തിരുവനന്തപുരം: സംസ്ഥാനത്ത് ഇന്ന് 67 പേര്‍ക്ക് കൊവിഡ് സ്ഥിരീകരിച്ചുവെന്ന് മുഖ്യമന്ത്രി പിണറായി വിജയന്‍. ഇന്ന് രോഗം സ്ഥിരീകരിച്ചവരില്‍ പാലക്കാട് ജില്ലക്കാരായ 29 പേരും കണ്ണൂര്‍ ജില്ലക്കാരായ എട്ട് പേരും കോട്ടയം ജില്ലക്കാരായ ആറ് പേരും, മലപ്പുറം, എറണാകുളം ജില്ലക്കാരായ അഞ്ച് വീതവും തൃശൂര്‍, കൊല്ലം ജില്ലക്കാരായ നാല് വീതവും കാസര്‍ഗോഡ്, ആലപ്പുഴ ജില്ലക്കാരായ മൂന്ന് പേര്‍ വീതവും ഉള്‍പ്പെടുന്നുവെന്നും മുഖ്യമന്ത്രി പറഞ്ഞു. കൊവിഡ് 19 അവലോകന യോഗത്തിന് ശേഷം മാധ്യമങ്ങളെ കാണുകയായിരുന്നു മുഖ്യമന്ത്രി.

ഇന്ന് രോഗം സ്ഥിരീകരിച്ചവരില്‍ 27 പേര്‍ വിദേശത്ത് നിന്ന് വന്നവരാണ്. തമിഴ്‌നാട്ടില്‍ നിന്ന് വന്ന ഒന്‍പത് പേര്‍ക്കും, മഹാരാഷ്ട്രയില്‍ നിന്ന് വന്ന 15 പേര്‍ക്കും ഗുജറാത്തില്‍ നിന്ന് വന്ന അഞ്ച് പേര്‍ക്കും കര്‍ണാടകയില്‍ നിന്ന് വന്ന രണ്ടുപേര്‍ക്കും പോണ്ടിച്ചേരിയില്‍ നിന്നും ഡല്‍ഹിയില്‍ നിന്നും വന്ന ഓരോരുത്തര്‍ക്കും ഇന്ന് രോഗം സ്ഥിരീകരിച്ചു. സമ്പര്‍ക്കത്തിലൂടെ ഇന്ന് ഏഴ് പേര്‍ക്കാണ് രോഗം സ്ഥിരീകരിച്ചത്.

സംസ്ഥാനത്ത് ഇന്ന് 10 പേര്‍ കൊവിഡ് രോഗമുക്തരായി. കോട്ടയം ജില്ലയില്‍നിന്നുള്ള ഒരാള്‍ക്കും മലപ്പുറം ജില്ലക്കാരായ മൂന്നുപേരുടെയും ആലപ്പുഴ ജില്ലയിലുള്ള ഒരാളുടെയും പാലക്കാട് ജില്ലയിലുള്ള രണ്ടുപേരുടെയും എറണാകുളം ജില്ലയിലുള്ള ഒരാളുടെയും കാസര്‍ഗോഡ് ജില്ലയിലുള്ള രണ്ടുപേരുടെയും പരിശോധനാ ഫലമാണ് ഇന്ന് നെഗറ്റീവായത്

LEAVE A REPLY

Please enter your comment!
Please enter your name here