യു എ ഇ നിവാസികളുടെ ഫോൺകോളുകൾ റെക്കോർഡ് ചെയ്യുമെന്നും സോഷ്യൽ മീഡിയ അക്കൗണ്ടുകൾ നിരീക്ഷണത്തിലാണെന്നും ചൂണ്ടിക്കാട്ടി സോഷ്യൽമീഡിയയിലൂടെ പ്രചരിക്കുന്ന രേഖകൾ വ്യാജമാണെന്ന് ദുബൈ കമ്യൂണിറ്റി ഡവലപ്മെന്റ് അതോറിറ്റി അറിയിച്ചു. അതോറിറ്റിയുടെ ലോഗോയും ലെറ്റർഹെഡും ദുരുപയോഗം ചെയ്ത് നടക്കുന്ന പ്രചരണത്തിന് പിന്നിൽ പ്രവർത്തിച്ചവരെ കണ്ടെത്താൻ ടെലികോം അധികൃതരുമായി സഹകരിച്ച് അന്വേഷണം നടത്തുമെന്നും സി ഡി എ അറിയിച്ചു.
