരി), സുനിൽകുമാർ എസ് ( പ്രിൻസിപ്പാൾ ജി എച്ച് എസ് എസ്, ചാവക്കാട്), സിസ്റ്റർ ഷീല സി എ (എച്ച് എം, എൽ എഫ് സി ജി എച്ച് എസ് എസ് മമ്മിയൂർ) എന്നിവർ ആശംസകളും, അനീഷ് ലോറൻസ് (റിസപ്ഷൻ കമ്മിറ്റി കൺവീനർ) നന്ദി പറഞ്ഞു

<p>The post തൃശൂർ റവന്യൂ ജില്ലാ ശാസ്ത്രോത്സവത്തിന് തിരി തെളിഞ്ഞു. first appeared on guruvayoorOnline.com | Guruvayur Temple.</p>

മാമ്പാട് എംഇഎസ് കോളേജ് സുവോളജി വിഭാഗം അസിസ്റ്റൻറ് പ്രൊഫസറും ഈ മേഖലയിൽ ശ്രദ്ധേയനും ആയ ഡോ. കെ എസ് അനൂപ് ദാസ് വർക്ക്ഷോപ്പ് ഉദ്ഘാടനം ചെയ്തു. കോളേജ് പ്രിൻസിപ്പൽ ഡോക്ടർ ജെ ബിന്‍സി അധ്യക്ഷയായിരുന്നു. കൊച്ചിൻ യൂണിവേഴ്സിറ്റി ഓഫ് സയൻസ് ആൻഡ് ടെക്നോളജിയിലെ എച്ച് ആർ എം വിഭാഗം അസിസ്റ്റൻറ് പ്രൊഫസറും ഫുൾ ബ്രൈറ്റ് സ്കോളർഷിപ്പ് ജേതാവുമായ ഡോ. ദേവി സൗമ്യജ  മുഖ്യാതിഥിയായിരുന്നു. മാനവിക ശാസ്ത്ര ഭാഷ വിഷയങ്ങളിൽ ഗവേഷണാത്മകമായ പ്രോജക്ടുകൾ സമർപ്പിക്കേണ്ടത് എങ്ങനെയെന്ന് സവിസ്തരം പ്രതിപാദിച്ച വർഷോപ്പ് എല്ലാവർക്കും ഉപകാരപ്രദമായിരുന്നു. 

തൃശ്ശൂർ ജില്ലയിലെ മറ്റു കോളേജുകളിലെ അധ്യാപകരും വർക്ക് ഷോപ്പിൽ പങ്കെടുത്തു. ഐക്യു എ സി കോഡിനേറ്റർ ഡോ. സിതാര കെ ഉറുമ്പിൽ സ്വാഗതം ആശംസിച്ചു. ഐ ക്യു എ സി മെമ്പറും സാമ്പത്തിക ശാസ്ത്ര വിഭാഗം അധ്യക്ഷയുമായ ഡോ. നീതു എസ് അറക്കൽ പ്രസ്തുത യോഗത്തിൽ നന്ദി അർപ്പിച്ച് സംസാരിച്ചു. വർക്ക്ഷോപ്പിന്റെ സംഘാടകരും ഐക്യു എ സി അസി കോഡിനേറ്റർമാരുരായ ഇംഗ്ലീഷ് വിഭാഗം അസിസ്റ്റൻറ് പ്രൊഫസർ ഡോ. ശില്പ എസ് ആനന്ദും ഗണിത വിഭാഗം അസിസ്റ്റൻറ് പ്രൊഫസർ മിസ് ആൽഫി ജോസും പ്രസ്തുത യോഗത്തിൽ സംസാരിച്ചു.

<p>The post ഗുരുവായൂർ ലിറ്റിൽ ഫ്ലവർ കോളേജിൽ ഐ ക്യു എ സിയുടെ ഏകദിന വർക്ക്ഷോപ്പ്  first appeared on guruvayoorOnline.com | Guruvayur Temple.</p>