ധർമടത്ത് പിണറായി വിജയനും പറവൂരിൽ വിഡി സതീശനും പിന്നിലാണ്. ബോപ്പൂരിൽ പിവി അൻവർ പിന്നിലാണ്. മുഹമ്മദ് റിയാസാണ് മുന്നിൽ. അമ്പലപ്പുഴയിൽ തുടക്കം ലഭിച്ച ലീഡ് എൽഡിഎഫിന് നഷ്ടമായി. സ്വതന്ത്ര സ്ഥാനാർഥി ജി സുധാകരനാണ് ലീഡ് നേടിയിരിക്കുന്നത്. സംസ്ഥാനത്തുടനീളം 43 ഇടങ്ങളിലായി 140 കേന്ദ്രങ്ങളിലാണ് വോട്ടെണ്ണൽ ക്രമീകരിച്ചിരിക്കുന്നത്. മൂന്നാമതും തുടർഭരണം എന്ന ചരിത്ര നേട്ടം കൈവരിക്കുകയാണ് എൽ.ഡി.എഫിന്റെ ലക്ഷ്യം. പത്ത് കൊല്ലത്തെ അധികാരനഷ്ടത്തിന് ശേഷം കേരളത്തിന്റെ ഭരണം പിടിക്കുകയാണ് യുഡിഎഫ് ലക്ഷ്യമിടുന്നത്.

<p>The post നിയമസഭാ തെരഞ്ഞെടുപ്പ് 2026 ; കുതിച്ച് UDF, നൂറ് സീറ്റിലേക്ക് മുന്നേറ്റം: കിതച്ച് LDF first appeared on guruvayoorOnline.com | Guruvayur Temple.</p>

ഗുരുവായൂർ: നിയമസഭാ തിരഞ്ഞെടുപ്പിന്റെ വോട്ടെണ്ണൽ ആരംഭിക്കാൻ മണിക്കൂറുകൾ മാത്രം ശേഷിക്കെ, മണലൂർ മണ്ഡലത്തിലെ യുഡിഎഫ് സ്ഥാനാർഥി ടി.എൻ. പ്രതാപൻ ഗുരുവായൂർ ക്ഷേത്രത്തിൽ ദർശനം നടത്തി. വോട്ടെണ്ണലിന് മുമ്പായി ഗുരുവായൂരപ്പന്റെ അനുഗ്രഹം തേടിയായിരുന്നു അദ്ദേഹത്തിന്റെ ക്ഷേത്രസന്ദർശനം.

രാവിലെ ക്ഷേത്രത്തിലെത്തി പ്രത്യേക പ്രാർത്ഥന നടത്തിയ പ്രതാപനോടൊപ്പം ഗുരുവായൂരിലെ കോൺഗ്രസ് പ്രവർത്തകരും അനുയായികളും ഉണ്ടായിരുന്നു. മണ്ഡലത്തിൽ വൻ ഭൂരിപക്ഷത്തോടെ വിജയിക്കാനാകണമെന്ന പ്രാർത്ഥനയാണ് ഗുരുവായൂരപ്പന്റെ സന്നിധിയിൽ അദ്ദേഹം നടത്തിയതെന്ന് അനുയായികൾ അറിയിച്ചു.

എല്ലാ മാസവും തന്റെ ജന്മനക്ഷത്രമായ പൂരം നാളിൽ ഗുരുവായൂർ ക്ഷേത്രത്തിൽ എത്തി ദർശനം നടത്തുന്നത് പ്രതാപന്റെ പതിവാണ്. തിരഞ്ഞെടുപ്പ് തിരക്കുകൾക്കിടയിലും ഈ ആത്മീയബന്ധം അദ്ദേഹം തുടർന്നുവരുന്നതായി പ്രവർത്തകർ പറയുന്നു. ജനവിധി പുറത്തുവരാനിരിക്കെ ആത്മവിശ്വാസത്തോടെയും പ്രതീക്ഷയോടെയും ഗുരുവായൂരപ്പന്റെ അനുഗ്രഹം തേടി എത്തിയ പ്രതാപൻ, വിജയശ്രീലാളിതനായി വീണ്ടും ക്ഷേത്രത്തിൽ എത്തി നന്ദി അർപ്പിക്കുമെന്ന വിശ്വാസവും പങ്കുവെച്ചു.

വോട്ടെണ്ണൽ ഫലം സംസ്ഥാന രാഷ്ട്രീയത്തിന് നിർണായകമാകുന്നതിനാൽ, സ്ഥാനാർഥികളുടെ ആത്മീയ സന്ദർശനങ്ങളും പ്രാർത്ഥനകളും ശ്രദ്ധേയമാകുകയാണ്.

<p>The post ജനവിധിക്ക് മുമ്പ് ഗുരുവായൂരപ്പൻ സന്നിധിയിൽ ടി.എൻ. പ്രതാപൻ first appeared on guruvayoorOnline.com | Guruvayur Temple.</p>

കേരളത്തിനെ കൂടാതെ അസം, പശ്ചിമ ബം​ഗാൾ, തമിഴ്നാട്, പുതുച്ചേരി എന്നിവിടങ്ങളിലും തിരഞ്ഞെടുപ്പ് നടന്നിരുന്നു. അസമിലും തമിഴ്നാട്ടിലും എക്സിറ്റ് പോൾ ഫലങ്ങൾ തുടർഭരണം പ്രവചിച്ചപ്പോൾ പശ്ചിമ ബം​ഗാളിൽ ബിജെപി ഭരണം പിടിക്കുമെന്നാണ് പ്രവചിച്ചിരിക്കുന്നത്.

<p>The post നിയമസഭാ തെരഞ്ഞെടുപ്പ്-2026 ; സ്‌ട്രോങ് റൂം തുറന്നു, വോട്ടെണ്ണല്‍ തുടങ്ങാന്‍ ഇനി മിനിറ്റുകള്‍ മാത്രം, നെഞ്ചിടിപ്പോടെ മുന്നണികള്‍ first appeared on guruvayoorOnline.com | Guruvayur Temple.</p>

കേരളത്തിന്റെ അടുത്ത അഞ്ച് വർഷത്തെ ഭരണചക്രം ആരുടെ കൈകളിലാകും എത്തുക എന്ന ചോദ്യത്തിന് ഇന്ന് ഉത്തരമൊരുങ്ങും. സംസ്ഥാന നിയമസഭ തിരഞ്ഞെടുപ്പിന്റെ വോട്ടെണ്ണൽ ഇന്ന് രാവിലെ 8 മണിക്ക് ആരംഭിക്കും. ആദ്യ ഫലസൂചനകൾ ലഭിക്കുന്നതിന് പിന്നാലെ തന്നെ രാഷ്ട്രീയ കേരളം ആവേശത്തിലും ആകാംക്ഷയിലുമാണ്. വോട്ടെണ്ണൽ ആരംഭിച്ച് രണ്ട് മണിക്കൂറിനകം തന്നെ സംസ്ഥാന ഭരണം ഏത് മുന്നണിയിലേക്കാണെന്ന് വ്യക്തമായ ചിത്രം പുറത്തുവരുമെന്നാണ് വിലയിരുത്തൽ.

സംസ്ഥാനത്തെ 140 നിയമസഭാ മണ്ഡലങ്ങളിലെയും വോട്ടുകൾ 43 ഇടങ്ങളിലായി സജ്ജീകരിച്ചിട്ടുള്ള 140 വോട്ടെണ്ണൽ കേന്ദ്രങ്ങളിലാണ് എണ്ണുക. എല്ലാ കൗണ്ടിംഗ് കേന്ദ്രങ്ങളിലും സുരക്ഷയും സാങ്കേതിക സംവിധാനങ്ങളും ഉൾപ്പെടെ ഒരുക്കങ്ങൾ പൂർത്തിയായതായി മുഖ്യ തിരഞ്ഞെടുപ്പ് ഓഫീസർ അറിയിച്ചു. തപാൽ വോട്ടുകളുടെ എണ്ണലോടെയാണ് കൗണ്ടിംഗ് ആരംഭിക്കുക. തുടർന്ന് ഇലക്ട്രോണിക് വോട്ടിംഗ് മെഷീനുകളിലെ വോട്ടുകൾ ഘട്ടംഘട്ടമായി എണ്ണും.

മൂന്നാം തവണയും തുടർഭരണം നേടി ചരിത്രം കുറിക്കാനാണ് എൽ.ഡി.എഫ് ലക്ഷ്യമിടുന്നത്. വികസനവും ക്ഷേമപദ്ധതികളും മുന്നോട്ടുവെച്ചാണ് ഭരണതുടർച്ചയ്ക്ക് ഇടതുമുന്നണി പ്രതീക്ഷിക്കുന്നത്. അതേസമയം, പത്ത് വർഷത്തെ അധികാരവിരാമത്തിന് ശേഷം വീണ്ടും കേരളഭരണം പിടിക്കാമെന്ന ആത്മവിശ്വാസത്തിലാണ് യു.ഡി.എഫ്. ജനവിധി മാറ്റത്തിനൊപ്പമാകുമെന്നാണ് പ്രതിപക്ഷത്തിന്റെ അവകാശവാദം.

കേരളത്തിൽ നിയമസഭയിൽ ശക്തമായ സാന്നിധ്യം ഉറപ്പിക്കാനാണ് ബി.ജെ.പി ലക്ഷ്യമിടുന്നത്. കഴിഞ്ഞ തിരഞ്ഞെടുപ്പിനെ അപേക്ഷിച്ച് വോട്ട് വിഹിതത്തിലും സീറ്റുകളിലും മുന്നേറ്റം ഉണ്ടാകുമെന്ന പ്രതീക്ഷയിലാണ് പാർട്ടി നേതൃത്വം.വോട്ടെണ്ണൽ നടപടികൾക്കായി സംസ്ഥാനത്താകെ 15,465 ഉദ്യോഗസ്ഥരെയാണ് നിയോഗിച്ചിരിക്കുന്നത്. ഓരോ കേന്ദ്രങ്ങളിലും കർശന സുരക്ഷാ ക്രമീകരണങ്ങളും നിരീക്ഷണ സംവിധാനങ്ങളും ഏർപ്പെടുത്തിയിട്ടുണ്ട്. ഫലപ്രഖ്യാപനം പുരോഗമിക്കുന്നതിനനുസരിച്ച് സംസ്ഥാനത്തിന്റെ രാഷ്ട്രീയ ഭൂപടം മണിക്കൂറുകൾക്കകം മാറിമറിയാനാണ് സാധ്യത.

കേരളം കാത്തിരിക്കുന്ന ആ നിർണായക ദിനം ഇന്ന്—ജനവിധി ആര്‍ക്കൊപ്പമെന്ന് മണിക്കൂറുകൾക്കകം വ്യക്തമാകും.

<p>The post ജനവിധി ഇന്ന്; കേരളം ആര് ഭരിക്കും? കൗണ്ടിംഗ് രാവിലെ 8 മുതൽ first appeared on guruvayoorOnline.com | Guruvayur Temple.</p>

തിരുവനന്തപുരം: കേരളത്തിന്റെ രാഷ്ട്രീയ ഭാവി നിർണയിക്കുന്ന 2026 നിയമസഭാ തിരഞ്ഞെടുപ്പിന്റെ ജനവിധിക്കായി കാത്തിരിക്കുകയാണ് സംസ്ഥാനം. ആരാകും അടുത്ത മുഖ്യമന്ത്രി, ഏത് മുന്നണിയാകും അധികാരത്തിലെത്തുക എന്ന ചോദ്യമാണ് കേരളമൊട്ടാകെ ചർച്ചയാകുന്നത്. എക്സിറ്റ് പോൾ ഫലങ്ങൾ യുഡിഎഫിന് അനുകൂലമായി പ്രവചിച്ചിരിക്കുമ്പോൾ, ജനവിധി തങ്ങൾക്കൊപ്പമാണെന്ന് ആത്മവിശ്വാസം പ്രകടിപ്പിച്ച് എൽഡിഎഫും രംഗത്തുണ്ട്.

സംസ്ഥാനത്തെ 140 നിയമസഭാ മണ്ഡലങ്ങളിലായി ഏപ്രിൽ 9-ന് ഒറ്റഘട്ടമായാണ് വോട്ടെടുപ്പ് നടന്നത്. 30,495 ബൂത്തുകളിലായി നടന്ന തെരഞ്ഞെടുപ്പിൽ 883 സ്ഥാനാർഥികളാണ് ജനവിധി തേടിയത്. ഇത്തവണ 78.27 ശതമാനം പോളിംഗ് രേഖപ്പെടുത്തിയതോടെ കനത്ത ജനപങ്കാളിത്തമാണ് ഉണ്ടായത്. കഴിഞ്ഞ തെരഞ്ഞെടുപ്പുകളെ അപേക്ഷിച്ച് കൂടുതൽ ആവേശകരമായ പോളിംഗാണ് സംസ്ഥാനത്ത് ദൃശ്യമായത്.

തിരഞ്ഞെടുപ്പിന് മുന്നോടിയായി ശക്തമായ പ്രചാരണ പോരാട്ടമാണ് കേരളം കണ്ടത്. ഭരണതുടർച്ച ലക്ഷ്യമിട്ട് എൽഡിഎഫ് വികസന നേട്ടങ്ങൾ ഉയർത്തിക്കാട്ടിയപ്പോൾ, ഭരണവിരുദ്ധ വികാരം ജനങ്ങളിൽ ശക്തമാണെന്നും മാറ്റത്തിനായുള്ള വിധിയുണ്ടാകുമെന്നും യുഡിഎഫ് പ്രചാരണത്തിൽ ആവർത്തിച്ചു. എൻഡിഎയും പല മണ്ഡലങ്ങളിലും ശക്തമായ സാന്നിധ്യം പ്രകടിപ്പിക്കാൻ ശ്രമിച്ചു.

ഫലപ്രഖ്യാപനത്തിനൊപ്പം പ്രമുഖ രാഷ്ട്രീയ നിരീക്ഷകരുടെയും മാധ്യമ വിശകലകരുടെയും വിദഗ്ധ വിശകലനങ്ങളും പ്രതികരണങ്ങളും സംപ്രേഷണം ചെയ്യും. ഏത് മുന്നണി സർക്കാർ രൂപീകരിക്കും, ആരാകും നിർണായക വിജയികൾ, എവിടെയാകും അപ്രതീക്ഷിത ട്വിസ്റ്റുകൾ—എല്ലാം അറിയാൻ പ്രേക്ഷകർ കാത്തിരിപ്പിലാണ്.

എക്സിറ്റ് പോൾ ഫലങ്ങളിൽ ഭൂരിഭാഗവും യുഡിഎഫിന് നേരിയ മുൻതൂക്കം പ്രവചിക്കുന്നുണ്ട്. ചില സർവേകൾ യുഡിഎഫ് വ്യക്തമായ ഭൂരിപക്ഷത്തോടെ അധികാരത്തിലെത്തുമെന്ന് വിലയിരുത്തുമ്പോൾ, മറ്റു ചിലത് കടുത്ത പോരാട്ടമാണ് സൂചിപ്പിക്കുന്നത്. എന്നാൽ എക്സിറ്റ് പോളുകൾ പലപ്പോഴും യഥാർത്ഥ ഫലങ്ങളിൽ നിന്ന് വ്യത്യസ്തമായ അനുഭവങ്ങൾ കേരളം നേരത്തെ കണ്ടിട്ടുള്ളതിനാൽ അന്തിമ ഫലത്തിനായുള്ള കാത്തിരിപ്പ് തുടരുകയാണ്.

കേരളത്തോടൊപ്പം അസം, പശ്ചിമ ബംഗാൾ, തമിഴ്നാട്, പുതുച്ചേരി എന്നിവിടങ്ങളിലും തെരഞ്ഞെടുപ്പ് നടന്നു. അസമിലും തമിഴ്നാട്ടിലും ഭരണകക്ഷികൾക്ക് തുടർഭരണം ലഭിക്കുമെന്നാണ് എക്സിറ്റ് പോളുകൾ പ്രവചിക്കുന്നത്. അതേസമയം പശ്ചിമ ബംഗാളിൽ ബിജെപി അധികാരത്തിലെത്തുമെന്ന വിലയിരുത്തലുകളും പുറത്തുവന്നിട്ടുണ്ട്.

കേരളത്തിൽ ആര് അധികാരത്തിലെത്തും, ആരാകും മുഖ്യമന്ത്രിയെന്ന ചോദ്യങ്ങൾക്ക് ഇനി മണിക്കൂറുകൾക്കുള്ളിൽ ഉത്തരമറിയാം. രാഷ്ട്രീയ കേരളം ഉറ്റുനോക്കുന്ന ജനവിധി സംസ്ഥാനത്തിന്റെ അടുത്ത അഞ്ച് വർഷത്തെ ഭരണദിശ നിർണയിക്കും.

LIVE BLOG

വോട്ടെണ്ണലിന് എല്ലാം സജ്ജം: മുഖ്യ തിരഞ്ഞെടുപ്പ് ഓഫിസർ

ഓരോ റൗണ്ട് പൂർത്തിയാകുമ്പോഴും ഫലം തെരഞ്ഞെടുപ്പ് കമ്മീഷൻ വെബ്സൈറ്റിൽ ലഭ്യമാക്കുമെന്ന് മുഖ്യ തിരഞ്ഞെടുപ്പ് ഓഫിസർ രത്തൻ യു ഖേൽക്കർ. പോലീസ്, കേന്ദ്ര സേന ഉൾപ്പെടെ 32,000 ഓളം സുരക്ഷാ ഉദ്യോഗസ്ഥർ നാളെ വോട്ടെണ്ണൽ കേന്ദ്രങ്ങൾക്ക് പോലീസ് സുരക്ഷ ഒരുക്കും. 20,028 ആണ് മെയ് ഒന്ന് വരെയുള്ള സർവീസ് വോട്ടുകളുടെ എണ്ണം. ആകെ വോട്ടിംഗ് ശതമാനം 79.70 ആണെന്നും രത്തൻ യു ഖേൽക്കർ പറഞ്ഞു

തൊണ്ണൂറിലധികം സീറ്റ് നേടി UDF അധികാരത്തിലെത്തും’: മാത്യു കുഴൽനാടൻ

തൊണ്ണൂറിലധികം സീറ്റ് നേടി യുഡിഎഫ് അധികാരത്തിലെത്തുമെന്ന് മാത്യു കുഴൽനാടൻ ട്വന്റിഫോറിനോട്. ഇടത് മനസ്സുള്ളവർ പോലും കോൺഗ്രസിനാണ് വോട്ടു ചെയ്തത്. ഭരണ വിരുദ്ധ വികാരം ശക്തമായി പ്രതിഫലിച്ചുവെന്നും മാത്യുകുഴൽനാടൻ പറഞ്ഞു.

ഭരണ തുടർച്ച ഉണ്ടാകും: എക്സിറ്റ് പോളുകൾ നിരീക്ഷണം മാത്രം’:ഇ പി ജയരാജൻ

ഭരണ തുടർച്ച ഉണ്ടാകുമെന്നാണ് പ്രതീക്ഷയെന്ന് സിപിഐഎം നേതാവ് ഇ പി ജയരാജൻ. ആ നിഗമനങ്ങൾ ശരിയാണ് എന്ന് പറയാൻ സാധിക്കില്ല. കോൺഗ്രസിന്റെ കൈവശം ഭരണം വന്നാൽ എന്തായിരിക്കും കേരളത്തിന്റെ സ്ഥിതി. എൽഡിഎഫ് വീണ്ടും അധികാരത്തിലെത്തും. എത്ര സീറ്റ് ലഭിക്കുമെന്ന് ഒരു കണക്ക് പറയാൻ സാധിക്കില്ല. പക്ഷേ ഭൂരിപക്ഷത്തിലേക്ക് വരാനുള്ള പൊതു സാഹചര്യമുണ്ട്. പശ്ചിമബംഗാൾ തെരഞ്ഞെടുപ്പിൽ തൃണമൂൽ കോൺഗ്രസ് അധികാരത്തിൽ എത്തില്ല എന്നായിരുന്നു എക്സിറ്റ് പോളുകൾ, പക്ഷേ മറിച്ചാണ് സംഭവിച്ചത്. പശ്ചിമ ബംഗാളിൽ സിപിഐഎം വലിയ പ്രതീക്ഷ വച്ച് പുലർത്തുന്നില്ല. ബംഗാളിൽ മമത ബാനർജി തന്നെ വരുമെന്നും ഇപി ജയരാജൻ പറഞ്ഞു.

നാളെ കോൺഗ്രസ് അധികാരത്തിലേക്ക് കടന്നു വരുന്ന സുദിനം; മുഖ്യമന്ത്രി ചർച്ചയിൽ ആർക്കും ആശങ്ക വേണ്ട’; അടൂർ പ്രകാശ്

നാളെ കോൺഗ്രസ് അധികാരത്തിലേക്ക് കടന്നു വരുന്ന സുദിനമാണെന്ന് യുഡിഎഫ് കൺവീനർ അടൂർ പ്രകാശ്. കോൺഗ്രസിലെ മുഖ്യമന്ത്രി ചർച്ചയിൽ ആർക്കും ആശങ്ക വേണ്ടെന്ന് അദേഹം പറഞ്ഞു. മാർക്സിസ്റ്റ് പാർട്ടിയുടെ ഘടനയല്ല കോൺഗ്രസിന്. ആരെ വേണമെങ്കിലും സിപിഐഎമ്മിന് മുഖ്യമന്ത്രിയാക്കാം. കോൺഗ്രസ് പാർട്ടിയിൽ എഐസിസിസി തീരുമാനിക്കുമെന്ന് അടൂർ പ്രകാശ് പറഞ്ഞു.

തിരഞ്ഞെടുപ്പ് ഫലം വരുംമുൻപേ സർക്കാർ രൂപീകരണ ചർച്ചകളിലേക്ക് കോൺഗ്രസ് ഹൈക്കമാൻഡ്

തിരഞ്ഞെടുപ്പ് ഫലം വരുംമുൻപേ സർക്കാർ രൂപീകരണ ചർച്ചകളിലേക്ക് കോൺഗ്രസ് ഹൈക്കമാൻഡ്.  മുഖ്യമന്ത്രി വിഷയത്തിൽ ഘടക കക്ഷികളുടെ അഭിപ്രായം തേടി. എംഎല്‍എമാരുടെ അഭിപ്രായങ്ങള്‍ കൂടി തേടും. കോണ്‍ഗ്രസ് ഹൈക്കമാന്റാണ് അന്തിമ തീരുമാനം എടുക്കുകയെന്നും ദീപാദാസ് മുന്‍ഷി പറഞ്ഞു. വലിയ ആത്മവിശ്വാസമുണ്ടെന്നും വന്‍ മാര്‍ജിനില്‍ വിജയിക്കുമെന്നും ദീപാദാസ് മുന്‍ഷി പറഞ്ഞു.

‘ഭരണം ഇല്ലേലും ഞങ്ങള് പോ പുല്ലെന്ന് പറഞ്ഞ് നിൽക്കുന്നവരാ.. മുണ്ടും മടക്കി കുത്തി നിൽക്കും’; എം എം മണി

കേരളത്തിൽ എൽഡിഎഫിന് തുടർ ഭരണം ഉറപ്പെന്ന് എം എം മണി എംഎൽഎ. ഇടുക്കിയിലെ 5 മണ്ഡലങ്ങളും യുഡിഎഫ് ജയിക്കാനുള്ള സാധ്യത ഇല്ല. കാരണം തൊടുപ്പുഴ ഒഴികെയുള്ള നാല് മണ്ഡലങ്ങളിലും എൽഡിഎഫ് ഉറപ്പായും വിജയിക്കും. ഉടുമ്പൻചോലയിൽ കെ കെ ജയചന്ദ്രനെ പരിചയപ്പെടുത്തേണ്ട ആവശ്യം ഇല്ല. അദ്ദേഹം എംഎൽഎ ആയിരുന്ന സമയത്ത് മണ്ഡലത്തിൽ ധാരാളം വികസന പ്രവർത്തനങ്ങൾ ചെയ്തിട്ടുണ്ട്. അതിന്ശേഷമാണ് 10 വർഷം കൊണ്ട് ആ മണ്ഡലത്തിന്റെ മുഖച്ഛായ മാറ്റുന്ന പ്രവർത്തനങ്ങൾ താൻ നടത്തിയിരിക്കുന്നത് എം എം മണി പറഞ്ഞു.

LDF തുടരും, ഭരണ വിരുദ്ധ വികാരം ഇല്ല’: എകെ ശശീന്ദ്രൻ

LDF തുടരുമെന്ന് ഉറപ്പാണെന്ന് എലത്തൂരിലെ എൽഡിഎഫ് സ്ഥാനാർഥി എകെ ശശീന്ദ്രൻ ട്വന്റിഫോറിനോട്. 10 വർഷം പൂർത്തിയാകുമ്പോൾ ഭരണ വിരുദ്ധ വികാരം ഇല്ല. നല്ല ഭൂരിപക്ഷത്തിൽ താൻ വിജയിക്കുമെന്നും എകെ ശശീന്ദ്രൻ പറഞ്ഞു.

മുഖ്യമന്ത്രി ഫേസ്ബുക്ക് ബയോ മാറ്റിയത് ഇന്നല്ല’; മാർച്ച്‌ 16 ന് തിരഞ്ഞെടുപ്പ് പ്രഖ്യാപിച്ചപ്പോൾ

മുഖ്യമന്ത്രി പിണറായി വിജയൻ ഫേസ്ബുക്ക് ബയോ മാറ്റിയത് ഇന്നല്ല മാർച്ച്‌ 16 ന് നിയമസഭ തിരഞ്ഞെടുപ്പ് പ്രഖ്യാപിച്ചപ്പോൾ. ബയോയിൽ മുഖ്യമന്ത്രി എന്നത് മാറ്റി പോളിറ്റ്ബ്യൂറോ എന്നാണ് ആക്കിയത്. ‘പോളിറ്റ് ബ്യൂറോ മെമ്പർ, കമ്യൂണിസ്റ്റ് പാർട്ടി ഓഫ് ഇന്ത്യ (മാർക്‌സിസ്റ്റ്)’ എന്നാണ് പുതിയ ബയോ. പിണറായി വിജയൻ മുഖ്യമന്ത്രി എന്ന സ്ഥാനം ഫേസ്ബുക്കിൽ നിന്ന് ഇന്ന് മാറ്റി എന്ന വാർത്ത സാമൂഹ്യമാധ്യമങ്ങളിലടക്കം പ്രചരിച്ചിരുന്നു.

<p>The post നിയമസഭാ തെരഞ്ഞെടുപ്പ്-2026: ആകാംക്ഷയുടെ അവസാന മണിക്കൂറുകൾ; കേരളം ആര് തൂക്കും, ജനവിധി എന്ത്? first appeared on guruvayoorOnline.com | Guruvayur Temple.</p>

കേരള നിയമസഭാ തിരഞ്ഞെടുപ്പിൽ ഭരണതുടർച്ച ഉണ്ടാകില്ലെന്ന സൂചന നൽകി വിവിധ എക്സിറ്റ് പോൾ ഫലങ്ങൾ പുറത്തുവന്നു. യുഡിഎഫ് വീണ്ടും അധികാരത്തിലെത്തുമെന്ന് പ്രവചിച്ച് വന്ന കണക്കുകൾ സംസ്ഥാന രാഷ്ട്രീയത്തിൽ വലിയ ചർച്ചകൾക്ക് വഴിയൊരുക്കിയിരിക്കുകയാണ്. വിവിധ ദേശീയ-സ്വകാര്യ ഏജൻസികൾ പുറത്തുവിട്ട എക്സിറ്റ് പോൾ ഫലങ്ങൾ യുഡിഎഫിന് വ്യക്തമായ മുൻതൂക്കം നൽകുന്നു.

AXIS MY INDIA പുറത്തുവിട്ട കണക്കുകൾ പ്രകാരം യുഡിഎഫ് 78 മുതൽ 90 വരെ സീറ്റുകൾ നേടി ഭരണം പിടിക്കുമെന്നാണ് പ്രവചനം. എൽഡിഎഫിന് 49 മുതൽ 62 വരെ സീറ്റുകൾ ലഭിക്കുമെന്നും എൻഡിഎയ്ക്ക് 0 മുതൽ 3 വരെ സീറ്റുകൾ നേടാനാകുമെന്നും റിപ്പോർട്ടിൽ പറയുന്നു.

അതേസമയം പി മാർക്ക് എക്സിറ്റ് പോൾ ഫലവും സമാനമായ ചിത്രം തന്നെയാണ് നൽകുന്നത്. യുഡിഎഫ് 71 മുതൽ 79 വരെ സീറ്റുകൾ നേടി ഭരണം പിടിക്കുമെന്നാണ് പ്രവചനം. എൽഡിഎഫിന് 62 മുതൽ 69 വരെ സീറ്റുകളും എൻഡിഎയ്ക്ക് 1 മുതൽ 4 വരെ സീറ്റുകളും ലഭിക്കാമെന്നാണ് കണക്കുകൾ.

ഐസിപിഎൽ പുറത്തുവിട്ട എക്സിറ്റ് പോൾ ഫലവും യുഡിഎഫിന് അനുകൂലമാണ്. യുഡിഎഫ് 63 മുതൽ 74 വരെ സീറ്റുകൾ നേടുമെന്നും എൽഡിഎഫ് 58 മുതൽ 70 വരെ സീറ്റുകൾ സ്വന്തമാക്കുമെന്നും റിപ്പോർട്ട് വ്യക്തമാക്കുന്നു. എൻഡിഎയ്ക്ക് 2 മുതൽ 5 വരെ സീറ്റുകൾ നേടാനാകുമെന്ന പ്രവചനവുമുണ്ട്.

ടൈംസ് ഓഫ് ഇന്ത്യയും CNN-News18ഉം പുറത്തുവിട്ട എക്സിറ്റ് പോൾ ഫലങ്ങളും യുഡിഎഫ് വിജയസാധ്യത ശക്തമാണെന്ന് ചൂണ്ടിക്കാട്ടുന്നു. വോട്ടെടുപ്പിന് മുൻപായി പുറത്തുവന്ന അഭിപ്രായ സർവേകൾ കലർന്ന സൂചനകളായിരുന്നു നൽകിയത്. ഒരു മുന്നണിക്കും വ്യക്തമായ ഭൂരിപക്ഷസാധ്യത നൽകാതിരുന്ന സാഹചര്യത്തിൽ എക്സിറ്റ് പോൾ ഫലങ്ങൾ രാഷ്ട്രീയ ആവേശം കൂടുതൽ ശക്തമാക്കിയിരിക്കുകയാണ്.

കേരളത്തോടൊപ്പം പശ്ചിമ ബംഗാൾ, അസം, തമിഴ്നാട്, പുതുച്ചേരി എന്നിവിടങ്ങളിലെയും തിരഞ്ഞെടുപ്പ് ഫലങ്ങൾ പുറത്തുവന്നിട്ടുണ്ട്. അഞ്ച് സംസ്ഥാനങ്ങളിലെയും തിരഞ്ഞെടുപ്പ് ഫലം അറിയാൻ ഇനി അഞ്ച് ദിവസം മാത്രം ബാക്കി നിൽക്കുന്നതിനാൽ രാഷ്ട്രീയ പാർട്ടികളും പ്രവർത്തകരും വലിയ പ്രതീക്ഷയോടെയാണ് കാത്തിരിക്കുന്നത്.

അന്തിമഫലം എക്സിറ്റ് പോൾ കണക്കുകളെ ശരിവെക്കുമോ എന്ന ആകാംക്ഷയിലാണ് കേരള രാഷ്ട്രീയ ലോകം.

<p>The post ഭരണമാറ്റത്തിലേക്ക് കേരളം?; യുഡിഎഫിന് വ്യക്തമായ ലീഡ് പ്രവചിച്ച് എക്സിറ്റ് പോൾ first appeared on guruvayoorOnline.com | Guruvayur Temple.</p>

കേരള നിയമസഭാ തെരഞ്ഞെടുപ്പിനെ മുന്നിൽകണ്ട് ഭാരതീയ ജനതാ പാർട്ടി സംസ്ഥാനത്തിനായുള്ള വിപുലമായ പ്രകടനപത്രിക പുറത്തിറക്കി. ‘ഇതാണ് മാറ്റം, ഇതാണ് വികസിത കേരളം’ എന്ന തലവാചകത്തോടെയാണ് ജനക്ഷേമവും അടിസ്ഥാനസൗകര്യ വികസനവും മുൻനിർത്തിയുള്ള പ്രഖ്യാപനങ്ങൾ അവതരിപ്പിച്ചത്. ചടങ്ങിൽ സംസാരിച്ച നിതിൻ നബിൻ കേരളത്തിൽ എൻഡിഎ അധികാരത്തിലെത്തുമെന്നും ബിജെപി സ്വന്തം സർക്കാർ രൂപീകരിക്കുമെന്നും ആത്മവിശ്വാസം പ്രകടിപ്പിച്ചു.

പ്രകടനപത്രികയിൽ സംസ്ഥാനത്തെ ഏറെകാലമായി ചര്‍ച്ചയാകുന്ന All India Institute of Medical Sciences (എയിംസ്) കേരളത്തിൽ യാഥാർഥ്യമാക്കുമെന്ന പ്രഖ്യാപനമാണ് പ്രധാന ശ്രദ്ധാകേന്ദ്രമായത്. കൂടാതെ തിരുവനന്തപുരം, കോഴിക്കോട് നഗരങ്ങളിൽ മെട്രോ റെയിൽ പദ്ധതി നടപ്പാക്കുമെന്നും, കണ്ണൂർ വരെ നീളുന്ന തിരുവനന്തപുരം-കണ്ണൂർ അതിവേഗ റെയിൽ പാത യാഥാർഥ്യമാക്കുമെന്നും രേഖപ്പെടുത്തി.

സാമൂഹ്യക്ഷേമ മേഖലയിൽ ക്ഷേമപെൻഷൻ ₹3000 ആയി ഉയർത്തുക, നിർധന കുടുംബങ്ങൾക്ക് വർഷത്തിൽ രണ്ട് സൗജന്യ എൽപിജി സിലിണ്ടർ, ഓരോ വീട്ടിലും പ്രതിമാസം 20,000 ലിറ്റർ സൗജന്യ കുടിവെള്ളം എന്നിവയാണ് പ്രധാന വാഗ്ദാനങ്ങൾ. Liquefied petroleum gas ഉപയോഗിക്കുന്ന കുടുംബങ്ങളെ സഹായിക്കുന്ന ഈ പദ്ധതി സാധാരണ ജനങ്ങളുടെ ജീവിതച്ചെലവ് കുറയ്ക്കാനാണെന്ന് പാർട്ടി വിശദീകരിച്ചു.

ആരാധനാലയങ്ങളും വിശ്വാസപരമായ വിഷയങ്ങളും ഉൾപ്പെടുത്തി ദേവസ്വം ബോർഡുകൾ പുനഃസംഘടിപ്പിക്കുക, ശബരിമല ക്ഷേത്രം സംബന്ധിച്ച സ്വർണക്കവർച്ച ആരോപണത്തിൽ സിബിഐ അന്വേഷണം ആവശ്യപ്പെടുക എന്നിവയും പ്രകടനപത്രികയിൽ ഇടം നേടി. ഭരണം ലഭിച്ചാൽ ബന്ധപ്പെട്ടവരെ നിയമത്തിന് മുന്നിൽ കൊണ്ടുവരുമെന്നും ബിജെപി നേതൃത്വം വ്യക്തമാക്കി.

രാഷ്ട്രീയ വിമർശനങ്ങൾ ശക്തമാക്കി സംസാരിച്ച നേതാക്കൾ ndian National Congress നയിക്കുന്ന യുഡിഎഫും Communist Party of India (Marxist) നയിക്കുന്ന എൽഡിഎഫും കേരളത്തിൽ ‘മാച്ച് ഫിക്സിംഗ് രാഷ്ട്രീയം’ നടത്തുകയാണെന്ന് ആരോപിച്ചു. ഇരുവരും ഒരു നാണയത്തിന്റെ ഇരുവശങ്ങളാണെന്നും, ഭരണത്തിൽ വികസനം സാധ്യമായിട്ടില്ലെന്നും ബിജെപി വിമർശിച്ചു.

കേരളത്തിന്റെ സമ്പദ്‌വ്യവസ്ഥ പിന്നോട്ടുപോയതിന്റെ ഉത്തരവാദിത്വം ഇരുമുന്നണികൾക്കാണെന്നും, ജനങ്ങൾ ഇപ്പോൾ ‘വികസിത കേരളം, സുരക്ഷിത കേരളം’ ആഗ്രഹിക്കുന്നുവെന്നും നേതാക്കൾ പറഞ്ഞു. യുവജനങ്ങൾക്കും മധ്യവർഗ്ഗത്തിനും പ്രതീക്ഷ നൽകുന്ന പദ്ധതികളാണ് പ്രകടനപത്രികയിലുള്ളതെന്നും ബിജെപി അവകാശപ്പെട്ടു.

തമിഴ്നാട്ടിലെ രാഷ്ട്രീയ സാഹചര്യങ്ങൾ ചൂണ്ടിക്കാട്ടി രാഹുൽ ഗാന്ധിക്കെതിരെയും വിമർശനം ഉയർത്തി. ദ്രാവിഡ മുന്നേറ്റ കഴകം പോലുള്ള പാർട്ടികളുമായുള്ള സഖ്യത്തെ ചൂണ്ടിക്കാട്ടി ദേശീയ രാഷ്ട്രീയത്തിൽ പ്രീണനരാഷ്ട്രീയം ശക്തമാകുന്നുവെന്ന ആരോപണവും ഉന്നയിച്ചു.

ആകെപ്പറഞ്ഞാൽ, ക്ഷേമപദ്ധതികളും അടിസ്ഥാനസൗകര്യ വികസനവും രാഷ്ട്രീയ മാറ്റവും ഒരുമിപ്പിച്ചാണ് ബിജെപി ഈ തെരഞ്ഞെടുപ്പിൽ വോട്ടർമാരെ അഭിമുഖീകരിക്കുന്നത്.

<p>The post ക്ഷേമപെൻഷൻ ₹3000, എയിംസ്, അതിവേഗ റെയിൽ; വമ്പൻ വാഗ്ദാനങ്ങളുമായി ബിജെപി പ്രകടനപത്രിക പുറത്തിറക്കി first appeared on guruvayoorOnline.com | Guruvayur Temple.</p>

ഗുരുവായൂർ: നിയമസഭാ തിരഞ്ഞെടുപ്പ് പ്രചാരണത്തിന്റെ ഭാഗമായി ഗുരുവായൂർ നിയോജക മണ്ഡലത്തിലെ യു ഡി എഫ് സ്ഥാനാർത്ഥി സി എച്ച് റഷീദ് ഗുരുവായൂർ നഗര മേഖലയിലുടനീളം വ്യാപകമായ പര്യടനം നടത്തി. നഗരത്തിലെ വിവിധ ഭാഗങ്ങളിലായി നടന്ന സ്വീകരണ പരിപാടികൾ രാഷ്ട്രീയ ആവേശം ഉയർത്തിയതോടൊപ്പം തിരഞ്ഞെടുപ്പ് ചർച്ചകൾക്കും പുതുചൈതന്യം പകർന്നു. രാവിലെ നാരങ്ങത്ത് പറമ്പിൽ നിന്നാരംഭിച്ച പര്യടനം വൈകുന്നേരം വരെ വിവിധ കേന്ദ്രങ്ങളിലൂടെ മുന്നേറി. ജനങ്ങളോട് നേരിട്ട് ആശയവിനിമയം നടത്തി അവരുടെ ആവശ്യങ്ങളും അഭിപ്രായങ്ങളും കേട്ടറിഞ്ഞാണ് സ്ഥാനാർത്ഥി മുന്നേറിയത്.

പര്യടനത്തിന്റെ ഉദ്ഘാടനം പ്രശസ്ത സംഗീതഗായകൻ ഞെരളത്ത് സോപാന ഹരി ഗോവിന്ദൻ നിർവഹിച്ചു. ചടങ്ങിൽ മണ്ഡലം തിരഞ്ഞെടുപ്പ് കമ്മിറ്റി ചെയർമാൻ സി എസ് സൂരജ് അധ്യക്ഷത വഹിച്ചു. ഉദ്ഘാടനയോഗത്തിൽ സംസാരിച്ച സി എച്ച് റഷീദ്, ഗുരുവായൂരിന്റെ നഗരവികസനം കൂടുതൽ വേഗത്തിലാക്കേണ്ടതുണ്ടെന്നും കുടിവെള്ളം, ഗതാഗത സൗകര്യം, ശുചിത്വം, വ്യാപാരമേഖലയുടെ പുരോഗതി, ചെറുകിട തൊഴിലാളികളുടെ പ്രശ്നപരിഹാരം എന്നിവ അടിയന്തര പരിഗണനയോടെ കൈകാര്യം ചെയ്യുമെന്നും വ്യക്തമാക്കി. ജനങ്ങളുടെ ഇടയിൽ സാന്നിധ്യമുള്ള ജനപ്രതിനിധിയാകുക എന്നതാണ് തന്റെ രാഷ്ട്രീയ ലക്ഷ്യമെന്നും അദ്ദേഹം പറഞ്ഞു.

യോഗത്തിൽ യു ഡി എഫ് നേതാക്കളായ സി എ ഗോപപ്രതാപൻ, സി എ മുഹമ്മദ് റഷീദ്, അഡ്വ. ടി എസ് അജിത്, അരവിന്ദൻ പല്ലത്ത്, ആർ വി അബ്ദുൾ റഹീം, ഷാനവാസ് തിരുവത്ര, ആർ രവികുമാർ, ഒ കെ ആർ മണികണ്ഠൻ, കെ പി ഉദയൻ, കെ പി എ റഷീദ്, ആർ വി ജലീൽ, നിഖിൽ ജി കൃഷ്ണൻ, വി കെ സുജിത്, ബാലൻ വാറനാട്ട്, ടി എൻ മുരളി, മോഹൻദാസ് ചേലനാട്, പ്രിയ രാജേന്ദ്രൻ, നൗഷാദ് അഹമ്മദ്, കെ കെ രൺജിത്ത്, എസ് കെ സന്തോഷ്, എ വി ഉണ്ണികൃഷ്ണൻ, രേണുക ശങ്കർ, പ്രതീഷ് ഓടാട്ട് എന്നിവർ പ്രസംഗിച്ചു. സംസ്ഥാന രാഷ്ട്രീയ സാഹചര്യവും മണ്ഡലത്തിലെ തിരഞ്ഞെടുപ്പ് പ്രാധാന്യവും നേതാക്കൾ വിശദീകരിച്ചു.

തുടർന്ന് പര്യടനം മമ്മിയൂർ ശിവദം ജംഗ്ഷൻ, ഖാദിഭവൻ ജംഗ്ഷൻ, തിരുവെങ്കിടം, നിസരി നഗർ, നെന്മിനി, കാരക്കാട്, മോസ്കോ നഗർ, എരങ്ങത്തയിൽ പറമ്പ് തുടങ്ങിയ പ്രധാന കേന്ദ്രങ്ങളിലൂടെ മുന്നേറി. ഓരോ കേന്ദ്രങ്ങളിലും നാട്ടുകാർ, വ്യാപാരികൾ, കുടുംബങ്ങൾ, വനിതകൾ, യുവജനങ്ങൾ തുടങ്ങി വിവിധ വിഭാഗങ്ങളിലുള്ളവർ പങ്കെടുത്തു. സ്ഥാനാർത്ഥിയെ സ്വീകരിക്കാൻ പ്രവർത്തകർ വിവിധ കേന്ദ്രങ്ങളിൽ പ്രത്യേക ഒരുക്കങ്ങൾ നടത്തി.

സ്വീകരണ പരിപാടികൾക്ക് ബിന്ദു നാരായണൻ, ഷൈലജ ദേവൻ, ചന്ദ്ര രാമകൃഷ്ണൻ, ശശി വാറനാട്ട്, സ്റ്റീഫൻ ജോസ്, വിജയകുമാർ അകമ്പടി, ഗോപി മനയത്ത്, സി ശിവശങ്കരൻ, എം വി ബിജു, റഷീദ് കുന്നിക്കൽ, പി എം അബ്ദുൾ വഹാബ്, നൗഷാദ് നെടുംപറമ്പത്ത്, വി എസ് നവനീത്, ഹരി എം വാരിയർ, സുഷ ബാബു എന്നിവർ നേതൃത്വം നൽകി. പ്രാദേശിക തലത്തിൽ വലിയ സംഘാടന മികവോടെയാണ് ഓരോ സ്വീകരണവും നടന്നത്.

നഗരമേഖലയിലെ വ്യാപാര സ്ഥാപനങ്ങൾ, ചെറുകിട വ്യാപാരികൾ, തൊഴിലാളികൾ, കുടുംബങ്ങൾ എന്നിവരുമായി നേരിട്ടുള്ള സംവാദം നടത്തിയ സി എച്ച് റഷീദ്, ജനങ്ങളുടെ പ്രശ്നങ്ങൾ കേട്ടറിഞ്ഞു. ജനങ്ങളുടെ പ്രതീക്ഷകൾ മനസ്സിലാക്കി പ്രവർത്തിക്കുന്ന രാഷ്ട്രീയമാണ് യു ഡി എഫ് മുന്നോട്ടുവയ്ക്കുന്നതെന്ന് നേതാക്കൾ പറഞ്ഞു.

ഈ പര്യടനം തിരഞ്ഞെടുപ്പ് പ്രചാരണത്തിന്റെ ഭാഗമായിട്ടുള്ള സാധാരണ പരിപാടിയേക്കാൾ നഗരഹൃദയത്തിൽ രാഷ്ട്രീയ ചൂട് ഉയർത്തിയ ശക്തമായ ജനസമ്പർക്ക പ്രവർത്തനമായി വിലയിരുത്തപ്പെടുന്നു.

<p>The post നഗരഹൃദയത്തിൽ ആവേശം പടർത്തി സി എച്ച് റഷീദിന്റെ പര്യടനം; ഗുരുവായൂരിൽ യു ഡി എഫിന് ഉണർവ് first appeared on guruvayoorOnline.com | Guruvayur Temple.</p>

തിരുവനന്തപുരം: നിയമസഭ തെരഞ്ഞെടുപ്പിനെ മുന്നിൽകണ്ട് യുഡിഎഫ് പ്രഖ്യാപിച്ച പ്രധാന ജനക്ഷേമ വാഗ്ദാനങ്ങൾ നേരിട്ട് ജനങ്ങളിലെത്തിക്കുന്നതിനായി ‘ഇന്ദിര ഗ്യാരണ്ടി കാർഡ്’ വിതരണത്തിന് സംസ്ഥാനതലത്തിൽ ഔദ്യോഗിക തുടക്കമായി. എഐസിസി ജനറൽ സെക്രട്ടറി കെ. സി. വേണുഗോപാലും മുതിർന്ന കോൺഗ്രസ് നേതാവ് രമേശ് ചെന്നിത്തലയും ചേർന്നാണ് പ്രചാരണ പരിപാടികൾക്ക് നേതൃത്വം നൽകിയത്. വീടുതോറും എത്തി കുടുംബങ്ങളുമായി സംവദിച്ച നേതാക്കൾ, യുഡിഎഫ് അധികാരത്തിലെത്തിയാൽ ആദ്യ മന്ത്രിസഭാ യോഗത്തിൽ തന്നെ കാർഡിൽ ഉൾപ്പെടുത്തിയ പ്രധാന പ്രഖ്യാപനങ്ങൾ നടപ്പാക്കുമെന്ന് ഉറപ്പുനൽകി.

സംസ്ഥാനമൊട്ടാകെ ഒരേ രീതിയിൽ സംഘടിപ്പിക്കുന്ന ഈ ജനസമ്പർക്ക പ്രചാരണത്തിന് തുടക്കമായി എറണാകുളം ജില്ലയിലെ ആലുവ മണ്ഡലത്തിലും ശ്രദ്ധേയമായ പരിപാടികൾ നടന്നു. അൻവർ സാദത്ത്അടക്കമുള്ള പ്രാദേശിക നേതാക്കളുടെയും പ്രവർത്തകരുടെയും സാന്നിധ്യത്തിൽ കാഞ്ഞൂർ എസ്.എൻ.ഡി.പി ജംഗ്ഷൻ പരിസരത്തെ വീടുകൾ സന്ദർശിച്ച കെ.സി. വേണുഗോപാൽ, കുടുംബാംഗങ്ങൾക്ക് ഗ്യാരണ്ടി കാർഡ് നേരിട്ട് കൈമാറി പദ്ധതികളുടെ ഗുണഫലങ്ങൾ വിശദീകരിച്ചു.

യുഡിഎഫ് മുന്നോട്ടുവയ്ക്കുന്ന ഈ കാർഡ് ഒരു സാധാരണ പ്രചാരണപത്രികയല്ലെന്നും, അധികാരത്തിലെത്തിയാൽ നിർബന്ധമായും നടപ്പാക്കേണ്ട ഭരണപരമായ പ്രതിബദ്ധതകളുടെ രേഖയാണെന്നും നേതാക്കൾ വ്യക്തമാക്കി. കുടുംബങ്ങളുടെ സാമ്പത്തിക സുരക്ഷ, സ്ത്രീശാക്തീകരണം, ആരോഗ്യ പരിരക്ഷ, വിദ്യാർത്ഥി സഹായം എന്നിവയെ കേന്ദ്രീകരിച്ചാണ് പ്രധാന പ്രഖ്യാപനങ്ങൾ തയ്യാറാക്കിയിരിക്കുന്നത്.

ഗ്യാരണ്ടി കാർഡിലെ പ്രധാന വാഗ്ദാനങ്ങൾ

• ഉമ്മൻചാണ്ടി ആരോഗ്യ പദ്ധതി: ഓരോ കുടുംബത്തിനും 25 ലക്ഷം രൂപ വരെ സൗജന്യ ആരോഗ്യ ഇൻഷുറൻസ് പരിരക്ഷ.
• സ്ത്രീകൾക്ക് സൗജന്യ യാത്ര: Kerala State Road Transport Corporation ബസുകളിൽ സ്ത്രീകൾക്ക് സൗജന്യ യാത്രാസൗകര്യം.
• വിദ്യാർത്ഥിനികൾക്ക് സാമ്പത്തിക സഹായം: കോളേജ് വിദ്യാർത്ഥിനികൾക്ക് പ്രതിമാസം 1,000 രൂപ ധനസഹായം.
• ക്ഷേമപെൻഷൻ വർധന: സാമൂഹിക സുരക്ഷാ പെൻഷൻ 3,000 രൂപയായി ഉയർത്തൽ.

സംസ്ഥാനത്തിന്റെ വിവിധ ജില്ലകളിൽ സമാനമായ രീതിയിൽ നേതാക്കൾ വീടുകൾ സന്ദർശിച്ച് വോട്ടർമാരുമായി നേരിട്ട് ആശയവിനിമയം നടത്തുകയാണ്. മറ്റ് സംസ്ഥാനങ്ങളിൽ കോൺഗ്രസ് ഭരണകൂടങ്ങൾ നടപ്പാക്കിയ ജനക്ഷേമ മാതൃകകളെ അടിസ്ഥാനമാക്കിയാണ് കേരളത്തിനായുള്ള ഈ പദ്ധതികൾ രൂപപ്പെടുത്തിയതെന്നും നേതാക്കൾ വിശദീകരിച്ചു.

സാമ്പത്തിക ബാധ്യത സംബന്ധിച്ച വിമർശനങ്ങൾക്ക് മറുപടിയായി, കൃത്യമായ ധനകാര്യ പഠനങ്ങൾ നടത്തിയ ശേഷമാണ് ഓരോ വാഗ്ദാനവും പ്രഖ്യാപിച്ചതെന്നും, ഇത് വെറും തെരഞ്ഞെടുപ്പ് വാഗ്ദാനമല്ല — കേരളത്തിലെ ജനങ്ങളുടെ ജീവിതനിലവാരം ഉയർത്താനുള്ള കൃത്യമായ ഭരണരേഖയാണെന്നും യുഡിഎഫ് നേതൃത്വം വ്യക്തമാക്കി.

<p>The post ഇന്ദിര ഗ്യാരണ്ടി കാർഡുമായി വീടുകളിലേക്ക് യുഡിഎഫ്; തെരഞ്ഞെടുപ്പ് വാഗ്ദാനങ്ങളുടെ സംസ്ഥാനതല ജനസമ്പർക്ക പ്രചാരണത്തിന് തുടക്കം first appeared on guruvayoorOnline.com | Guruvayur Temple.</p>

കൊച്ചി: ഗുരുവായൂർ നിയോജക മണ്ഡലത്തിലെ ബി. ഗോപാലകൃഷ്ണൻ നടത്തിയതായി ആരോപിക്കപ്പെടുന്ന മതവിദ്വേഷ പരാമർശവുമായി ബന്ധപ്പെട്ട പരാതിയിൽ നടപടികൾ വൈകുന്നതിനെതിരെ കേരള ഹൈക്കോടതി കടുത്ത അതൃപ്തി രേഖപ്പെടുത്തി. പരാതിയിൽ രണ്ട് മാസത്തിനകം വ്യക്തമായ തീരുമാനം എടുക്കണമെന്ന് തിരഞ്ഞെടുപ്പ് കമ്മീഷൻ-നോട് കോടതി നിർദേശിച്ചു. തിരഞ്ഞെടുപ്പ് പ്രചാരണത്തിന്റെ ഭാഗമായി നടത്തിയ പ്രസ്താവന സമൂഹത്തിൽ മതവിഭജനത്തിന് ഇടയാക്കുന്നതാണെന്നും, അതിനാൽ സ്ഥാനാർഥിക്കെതിരെ അയോഗ്യത ഉൾപ്പെടെയുള്ള നടപടികൾ സ്വീകരിക്കണമെന്നും ആവശ്യപ്പെട്ട് കെ.എസ്.യു ജില്ലാ പ്രസിഡന്റ് കെ. ഗോകുൽ ഗുരുവായൂർ സമർപ്പിച്ച ഹർജിയിലാണ് കോടതി നിർണായക ഇടപെടൽ നടത്തിയത്.

ഹർജിയിൽ പറയുന്നതനുസരിച്ച്, തിരഞ്ഞെടുപ്പ് പ്രചാരണ വേളയിൽ നടത്തിയ പ്രസ്താവന ഗുരുതരമായ മതവിദ്വേഷം പരത്തുന്നതാണെന്ന് ആരോപിച്ച് മുമ്പ് തന്നെ തിരഞ്ഞെടുപ്പ് കമ്മിഷനെ സമീപിച്ചിരുന്നുവെങ്കിലും, ആവശ്യമായ വേഗത്തിൽ നടപടി ഉണ്ടായില്ല. ഇതോടെയാണ് ഹൈക്കോടതിയുടെ ഇടപെടൽ തേടിയത്. കേസ് പരിഗണിച്ച ജസ്റ്റിസ് ബെച്ചു കുര്യൻ തോമസ്, ഇത്തരം പ്രസ്താവനകളെതിരെ നിയമപരമായ നടപടി വൈകുന്നതിന്റെ കാരണം ചോദ്യം ചെയ്തു.

ഹർജി പരിഗണിക്കുന്നതിനിടെ, “ഇത്തരം പ്രസ്താവനകളിൽ എന്തു നടപടിയാണ് സ്വീകരിച്ചിരിക്കുന്നത്?” എന്ന് കോടതി നേരിട്ട് കമ്മിഷനോട് ചോദിച്ചു. സമൂഹത്തിൽ സംഘർഷം സൃഷ്ടിക്കാവുന്ന രീതിയിലുള്ള പരാമർശങ്ങൾ ആവർത്തിക്കപ്പെടുമ്പോൾ, നിയമപരമായ ഇടപെടൽ ഉടൻ ഉണ്ടാകേണ്ടതല്ലേയെന്ന് കോടതി നിരീക്ഷിച്ചു. ഇത്തരം പ്രസ്താവനകൾ രാജ്യത്തും സമൂഹത്തിലും ദീർഘകാല പ്രത്യാഘാതങ്ങൾ ഉണ്ടാക്കുമെന്ന് കോടതി ചൂണ്ടിക്കാട്ടി.

കോടതി വാക്കാൽ നടത്തിയ പരാമർശങ്ങളിൽ തിരഞ്ഞെടുപ്പ് പെരുമാറ്റച്ചട്ടത്തിന്റെ പ്രായോഗികതയെ കുറിച്ചും ചോദ്യമുയർന്നു. പെരുമാറ്റച്ചട്ടം നിലവിൽ വന്നതോടെ ഭരണസംവിധാനങ്ങൾ മുഴുവനായി മന്ദഗതിയിലാകുന്നുവോ എന്ന ആശങ്ക കോടതി രേഖപ്പെടുത്തി. കോടതി ഉത്തരവുകൾ പോലും ചില സാഹചര്യങ്ങളിൽ പെരുമാറ്റച്ചട്ടത്തിന്റെ പേരിൽ വൈകുന്നുണ്ടെന്ന പരാമർശവും ഉണ്ടായി. ഭരണസംവിധാനത്തിന്റെ തുടർച്ചിത്വം ഉറപ്പാക്കേണ്ടത് ഭരണഘടനാപരമായ ബാധ്യതയാണെന്നും കോടതി സൂചിപ്പിച്ചു.

ഇതിനുത്തരമായി തിരഞ്ഞെടുപ്പ് കമ്മിഷൻ കോടതിയെ അറിയിച്ചു, ബി. ഗോപാലകൃഷ്ണന്റെ പ്രസ്താവനയെ സംബന്ധിച്ച് നിരവധി പരാതികൾ ലഭിച്ചിട്ടുണ്ടെന്നും, അവ പരിശോധിച്ച് ആവശ്യമായ നടപടികൾ പുരോഗമിക്കുകയാണെന്നും. പ്രസ്താവന ഉൾപ്പെട്ട വിഡിയോ സാമൂഹ്യമാധ്യമങ്ങളിൽ നിന്ന് നീക്കം ചെയ്തതായും, ബന്ധപ്പെട്ട വകുപ്പുകൾ പ്രകാരം കേസെടുത്തതായും കമ്മിഷൻ അറിയിച്ചു. കൂടാതെ തിരഞ്ഞെടുപ്പ് പെരുമാറ്റച്ചട്ടം ഭരണനിശ്ചലാവസ്ഥ സൃഷ്ടിക്കുന്നില്ലെന്നും, കൃത്യമായ മാർഗനിർദേശങ്ങൾ പ്രകാരമാണ് എല്ലാ ഭരണനടപടികളും നടക്കുന്നതെന്നും വ്യക്തമാക്കി.

തിരഞ്ഞെടുപ്പ് നടപടികൾ പുരോഗമിക്കുന്നതിനാൽ വിഷയത്തിൽ കൂടുതൽ നിരീക്ഷണം നടത്തുന്നതിൽ കോടതി സൂക്ഷ്മത പാലിച്ചെങ്കിലും, പരാതി അനിശ്ചിതമായി നീളാൻ പാടില്ലെന്ന് വ്യക്തമായി പറഞ്ഞു. അതിനാലാണ് രണ്ട് മാസത്തിനകം അന്തിമ തീരുമാനമെടുക്കണമെന്ന് നിർദ്ദേശിച്ച് ഹർജി തീർപ്പാക്കിയത്.

നിയമവിദഗ്ധരുടെ വിലയിരുത്തലിൽ, തിരഞ്ഞെടുപ്പ് പ്രചാരണത്തിനിടെ സ്ഥാനാർഥികളുടെ പ്രസംഗങ്ങൾക്കുള്ള ഉത്തരവാദിത്വം കൂടുതൽ ശക്തമായി ഓർമ്മിപ്പിക്കുന്ന വിധിയാണ് ഇത്. രാഷ്ട്രീയ പ്രസംഗങ്ങൾ സമൂഹത്തിൽ വിദ്വേഷം വളർത്തുന്ന തരത്തിലാകുമ്പോൾ അതിനെതിരെ വേഗത്തിലുള്ള നിയമനടപടി അനിവാര്യമാണെന്ന സന്ദേശമാണ് കോടതിയുടെ നിലപാടിലൂടെ പുറത്തുവരുന്നത്.

ഗുരുവായൂർ മണ്ഡലത്തിലെ തെരഞ്ഞെടുപ്പ് രാഷ്ട്രീയ ചർച്ചകൾക്കിടയിൽ ഈ കേസ് പുതിയ രാഷ്ട്രീയ വിവാദങ്ങൾക്കും വഴിയൊരുക്കുന്ന സാഹചര്യമാണെന്ന് നിരീക്ഷകർ ചൂണ്ടിക്കാട്ടുന്നു. വരും ദിവസങ്ങളിൽ കമ്മിഷന്റെ അന്തിമ തീരുമാനം രാഷ്ട്രീയരംഗത്ത് വലിയ ചർച്ചയാകാൻ സാധ്യതയുണ്ട്.

<p>The post മതവിദ്വേഷ പരാമർശ കേസ് ; ബി. ഗോപാലകൃഷ്ണനെതിരെ രണ്ട് മാസത്തിനകം തീരുമാനം എടുക്കാൻ തിരഞ്ഞെടുപ്പ് കമ്മിഷന് ഹൈക്കോടതി നിർദേശം first appeared on guruvayoorOnline.com | Guruvayur Temple.</p>