ചാവക്കാട് താലൂക്ക് ആശുപത്രിയിലെ നഴ്സിന് കോവിഡ് ; 10 വയസ്സിനു താഴെയുള്ള 35 കുട്ടികൾ ക്വാറന്റീനിൽ..

ചാവക്കാട് ∙ താലൂക്ക് ആശുപത്രിയിലെ നഴ്സിന് കോവിഡ് സ്ഥിരീകരിച്ചതോടെ 10 വയസ്സിനു താഴെയുള്ള 35 കുട്ടികളും ക്വാറന്റീനിലായി. കുട്ടികൾക്ക് പ്രതിരോധ കുത്തിവയ്പ് നൽകിയ താലൂക്ക് ആശുപത്രിയിലെ ആരോഗ്യസംഘത്തിൽ ഈ നഴ്സും ഉണ്ടായിരുന്നതോടെയാണിത്. തിരുവത്രയിലെ അങ്കണവാടിയിൽ 5 ദിവസം മുൻപായിരുന്നു കുത്തിവയ്പ്. ‌ രണ്ടാം വാർഡിൽ 102–ാം നമ്പർ അങ്കണവാടിയിലായിരുന്നു കുത്തിവയ്പ്. 2 ദിവസം മുൻപാണ് നഴ്സിന് കോവിഡ് സ്ഥിരീകരിച്ചത്. തുടർന്നാണ് താലൂക്ക് ആശുപത്രി അധികൃതർ വീട്ടുകാരെ വിളിച്ച് കുട്ടികളെ 14 ദിവസം വീടുകളിൽ ക്വാറന്റീനിലാക്കണമെന്ന് നിർദേശിച്ചത്.

വീടുകളിൽ അറ്റാച്ച്ഡ് ശുചിമുറി ഒരുക്കണമെന്നും കുട്ടികളെ കളിക്കാൻ പുറത്തേക്ക് വിടരുതെന്നും നിർദേശിച്ചു. പനി, ചുമ, ജലദോഷം എന്നിവ അനുഭവപ്പെട്ടാൽ വിവരം അറിയിക്കണം. കുത്തിവയ്പിന് കുട്ടികളെത്തിയത് രക്ഷിതാക്കളുമൊത്തായതിനാൽ അവരും ആശങ്കയിലാണ്. അതേസമയം തീരദേശവാസികളായ കുടുംബങ്ങളിൽ പലയിടത്തും ബാത്ത് അറ്റാച്ച്ഡ് മുറികളില്ല. കുടുംബങ്ങൾക്ക് ഒറ്റ ശുചിമുറി മാത്രമാണുള്ളത്.

പ്രിയ വായനക്കാരുടെ അഭിപ്രായങ്ങള്‍ ഇതിനു തൊട്ടുതാഴെയുള്ള കമന്റ് ബോക്‌സില്‍ പോസ്റ്റ് ചെയ്യാം. അശ്ലീല കമന്റുകള്‍, വ്യക്തിഹത്യാ പരാമര്‍ശങ്ങള്‍, മത, ജാതി വികാരം വ്രണപ്പെടുത്തുന്ന കമന്റുകള്‍, രാഷ്ട്രീയ വിദ്വേഷ പ്രയോഗങ്ങള്‍ എന്നിവ കേന്ദ്ര സര്‍ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്‍ണ്ണ ഉത്തരവാദിത്തം  രചയിതാവിനായിരിക്കും.

Please enter your comment!
Please enter your name here